धेपगी ङोटो़
कुछाप पाउलुगी यीक दे, फीलीप्पीपाक्याला चीलो ६२-६३ ॱये-ॱयो़नला, रोमगी चो़न्खाङने ढीक्पालाक। दे यीक दे, पाउलुगी फीलीप्पी ढोङखेरगी मास्यीकावाक्याला ढीक्पालाक। फीलीप्पी नी, माकेडोनीयागी (गीरीस ग्याखापगी झाङ स्योकगी ग्याजा च्यीक) चो ग्याजा च्यीक लाक। एशीयाने युरोपला मास्यीकागी ताम्शाङ धाङस्योकगो, फीलीप्पी ढोङखेरने गो चुक्पालाक।
पाउलु खोरी ताम्शाङगी, डु ॱङीवाला फीलीप्पीरु सोवालाक। फीलीप्पीरु पाउलुगी थुक्ठो़ धाङपोगी कोरला, जेपा १६:११-४० नाङला ढीक हो़तालाक। धेनी फीलीप्पीरु खोरी ताम्शाङगी, डु थेङ सुम्बागो जेपा २०:१ धाङ ६ ला ढीक हो़तालाक।
फीलीप्पीगी मास्यीकावाक्याई, पाउलु चो़न्खाङदु हो़ती घाङला, आले धी़री खोला रोवा झ्यीयेला कुरालाक। धा पाउलुगी खुङक्याला थुक्जेक्षे श्युयेला, दे यीक दे कुरपालाक। धेनी फीलीप्पीपाक्याला राङगी धेपागी झ्येरी, दुक्पो ङ्याङगीनगो पाउलुगी ॱहाघोरपालाक। होझ्येरी दुक्पोक्याई खोक्दुवाः घाटोने घाङगी झ्येरी मीछे पी़ थुप्ये दुक्ओ, ॱनेरी पाउलुगी राङगी मीछेगी पे तो़न्ती, खुङक्याला सेमस्युक पार हो़तालाक। फीलीप्पीपाक्याला राङला च्योक्रे सेमस्युक थोप्ती, मीज्यीया ताम्शाङ स्ये थुप्येगी रेवागो, पाउलुगी झ्ये हो़तालाक।
कारछाक
ङोटो़ १:१-११
पाउलुगी राङगी ॱनेछु १:१२-२६
मास्यीका नाङ हो़गीन मीछे १:२७–२:१८
तीमोथेउ धाङ ईपाप्रोदीतोगी क्षीदु क्षास्यी २:१९-३०
ग्याप ॱलोक्कीन धाङ जीक्टाक्याने ॱनेम झ्येरी, धेयेगी ङेन्ता ३:१–४:९
पाउलु धाङ फीलीप्पीपा रोवाक्या ४:१०-२०
थामा ४:२१-२३
