ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 43 - LIFOTNTᤂᤠᤛᤧᤴ ᤏᤢ ᤛᤧᤴᤗᤵᤖᤧ ᤗᤠᤃᤡ ᤐᤣᤗᤡ 1 ᤀᤠᤏᤡᤱᤘᤠ᤹ᤑᤢᤔᤠᤱᤅᤣ. ᤀᤠᤱᤃᤠ᤹ ᤗᤧᤵᤔᤠᤱ ᤂᤠᤛᤧᤴ ᤗᤥ᤺ᤴᤍᤠᤱ ᤐᤡᤖᤠᤱᤅᤧ᤹ᤀᤥ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤎᤡᤶ ᤁᤧᤓᤣ᤺ᤶᤒᤠ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤁᤢᤍᤥ᤺ᤵᤔᤠ ᤆᤥ᤺ᤰᤁᤠ ᤑᤠ᤹ᤀᤠᤱ ᤀᤠᤱᤃᤠ᤹ ᤐᤠᤖᤠᤱ ᤐᤡᤖᤠᤱᤅᤧ᤹ᤀᤥ॥ ᤕᤠᤵᤔᤡ ᤀᤡᤱᤗᤧᤰ ᤁᤧᤔᤧᤵᤐᤠᤜᤠ᤹ ᤏᤢ ᤋᤠᤰᤁᤧᤓᤧ᤹ᤒᤠᤜᤠ᤹ᤖᤧ ᤂᤢᤏᤡ᤹ ᤜᤢᤰᤁᤥ ᤌᤠᤔᤠ ᤔᤧᤒᤠᤱᤄᤠᤱᤅᤡᤴᤏᤧ᤹ᤀᤥ॥ 2 ᤂᤧᤏᤧ᤹ᤃ ᤀᤠᤀᤡ᤺ᤶᤛᤡᤱᤔᤠᤍᤧᤴ ᤀᤠᤱᤃᤠ᤹ ᤀᤠᤏᤡᤱᤘᤠ᤹ᤑᤢᤔᤠᤱᤏᤧᤖᤥ॥ ᤌᤣᤀᤠᤱ ᤀᤠᤱᤃᤠ᤹ ᤁᤧᤏᤠ᤹ᤖᤠᤱᤒᤠᤒᤣ᥅ ᤌᤣᤀᤠᤱ ᤀᤠᤏᤡᤱᤔᤡᤜᤠ᤹ᤖᤧ ᤋᤢᤰᤂᤣ ᤔᤧᤈᤠ᤺ᤳᤋᤠᤀᤠᤱ ᤔᤧᤖᤡᤱ ᤌᤰᤔᤠᤖ ᤘᤠ᤹ᤔᤠ ᤐᤥᤱᤒᤠᤒᤣ᥅ 3 ᤁᤧᤛᤧᤰᤂᤠᤴ ᤏᤢ ᤁᤧᤀᤥ᤺ᤳᤋᤡᤴ ᤀᤠᤱᤃᤠ᤹ ᤀᤥᤛᤣ᤺ᤴᤍᤠᤱ ᤆᤥᤃᤧ᤹ᤀᤥ. ᤂᤧᤴ ᤁᤧᤛᤧᤰᤂᤠᤴ ᤏᤢ ᤁᤧᤀᤥ᤺ᤳᤋᤡ᤺ᤸᤗᤧ ᤀᤠᤱᤃᤠ᤹ ᤗᤠᤶ ᤀᤥᤛᤣ᤺ᤴᤎᤠᤰᤁᤠᤖᤖᤥ॥ ᤂᤧᤸᤗᤧ ᤂᤧᤏᤧ᤹ ᤁᤧᤕᤢᤱᤔᤠᤍᤧᤴ ᤛᤣᤛᤣ ᤁᤥ᤺ᤰᤔᤠ ᤛᤡᤕᤥ᤺ᤴᤏᤥ ᤁᤧᤳᤋᤠᤖᤖᤥ॥ 4 ᤂᤶᤓᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤃᤡ ᤗᤧᤳᤋᤡ ᤋᤥ᤺ᤶᤔᤠᤍᤧᤴᤏᤥ ᤐᤣ᤺ᤰᤁᤠᤖᤥ. ᤂᤢᤏᤧ᤹ᤀᤣ ᤀᤠᤱᤃᤠ᤹ ᤀᤠᤛ᤺ᤵᤔᤠᤖᤧ ᤁᤢᤒᤢᤴᤗᤥ॥ ᤀᤠᤱᤃᤠ᤹ ᤋᤢ᤺ᤱᤃᤣ ᤜᤡᤵᤋᤢᤱᤗ ᤂᤢᤏᤧ᤹ ᤛᤧᤘᤠ ᤔᤧᤳᤏᤧᤖᤥ. ᤏᤡᤱᤘᤠ᤹ᤑᤢᤔᤠᤱᤅᤣ. ᤀᤠᤏᤡᤱᤘᤠ᤹ᤑᤢᤔᤠᤱᤅᤣ॥ 5 ᤌᤣᤀᤠᤱ ᤀᤠᤱᤃᤠ᤹ ᤀᤠᤏᤡᤱᤘᤠ᤹ ᤋᤠ᤹ᤈᤧᤱᤒᤠᤒᤣ᥅ ᤀᤠᤱᤃᤠ᤹ ᤌᤣᤀᤠᤱ ᤀᤰᤂᤣᤗ᤹ᤖᤡᤰ ᤀᤠᤛᤰᤔᤠ ᤜᤡ᤺ᤰᤜᤡ᤺ᤰ ᤗ᤹ᤒᤠᤒᤣ᥅ ᤀᤠᤱᤃᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤥᤔᤧᤳᤋᤢᤱᤗᤥ. ᤜᤧᤰᤁᤩᤠᤱ ᤕᤠᤶᤔᤥᤀᤠᤱ ᤀᤠᤛᤧᤴᤗᤵᤍᤠᤱᤒᤠ ᤏᤢ ᤀᤠᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤏᤠᤖᤠ ᤑᤥᤛᤢᤱᤗᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.