HLAZY 125 - Mara Bible RV (BSI)Abeipa cha a phopi hnohta a y  sâh lâ kiana hla 1 Abeipa a ngâtuhpazy cha Zaio Tlâh pasie thei rimâ leipa, Chhâzaw ta a y thlâh hapa hawhta ama châ. 2 Tlâhpizy ta Zerusale a chadôpa hawhta, Abeipa ta a phopi cha tahmâ tawhta chhâzaw ta a ypâ lymâ aw. 3 Hmoparaopa ryureina chôchahrei cha, Mosiapazy ryuto râh liata a duah aw vei; Chataleipatala mosiapazy ta ama ku pazawh aw ei ta, Moleina hmo ama tao pathlei aw na. 4 Hy Abeipa, chyhsa phapazy hnohta hmo phapa tao la, Palôh dopazy hnohta hmo phapa tao mah y! 5 Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy! |