HLAZY 15 - Mara Bible RV (BSI)

Khazohpa tlâh pathaihpa liata ahy a pahrâ aw?

Dâvi Hla

¹ Hy Abeipa, ahy ma na poh o liata tlôh aw ta, Ahy ma na tlâh pathaihpa liata a pahrâ aw?

² Seina hnei leipa ta hmo dopa a taopa, A palôh liata biedopa a reihpa;

³ A paleih ta kyh rei a hmâh leipa, A vaih chô liata hmo chhiepa a tao leipa, Â doleipa ta a viasa a reipachhie leipa;

⁴ A mo ta hrochhiepa chhyh thai leipa ta, Abeipa a chipa deikua a palyupalihpa; Pasana a tlôkhei theipa chhao ta a bietai khâ a patupa,

⁵ A pôhna chhaota a sôh dyu a pacheisa leipa, Moleina a hnei leipa thailei pachâsa nawpa ta panaopapana a la leipa; Chazy chata na poh o liata tlôh aw ei ta, Na tlâh pathaihpa liata ama pahrâ aw. Cha hmozy a taotuhpa cha a chalyu beih aw vei.