HLAZY 11 - Mara Bible RV (BSI)

Mosiapazy abohna

Hla chhituhpa châta: Dâvi Hla

¹ Abeipa liata a chhaipa châ na ta, Kheihtazie ta ei hnohta, “Tlâhpizy lâta pavaw hawhta a zaw ha mah y.

² Moleipazy ta libaw a keipa ta, A ri liata ama châtai pataoh ha ei ta, Chyhsa dopa cha azo ta a palôh liata ka amâ chhuah.

³ Âbônazy paraopa a châ ha khiahta cha, Mosiapa ta khâpa ma a tao thei khao aw” Nama tah thei tly?

⁴ Abeipa cha a Achhyna o pathaihpa liata y ta, Abeipa beidyuchhai cha avâ liata a y; A mo ta moh ta, A mokhaoh ta chyhsa sawzy a pasia tyh.

⁵ Abeipa ta mosiapa cha pasia ta, Moleipa nata nôchhiepa zy deikua cha a hro ta â hao.

⁶ Moleipazy chô liata meiia nata kaih pasuasa sala, Ziza sahpa cha ama tovyuh nyu châ mawh sy.

⁷ Abeipa cha asiapa châ ta, Siana hmotaopazy pasô ta, Chyhsa dopazy ta a hmia ama hmô aw.