२ तीमोथेउ INTRO1 - ॱलोवाधेपगी ङोटो़ पाउलु रोमदु थाङमा ॱङीवा आटाला छी़दी घाङला, दे यीक दे तीमोथेउला ढीक्पालाक। होदे घाङला तीमोथेउ एफीसुरु हो़गीन, मास्यीकावा क्षो़छोकगी गोठी चोगो लाक। दे यीक दी दो़न्दाक चोगो शो़पा घोम्गोये लाक। दे यीक देला पाउलुगी तीमोथेउला, येशु मास्यीकागी पाङपो ढाङपो झ्येरी तेरये, धेनी ताम्शाङ धाङ सुङराप ॱङीङबागी ॱलापच्या धेन्पाला, ॱनेरे धेयेगी ॱलापच्या ॱनाङ हो़तालाक। धेनी दुक्पु धाङ ग्याप्केल घीरीगी खोकलाः ताम्शाङ स्येयेगी गेनगो, खुरयेला सेमस्युक पार हो़तालाक। दे यीक दे ढी घाङला खोराङगी मीछेगी थागो, ङे ॱलेप्दुक ॱनेरी, पाउलुला स्येये हो़तालाक। धेनी सुङराप साबा नाङदु हो़गीन, पाउलुगी यीक्याने, दे थामागी यीगो लाक। कारछाक ङोटो़ १:१-२ तो़पा धाङ श्योवा १:३–२:१३ ढो़ धाङ ङेन्ता २:१४–४:५ पाउलु राङगी ॱनेछु ४:६-१८ थामा ४:१९-२२ |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.