HLAZY 13 - Mara Bible RV (BSI)

Pasataona daihti liata thlahchhâna

Hla chhituhpa châta: Dâvi Hla

¹ Hy Abeipa, khati taih ma a châ aw? Chhâzaw ta ma eina my aw chi? Khati taih ma na hmia eina nyusai aw chi?

² Khachâ ma palôh tymâpa ta y aw na ta, Noh y ta palôh vâsâhpa ta ei y aw? Khati taih ma kei hlâta ei chariahpa cheihchalo viapa ta a y aw?

³ Hy Abeipa ei Khazohpa, Na moh la, nâ chhy la, Ei mo pavâsa mah y; Chataleipatala, a môsao pathlei aw na ta,

⁴ Ei chariahpa ta, “Ei pahnie haw,” tah aw ta, Ei chalyupa vâta ei khakhaipa â ly pathlei aw na.

⁵ Châhrasala kei la na ngâchhihna ngâ na ta, Na pachhana liata ei palôh â ly aw.

⁶ Abeipa cha ei chô liata a pha ngaitapa vâta, Ano lâ hla ei sa aw.