HLAZY 47 - Mara Bible RV (BSI)Khazohpa khizaw zydua Beipa Hla chhituhpa châta: Kôrâ Sawchapawzy Hla 1 Hy phopizy saih u, nama ku chabaih u la, Lyna hla sapa ta Khazohpa lâ awh teh u! 2 Abeipa Chônôchaipa cha chi awpa châ ta, Ano cha alei chô zydua liata bei rônahpa a châ. 3 Phopizy eima ry liata panawhsa ta, Râhzy eima phei ry liata a panawhsa. 4 Eima ryuto râh miah a tlyhpa ta, A kyhpachâpa Zakaw myuh miah a pie. Selah 5 Khazohpa cha rahaona chhaota chô lâ kiah ta, Abeipa cha chiahmie pyu chhaota a kiah haw. 6 Khazohpa lâ reithaina hla sa u la, Reithaina hla sa teh u! Eima Beipa lâ reithaina hla sa u la, Reithaina hla sa teh u! 7 Khazohpa cha khizaw zydua Bei châ ta, Maskili hla paryhpa ta ano cha reithai teh u! 8 Khazohpa cha râhzy chô liata ryureituhpa châ ta, Khazohpa cha beidyuchhai pathaihpa liata a tyuhpa a châ. 9 Phopizy tawhta beizy a hmaoh ei ta, Abarahâ Khazohpa phopi chhao amâ hmaoh. Khizaw vyhphaozy he Khazohpa eih châ ta, Ano cha thata cheihchalopa a châ. |