Daniyeli INTRO1 - IBAYIBOLO 2024Ukwanda Ibuku ilya Daniyeli likasimbiwa pakabalilo kako aba Yuda bakayimbagha nkani, sona bakavwimiwanga nu mwene yuyo atakamumanya u Chala. Pakubombezya ivintu vivyo vikaboneka kale, sona ni visetuka, u Daniyeli yunuyu akubakazya abantu aba kabalilo aka nu lusubilo ulwakuti u Chala akwiza pakubisya abayivyi nukubanyosezya ubumwene abantu aba Chala. Ibuku ili lili ni vigaba vibili: (1) Utupangwi tuto tukunena nizya Daniyeli sona na bazya abamwabo, babo bali nu lusubilo mwa Chala, sona bakumwivwila, pakubapota abalwani babo. Utupangwi tunutu tukasimbiwa pakabalilo aka bamwene aba mu Babiloni sona na pakabalilo aka bamwene aba mu Peliziya. (2) Ivisetuka vivyo u Daniyeli akavyennya, vikulanjizya ichituzituzi, icha kukwela nukuwa ukwa mabumwene aminji nkani, ukwandila mu Babiloni, u Daniyeli akunenela zila nizya kuwa ukwa mabumwene aminji ghagho ghatamumenye u Chala, sona nukupota ukwa bantu aba Chala. Ivyamukasi U Daniyeli na bamanyani bache 1.1—6.28 Ivisetuka ivya Daniyeli 7.1—12.13 a. Ivinyamana folo 7.1-28 b. Nizya dubi ni mbuzi 8.1—9.27 c. Uwantumi uwakumwanya 10.1—11.45 d. Akabalilo akabumalilo 12.1-13 |
Lambya Bible © Bible Society of Malawi, 2024.
Bible Society of Malawi