HLAZY 122 - Mara Bible RV (BSI)

Abeipa O lâ vawh ei suh u

 sâh lâ kiana Dâvi Hla

¹ Chyhsazy ta ei hnohta, “Abeipa o lâ pangai ei suh u!” Ama tah nota ei ly kaw tyh.

² Hy Zerusale, eima pheizy cha, Na chhikaozy thaby liata â duah thlâh hih!

³ Chyhsa hluhpi pahrâna khihpi a ipa châ awpa ta, Zerusale cha paduapa châ ta;

⁴ Izarei châta biepiepa raopa hawhta, Abeipa moh reithai awpa ta, Cha khihpi lâ cha Izarei chizy ta khy tyh ei ta, Abeipa chizy ta ama khy tyh.

⁵ Cha liata ryureina beidyuchhaizy patyupa châ ta, Dâvi pathla beidyuchhaizy patyupa a châ.

⁶ Zerusale thlalôhna châta thlahchhâ teh u! “Hy Zerusale, kyh châ pachâpazy vânoh topa ta y ei sala,

⁷ Na thokhyzy chhôh liata thlalôhna y sala, Na o sâhpazy liata abohna y mawh sy!”

⁸ Hy Zerusale, ei unawhzy nata ei viasazy vâta, “Na chhôh liata thlalôhna y mawh sy!” ei tah aw.

⁹ Abeipa eima Khazohpa o vâta, Na châta a pha awpa ei tlua aw.