HLAZY 123 - Mara Bible RV (BSI)Zawngiahna châta thlahchhâna  sâh lâ kiana hla 1 Hy nâ, vâ beidyuchhai liata a tyuhpa y, Nâma lâta ei mo ei kaw khaih. 2 Chakaotuhpazy mo ta ama zibeipa ku moh ta, Chakaotuhnô mo ta a zibeinô ku a mopa hawhta, Keima mo chhao Abeipa eima Khazohpa lâ moh ta, Zawh miah â ngiah hlâlei a moh tyh. 3 Hy Abeipa, zawh miah a ngiah la, Zawh miah a ngiah mah y, Thata mohnaopa eima châ hih. 4 Chhôhmohpa ta a ypazy pasipasawhna vâta, Eima hro bohpi a riethei ta; Apalaipazy ta khâpasaw ta miah ama rei leina vâta, Eima hro a riethei ngaita. |