ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 23 - LIFOTNTᤕᤜᤘᤣ ᤍᤠᤱᤒᤠᤴ ᤍᤠᤱᤒᤠᤖᤥ ᤍᤠᤀᤢᤍᤖᤧ ᤁᤢᤛᤠᤶᤗᤥ 1 ᤕᤜᤘᤣ ᤍᤠᤱᤒᤠᤱᤃ ᤕᤠᤵᤔᤡ ᤆᤠᤃᤧᤖᤠᤶᤒᤠ ᤀᤠᤔᤧᤸᤗᤢᤰᤁᤶᤒᤠᤖᤥ. ᤆᤠᤜᤠᤒ᤻ ᤁᤧᤈᤥ᤺ᤰᤐᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤐᤡᤀᤠᤖᤥ॥ 2 ᤛᤖᤣ᤺ᤰᤕᤠ᤺ᤵᤐᤠ ᤆᤠᤖᤠᤶᤍᤧᤴᤏᤥ ᤆᤠᤖᤠᤶᤔᤠᤖ ᤏᤧᤒᤠᤱᤅᤠᤖᤥ. ᤜᤧᤰᤁᤩᤠᤱ ᤏᤧᤏᤧᤒᤠ ᤆᤫᤠ᤺ᤳ ᤐᤣᤛᤠᤱ ᤆᤫᤠ᤺ᤳ ᤌᤢᤱᤛᤧ ᤋᤣ᤹ᤀᤠᤖᤥ॥ 3 ᤂᤢᤏᤧ᤹ ᤀᤠᤛᤰᤔᤠ ᤁᤣ᤺ᤳᤋᤢᤀᤠᤱ ᤕᤠᤶᤔᤥ ᤁᤧᤎᤢᤶᤒᤠ ᤆᤥ᤺ᤰᤁᤠᤖᤥ. ᤂᤢᤏᤧ᤹ ᤀᤠᤒᤠᤅᤣ ᤁᤢᤔᤡᤱᤅᤡᤸᤗᤧ ᤆᤥᤃᤢᤸᤗᤧ ᤛᤠᤶᤕᤥᤒᤠ ᤗᤠᤶᤔᤥ ᤀᤠᤱᤃᤠ᤹ ᤗᤠᤱᤄᤣ᤺ᤱᤅᤠᤖᤥ॥ 4 ᤀᤠᤱᤃᤠ᤹ ᤛᤡᤔᤧᤸᤗᤧ ᤂᤠᤔᤠᤰᤔᤠ ᤗᤢᤶᤔᤥᤗᤠᤶ ᤗᤠᤱᤄᤣ᤺ᤰᤔᤠ ᤐᤥᤱᤛᤠᤱ ᤀᤠᤱᤃᤠ᤹ ᤔᤧᤃᤡᤀᤠᤴᤗᤥ॥ ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ᤃ ᤀᤠᤱᤃᤠ᤹ᤏᤢᤀᤣ ᤁᤧᤘᤠ᤹ᤖᤥ ᤂᤧᤏᤧ᤹ ᤁᤧᤖᤧᤰ ᤐᤠ᤺ᤴᤏᤥ ᤁᤧᤛᤧ᤺ᤵᤐᤠᤖᤥ॥ 5 ᤀᤠᤏᤡᤱᤔᤡᤜᤠ᤹ᤖᤧ ᤂᤢᤏᤡ᤹ ᤋᤃᤡᤀᤣ ᤆᤠᤔᤠ ᤌᤢᤱᤔᤠ ᤁᤧᤒᤡᤀᤠᤖᤥ. ᤋᤖᤣᤒᤠ ᤁᤢᤀᤡᤛᤡᤰ ᤀᤠᤎ᤻ᤃᤣᤰᤀᤥ ᤏᤡ᤺ᤱᤃᤣ᤹ᤀᤡᤸᤗᤧ ᤁᤧᤜᤢ᤺ᤳᤋᤠᤀᤠᤱ ᤀᤠᤱᤃᤠ᤹ ᤗᤠᤶᤃᤧᤍᤠ᤺ᤰᤁᤠᤖᤥ. ᤜᤧᤰᤁᤩᤠᤱ ᤀᤠᤄᤥᤷᤕᤠᤴ ᤘᤧᤳᤗ ᤌᤠᤖᤡᤰ ᤁᤧᤎᤡᤶᤛᤢ ᤁᤧᤒᤡᤀᤠᤖᤥ॥ 6 ᤛᤧᤰᤂᤠᤀᤣ ᤁᤧᤛᤢᤳᤏᤠ ᤏᤢ᤹ᤔᤧᤴ ᤏᤢ ᤗᤢᤱᤔᤠ᤹ ᤁᤧᤍᤢᤰᤁᤠᤒᤠ ᤐᤠ᤺ᤴᤏᤡᤴ ᤀᤠᤱᤃᤠ᤹ ᤀᤠᤜᤡᤱᤜᤡᤱ ᤌᤠᤖᤡᤰ ᤘᤠ᤹ᤖᤥ. ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤡᤶᤔᤥ ᤀᤠᤱᤃᤠ᤹ ᤛᤍᤠᤍᤡᤱ ᤛᤍᤠᤍᤡᤱ ᤘᤠ᤹ᤀᤠᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.