HLAZY 121 - Mara Bible RV (BSI)

Baotuhpa Abeipa reithaina

 sâh lâ kiana hla

¹ Tlâhzy lâna khita ei mo ei khaih aw; Khataih tawhta ma nâ bao awpa a vaw tlô aw tly?

² Nâ bao awpa cha Abeipa tawhta vaw tlô aw ta, Avâ nata alei taotuhpa tawhta a vaw tlô aw.

³ Ano ta na phei a chapia awpa pasaih leipa aw ta, Châ vaituhpa cha tlauah aw vei.

⁴ Izarei vaituhpa cha, Tla-uah leipa aw ta, A mô beih hra aw vei.

⁵ Abeipa cha châ vaituhpa châ ta, Abeipa cha na ku chachâh lâ châ pahlituhpa a châ.

⁶ Nohchhô ta noh ta cha vawh leipa aw ta, Zâ ta thlâpâ ta cha vawh hra aw vei.

⁷ Abeipa ta hmo pha leipa to tawhta cha vaih aw ta, Na hrona a pabohsa aw.

⁸ Abeipa ta na puapa nata nâ ngiapa cha vaih aw ta, Tahmâ tawhta chhâzaw ta a cha vaih lymâ aw.