Dokʉ̈ Jâan INTRO1 - Mbëtï Ndjapä: TÄFO MADƗ̈Ndöndö pö pâ Dokʉ̈ mbëtï ndə̂ Jâan Mbëtï âtə wätə̂ Dokʉ̈ mbëtï ndə̂ Jâan mbô rə̂. Jâan wätə̂ djisîpili ndə̂ Jezü. Jâan âtə tö apö alême pâ tchîsûwu ndə̂ Jezü pâ cho âtə: Pö nə̈ wätə̂ «Tchôtchô Pö ndə̂ Jâan mbô rə̂». Tche kä mbô ndjë ambëtï bïchuû ndə̂ âzâ tchêngbâ anə̈ âtə. Dokʉ̈tchê alême, angâ azü kä tâ ndə̂ andjë mô yepa sə̈ azü pä Jezü Krîsiti ndə̂ tche nə̂ alême atə̂ bêche âtə ndə̂kə̂ watə̂ akrə lâme, tche də̂âbo Modô ndə̂ Ndjapä-a. Andjë kä tö rə̂ pä akrə balë balë wä ndə̂kə̂ mbo rə ndə̂ su yê nyîndə̂ nə̈, tchâme, Ndjapä âwun rə̂ batə̂ ngâ mbämbä rə. Djusə̂nə̈ kä ndə̂ Jâan mbô mbëtï âtə sə̈ azü ndə̂ Krîsiti ndə̂kə̂ to rə̂ sə̈ andjê pä Jezü də̈ tchabâ? Tche kä tô ndjë rə̂ sə̈ andjê pä tchîsûwu ndə̂ logbɛ̂ logbɛ̂ kä tâ tə̂ lëge nə̈. Ädə̈ käko ânyë tche nyî ndjë sə̂ köbo ndə̂kə̂ pa akrə gbo tchîsûwu nə̈ lâme sə̈ andjê: Akrə balë balë ndə̂ tche zâ su yê sə̈ Jezü, tchê gboadje tchîsûwu nə̈ lâme. Jâan kä tô ndjë rə̂ sə̈ azü nə̈ ndə̂kə̂ wa balë la Ndjapä, ndjë la Modô ndə̂ yê Jezü. Äwäpä andjë nyində̂ Ndjapä, la azü ndə̂ Krîsiti gbɛ̂. Âdə andjë âmbo tâ käko, andjê gboadje tchîsûwu ndə̂ logbɛ̂ logbɛ̂ tə̂ lëge nə̈. Mbëtï âtə krʉ̈ tchə̂lə̂ tə̂ yê kâkë: Pö ndə̂ âza tchîsûwu sə̈ akrə (1.1-4) Azə̈ nə̈ batə̂ azü ndə̂ ngbänga (1.5—2.1-6) Täfo ndïɛ̈ (2.7-17) Azü ndə̂ andjë kôsə̂ Krîsiti, la abechë ndə̂ Ndjapä (2.18—3.1-10) Kə̂ nyində̂ ngâ (3.11—4.1-21) Kə̂ ro la gbôgbô lə̂ arə tchêbêche (5.1-21) |
© Wycliffe Bible Translators, Inc.
Wycliffe Bible Translators, Inc.