Thiththoc INTRO1 - LON ILOPOROT LOKAPIK NATHAM NꞌREK NNONATHAM NOMAꞌROTLon lonothon OThiththoc pokat pakannoka ponoul woIouth anaruk kwoccokathe lon loMiccie kwothakkakathe pul ipittarothe oPoluc iire ngung. Ittina oPoluc pothïathe oThiththoc akwothongkene ul ioccokothe lon loKapik noththok poKrit. OPoluc piꞌrekathe oThiththoc itti kwangkene ul ittïttïk ana ul iari ana uꞌrit ana iak. Ana ocothot pꞌrin oPoluc piꞌrekathe oThiththoc itti ul iamakot oMiccie wakkot tat ana cannan itti okin thaka ul iana thomicco ana ꞌra thꞌraro ana thaꞌretto. Lon ilaik iatham 1. Thomicco (1.1–4) 2. Ul ittïttïk iakkot ngre ngoKapik (1.5–16) 3. Thikkoik thoul ioccokothe lon loMiccie (2.1–15) 4. Thongkene ana lon lothaꞌrettako nan (3.1–11) 5. Lon ilocothothe (3.12–15) |
´© (Active), Wycliffe Bible Translators, Inc. All rights reserved
Wycliffe Bible Translators, Inc.