HLAZY 127 - Mara Bible RV (BSI)Abeipa o sapa  sâh lâ kiana hla. Sawlawmaw Hla 1 Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli. 2 Mydi ta thyupa ta a pahâ hawh ei chi ta, Hriapasa palôh rietheipa ta pati nama nie tyhpa he, Hraoleipa a châ. Abeipa ta a kyhpachâpazy cha, Mokuh pahâpa ta a pamôsa tyh ei. 3 Sawzy he Abeipa tawhta eima ryuto châ ei ta, Sathei he a lymâ miah a piepa a châ. 4 Locho no sawzy cha, Pasaipha ku liata châtaizy hawhta ama châ. 5 A lavâ châtai ta a biepa chyhsa cha, Chyhsa nohlaopa a châ. Ama chariahpazy nata thokhy chhikao liata bie ama rei tita, Maophyuhpa ta y aw veih ei. |