HLAZY 1 - Mara Bible RV (BSI)

BU KHANA ( Hla 1.1—41.13 ) Mosiapa nata moleipa lâpi

¹ Hmoparaopazy ryhraona a chhih beih leipa, Moleipazy lâpi liata a duah beih leipa, Chyhsa a mohnao thaipazy dyuchhai liata a tyuh beih leipa, Cha hawhpa chyhsa cha a nohlao na.

² Â lyna cha Abeipa ryhpa liata châ ta, A ryhpa bie cha chhô nah zâ ta a pachâ tyh.

³ Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

⁴ Hmoparaopazy deikua, cha hawhta châ leipa ei ta, Sâh sihpa ziza ta a phaopa hawhta ama châ.

⁵ Chavâta hmoparaopazy cha pachiana liata thaichâ leipa aw ei ta, Moleipazy chhao mosiapazy apakhyna liata a hlao thei aw veih ei.

⁶ Abeipa ta mosiapazy lâpi cha pahno ta, Hmoparaopazy lâpi deikua cha a leidia aw.