ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 54 - LIFOTNTᤛᤧ᤺ᤵᤛᤡᤱᤔᤠᤖᤧ ᤗᤠᤃᤡ ᤐᤣᤗᤡᤃᤧᤴ ᤋᤢᤘᤠ ᤛᤠᤶᤗᤥ ᤁᤧᤜᤢ᤹ᤒᤠᤸᤗᤧ ᤁᤢᤗᤠᤃᤡ ᤀᤴᤔᤣ ᤂᤡᤱᤔᤏᤠᤒᤠ ᤔᤢᤰᤗᤠᤜᤠ᤹ᤏᤢᤒᤠ ᤍᤠᤀᤢᤍᤖᤧ ᤔᤛ᤻ᤁᤡᤗ ᤁᤢᤛᤠᤶᤗᤥ 1 ᤏᤡᤱᤘᤠ᤹ᤑᤢᤔᤠᤱᤅᤣ. ᤂᤧᤏᤧ᤹ ᤁᤧᤔᤡᤱᤅᤡᤸᤗᤧ ᤛᤧ᤺ᤵᤋᤠᤱᤅᤧ᤹ᤀᤥ. ᤜᤧᤰᤁᤩᤠᤱ ᤁᤧᤔᤢᤰᤛᤠᤶᤗᤠᤶᤒᤠ ᤀᤠᤱᤃᤠ᤹ ᤑᤥᤋᤩᤠ ᤔᤣ᤺ᤴᤏᤣᤒᤠ ᤆᤥ᤺ᤰᤁᤠ ᤑᤠ᤹ᤀᤠᤱ ᤐᤠᤖᤠᤱ ᤐᤡᤖᤠᤱᤅᤧ᤹ᤀᤥ॥ 2 ᤏᤡᤱᤘᤠ᤹ᤑᤢᤔᤠᤱᤅᤣ. ᤀᤠᤒᤣᤗᤡᤴ ᤂᤧᤵᤛᤧ ᤐᤡᤖᤠᤱᤅᤧ᤹ᤀᤥ. ᤜᤧᤰᤁᤩᤠᤱ ᤐᤠ᤺ᤳᤋᤢᤱᤒᤠ ᤐᤠ᤺ᤴᤜᤠ᤹ᤀᤥ ᤏᤡᤱᤘᤠ᤹ ᤐᤡᤖᤧ᤹ᤀᤥ॥ 3 ᤁᤢᤛᤡᤱ ᤏᤡ᤺ᤵᤔᤧᤴᤍᤧᤵᤏᤠᤒᤠ ᤔᤏᤠᤜᤠ᤹ᤖᤧ ᤔᤧᤛ᤹ᤀᤠ ᤔᤧᤓᤳᤋᤠᤖᤥ. ᤁᤢᤏᤡᤱᤘᤠ᤹ ᤁᤧᤈᤡ᤺ᤵᤐᤠᤜᤠ᤹ᤖᤧ ᤛᤧᤵᤔᤠ ᤔᤧᤃᤥ᤺ᤳᤋᤠᤖᤥ. ᤂᤧᤴ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤡᤱᤛᤥ ᤀᤡᤱᤎᤠᤱ ᤔᤧᤶᤒᤡᤖᤢᤴᤗᤥ॥ ᤛᤣᤗᤠ 4 ᤛᤧᤰᤂᤠᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤑᤠ᤹ᤀᤠᤖᤥ. ᤕᤜᤘᤣ ᤍᤠᤱᤒᤠᤀᤣ. ᤂᤧᤏᤧ᤹ᤀᤣ ᤁᤧᤏᤠᤱᤅᤠ ᤁᤧᤎᤣ᤺ᤰᤁᤠᤖᤥ॥ 5 ᤀᤠᤳᤋᤡᤴᤜᤠ᤹ᤖᤧ ᤀᤠᤈᤠ᤺ᤳᤌᤡ ᤔᤧᤍᤣᤛᤢ. ᤂᤧᤱᤜᤠ᤹ᤖᤧ ᤋᤠᤵᤑᤧ᤺ᤶᤒᤠ ᤐᤠ᤺ᤴᤜᤠ᤹ ᤔᤧᤍᤢᤔᤢᤖᤖᤥ. ᤜᤧᤰᤁᤩᤠᤱ ᤂᤧᤏᤧ᤹ ᤂᤧᤱᤜᤠ᤹ ᤔᤧᤰᤂᤧᤛᤧ᤹ᤀᤥ ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤏᤛᤠ᤺ᤴᤛᤠᤒᤠ ᤁᤧᤈᤥ᤺ᤰᤗᤥ॥ 6 ᤛ᤺ᤳᤋᤠᤖ ᤀᤠᤛᤡᤖᤠ᤹ ᤌᤠᤱᤎᤠᤱ ᤛᤡᤍᤢᤱᤈᤓᤠ ᤋᤥ᤺ᤴᤍᤢᤱᤗᤥ. ᤕᤜᤘᤣ ᤍᤠᤱᤒᤠᤀᤣ. ᤂᤧᤏᤧ᤹ ᤔᤡᤱᤛᤥ ᤀᤡᤱᤎᤠᤱ ᤐᤡᤏᤧᤖᤥ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤁᤧᤏᤢ᤹ᤒᤠ ᤁᤧᤈᤥ᤺ᤰᤗᤥ॥ 7 ᤌᤣᤀᤠᤱᤓᤧᤸᤗᤧ ᤀᤠᤱᤃᤠ᤹ ᤁᤧᤖᤧᤰ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ᤗᤠᤶᤒᤠ ᤁᤧᤛᤧ᤺ᤵᤋᤠᤱᤗᤥ॥ ᤀᤠᤏᤡᤱᤔᤡᤜᤠ᤹ ᤜᤠᤖᤡᤔᤧᤍᤩᤧᤒᤠ ᤏᤡᤛᤢᤱᤅᤠᤱ ᤘᤠ᤹ᤀᤠᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.