HLAZY 136 - Mara Bible RV (BSI)A kyhpachâna tleih beih leipa vâta Abeipa reithaina 1 Abeipa hnohta alyna bie reih teh u, Ano cha pha ta, A kyhpachâna tlyzaw ta a daihpa a châ. 2 Khazozy Khazohpa hnohta alyna bie reih teh u, A kyhpachâna tlyzaw ta a daihpa a châ. 3 Beizy Beipa hnohta alyna bie reih teh u, A kyhpachâna tlyzaw ta a daihpa a châ. 4 Hmonoâh rônahpazy taotuhpa a y chhôhpa hnohta alyna bie reih teh u, A kyhpachâna tlyzaw ta a daihpa a châ. 5 Novâhna ta avâzy a taotuhpa hnohta alyna bie reih teh u, A kyhpachâna tlyzaw ta a daihpa a châ. 6 Tizy chô lâta alei a sohtuhpa hnohta alyna bie reih teh u, A kyhpachâna tlyzaw ta a daihpa a châ. 7 Khaihpa laipazy a taotuhpa hnohta alyna bie reih teh u, A kyhpachâna tlyzaw ta a daihpa a châ. 8 Nohchhô ryureituhpa noh a taotuhpa hnohta alyna bie reih teh u, A kyhpachâna tlyzaw ta a daihpa a châ. 9 Zâ ryureituhpa thlâpâ nata awhsizy a taotuhpa hnohta alyna bie reih teh u, A kyhpachâna tlyzaw ta a daihpa a châ. 10 Izi sawchapaw uhtheipa a thietuhpa hnohta alyna bie reih teh u, A kyhpachâna tlyzaw ta a daihpa a châ. 11 Izi mo hry tawhta Izarei a chhi papuatuhpa hnohta alyna bie reih teh u, A kyhpachâna tlyzaw ta a daihpa a châ. 12 Ku thatlôpa nata bâh pazawhpa ta Izarei a chhi papuatuhpa hnohta alyna bie reih teh u, A kyhpachâna tlyzaw ta a daihpa a châ. 13 Tilaipi Saihpa piah no ta a pachhaihtuhpa hnohta alyna bie reih teh u, A kyhpachâna tlyzaw ta a daihpa a châ. 14 Tilaipi Saihpa â pachhaihpa liata Izarei a chakasatuhpa hnohta alyna bie reih teh u, A kyhpachâna tlyzaw ta a daihpa a châ. 15 Phiraoh nata a pheisaihzy Tilaipi Saihpa liata a patlasatuhpa hnohta alyna bie reih teh u, A kyhpachâna tlyzaw ta a daihpa a châ. 16 Râhchawhpa liata a phopi a chhihthatuhpa hnohta alyna bie reih teh u, A kyhpachâna tlyzaw ta a daihpa a châ. 17 Bei rônahpazy a thietuhpa hnohta alyna bie reih teh u, A kyhpachâna tlyzaw ta a daihpa a châ. 18 Bei thatlôpazy a thietuhpa hnohta alyna bie reih teh u, A kyhpachâna tlyzaw ta a daihpa a châ. 19 Amawri bei Sihaw a thietuhpa hnohta alyna bie reih teh u, A kyhpachâna tlyzaw ta a daihpa a châ. 20 Bâsanâ bei Ôkâ a thietuhpa hnohta alyna bie reih teh u, A kyhpachâna tlyzaw ta a daihpa a châ. 21 Bei thatlôpazy râh Izarei ryuto châta a pietuhpa hnohta alyna bie reih teh u, A kyhpachâna tlyzaw ta a daihpa a châ. 22 A chakaotuhpa hnohta bei thatlôpazy râh ryuto châta a pietuhpa hnohta alyna bie reih teh u, A kyhpachâna tlyzaw ta a daihpa a châ. 23 Abeipa cha eima duahmo chhie nota miah a theituhpa châ ta, A kyhpachâna tlyzaw ta a daihpa a châ. 24 Eima khakhaipazy tawhta miah pachhatuhpa châ ta, A kyhpachâna tlyzaw ta a daihpa a châ. 25 Ano cha hmohrohneipa to niedo a pietuhpa châ ta, A kyhpachâna tlyzaw ta a daihpa a châ. 26 Avâ Khazohpa hnohta alyna bie reih teh u, A kyhpachâna tlyzaw ta a daihpa a châ. |