HLAZY 128 - Mara Bible RV (BSI)

Abeipa a chipa nohlaona

 sâh lâ kiana hla

¹ Abeipa chi ta, A lâpi a chhihpazy cha, Ama nohlao na!

² Na ku hriapasana thei niepa ta, Vânoh topa ta y aw chi ta, Na châta a pha aw.

³ Na lapinô cha kre zôh a pathei pha kawpa hawhta, Na o liata y aw ta; Na sawzy chhao ôli dawzy hawhta, Na tlâhkhai ama chadô aw.

⁴ Abeipa a chipa chyhsa cha, Cha hawhna chata byhnâ topa ta ama y aw.

⁵ Abeipa ta Zaio tawhta byhnâ cha pie sala, Na hro chhôh zydua ta Zerusale phana hmô la,

⁶ Na samoh sahlâhzy hmô mah y! Izarei chô liata thlalôhna y mawh sy!