HLAZY 142 - Mara Bible RV (BSI)Abeipa achhaina hla Dâvi Maskili. Lôpu liata a y nota a thlahchhâna 1 Ei ao ta Abeipa pado na ta, Ei ao ta Abeipa lâ ngiachhiena ei hiah tyh. 2 A hmiakô liata ei nôuna bie reih na ta, A hmiakô liata ei nôpona ei chho. 3 Keima liata ei thlahpa a panao nota, Ei lâpi na pahno. Ei siena lâpi liata, Khoheih eina chôkhâh tyh ei. 4 Ei chachâh lâ a heih la moh tua rai, Nâ pahnopa y khao veih ei; Ei chhai nawpa y khao leipa ta, Ei hro kyh a pachâpa y khao veih ei. 5 Hy Abeipa, cha aw na ta, “Ei chhaina châ chi ta, Ahrohpa râh liata ei tovyuh na châ,” ei cha tah. 6 Ei awna he nathlie mah y, Thata panawhpa ta ei y hih! Nâ taolatuhpazy tawhta na pachha mah y, Kei châta ama tha a tlô tu haw! 7 Na moh ei reithai thei nawpa ta, Patâhna o tawhta na papua mah y! Ei chô liata phana hluhpi na tao awpa vâta, Mosiapazy ta eina chadô aw ei. |