HLAZY 124 - Mara Bible RV (BSI)

Abeipa eimâ bohna

 sâh lâ kiana hla. Dâvi Hla

¹ Tahmâ cha Izarei ta, “Abeipa ta eima chhâh a châ vei mawh sala,

² Eima chô liata ama hie a hâh no kha, Abeipa ta eima chhâh a châ vei mawh sala,

³ Eima chô liata ama hie a hâh no kha, Ahrohpa ta miah palâ ha aw ei ta;

⁴ Tipa-ua ta miah phaoh aw ta, Tisaih ta miah vaopa ta,

⁵ Tily rupa ta miah a pamôh ha aw,” tah mawh sy.

⁶ Sa taipa hawhta tai awpa ta, Ama hâhzy lâta miah a hlâ leipa, Abeipa cha reithaipa ta y mawh sy!

⁷ Khoheih chôhtuhpa khoheih tawhta pavaw a puapa hawhta, Keimo chhao pua pi ta; Khoheih rao ta, Eima pua haw.

⁸ Keimo baona cha Abeipa moh liata y ta, Ano cha avâ nata alei taotuhpa a châ.