१ तीमोथेउ INTRO1 - ॱलोवाधेपगी ङोटो़ तीमोथेउ लुस्टा ॱनागीन, ग्याजागी ख्योक्तोङ च्यीक लाक। (लुस्टा ग्याजा दे धान्दा एशीया ॱलीङछेनगी, ल्हो स्योकला हो़गीन टुरकी ॱनागीन ग्याखापरु खेलालाक।) तीमोथेउ नी, कुछाप पाउलुगी चेवे रोवा धाङ खी़मुला श्याप्ची श्यी़गीनक्याने च्यीक लाक। (जेपा १६:१-४) दे यीक दे ढीक्ये एन्ला, पाउलुगी तीमोथेउला एफीसुरु हो़गीन मास्यीकावा क्षो़छोकला गोठी झ्यीयेला झावालाक। गोठी झ्यीयेला, तीमोथेउला सेमस्युक पारये धाङ ॱलापच्याक्या तेरयेला, पाउलुगी दे यीक दे ढीक्ती कुरपालाक। दे यीक देला क्षो़छोक नाङला हो़गीन, क्षो़ शोक्पोक्याने शाप-शाप झ्येरी धेयेगी ॱलापच्याक्या धाङ क्षो़छोकदु घाङगी झ्येरी गोठी झ्यीघोये धाङ क्षो़छोकदु श्याप्ची घारे श्युघोये धेनी होदेगी गोठीक्या धाङ खुङक्याई होकला श्याप्ची श्युगीनक्याई चो़पा घारे हुङघो़येगी कोरला, ॱलापच्याक्या ढीक हो़तालाक। होझ्येरी दे यीक दे, क्षो़छोकगी गोठीक्या धाङ खुङक्याई होकला धेगीन घीरीगी, एम्माने धान्दा थुक्पे ॱमीच्यीकी गेक्षे चीरी हो हो़तालाक। कारछाक ङोटो़ १:१-२ क्षो़छोकगी कोरला धाङ श्यान्देप पुयेगी कोरला ॱलापच्याक्या १:३–३:१६ तीमोथेउला खी़ लेगाक्याई कोरला ॱलापच्याक्या ४:१–६:२१ |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.