HLAZY 130 - Mara Bible RV (BSI)

Ei hro ta Abeipa a vâ

 sâh lâ kiana hla

¹ Hy Abeipa, ti athupa tawhta ei cha pado!

² Hy Abeipa, ei ao thei la, Ngiachhie ei châ hawna ao lâ he, Na nah vaw pachôh mah y!

³ Hy Abeipa, paraonazy a ngia khai hapa châ la, Hy Abeipa, ahy a duah thei aw?

⁴ Châhrasala chipa ta na y thei nawpa ta, Nâma liata ngiahthaina a y.

⁵ Abeipa cha hâ na ta, Ei thlahpa ta hâ thlâh ha ta, A bie liata hnabeiseihna ei hnei.

⁶ Vaituhpazy ta khihdei ama hâpa hlâta tha via ta, A châ na, vaituhpazy ta khihdei ama hâpa hlâta tha viapa ta, Ei thlahpa ta ei Beipa cha a hâ.

⁷ Hy Izarei, Abeipa liata na hnabeiseihna y mawh sy! Abeipa cha a kyhpachâna a tleih beih leipa châ ta, Chatlaina hluhpi a hneipa a châ.

⁸ Izarei cha pachha aw ta, A moleina zydua tawhta a pachha aw.