ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 22 - LIFOTNTᤋᤢᤰᤂᤣᤗᤠᤰᤂᤣᤀᤥᤒᤠ ᤐᤣᤗᤡ ᤛᤠᤶᤗᤥ ᤁᤧᤜᤢ᤹ᤒᤠᤸᤗᤧ ᤗᤠᤃᤡ “ᤋᤠᤏᤠᤶᤒᤠ ᤐᤧ᤺ᤱᤘᤠ” ᤀᤡᤳᤗᤠᤀᤥᤒᤠ ᤍᤠᤀᤢᤍᤖᤧ ᤁᤢᤛᤠᤶᤗᤥ 1 ᤀᤠᤏᤡᤱᤘᤠ᤹ᤑᤢᤔᤠᤱᤅᤣ. ᤀᤠᤏᤡᤱᤘᤠ᤹ᤑᤢᤔᤠᤱᤅᤣ. ᤌᤣᤀᤠᤱ ᤀᤠᤱᤃᤠ᤹ ᤗᤠᤵᤃᤧᤓᤢᤛᤠᤱᤒᤣ᥅ ᤀᤠᤱᤃᤠ᤹ ᤑᤠ᤹ᤖᤠᤱᤅᤧ᤹ ᤑᤠ᤹ᤀᤠᤱ ᤀᤢ᤺ᤳᤏᤧᤸᤗᤧ ᤌᤣᤀᤠᤱ ᤔᤠ᤺ᤱᤄᤠ ᤁᤧᤒᤥ᤺ᤰᤂᤧᤒᤠᤒᤣ᥅ 2 ᤀᤠᤏᤡᤱᤘᤠ᤹ᤑᤢᤔᤠᤱᤅᤣ. ᤗᤧᤴᤍᤡᤰ ᤀᤢ᤺ᤳᤏᤧᤖᤥ ᤁᤖ ᤀᤠᤱᤃᤠ᤹ ᤏᤢᤃᤵ ᤁᤧᤶᤒᤡᤀᤠᤸᤗᤥ. ᤛᤧᤴᤍᤡᤰᤁᤠᤱ ᤀᤠᤱᤃᤠ᤹ ᤛᤫᤠ᤺ᤳ ᤔᤧᤕᤢᤱᤅᤠᤴᤗᤥ॥ 3 ᤜᤧᤰᤁᤣᤛᤠᤱ ᤂᤧᤏᤧ᤹ ᤁᤧᤖᤧᤰᤏᤢ᤺ᤸᤗᤧ ᤛᤣᤛᤣᤒᤠ ᤁᤧᤈᤥ᤺ᤰᤗᤥ. ᤜᤠᤱᤕᤢᤰᤏᤠᤀᤥ ᤁᤧᤕᤢᤱ. ᤀᤡᤛᤪᤠᤀᤡᤗᤡᤜᤠ᤹ᤖᤧ ᤁᤧᤏᤠᤖᤠ ᤔᤧᤓᤥᤛᤢᤖᤥ॥ 4 ᤀᤠᤏᤡᤃᤣ ᤐᤠᤎᤧᤒᤠᤜᤠ᤹ᤖᤧ ᤂᤧᤏᤧ᤹ᤀᤥᤀᤣ ᤏᤛᤠᤴ ᤔᤧᤕᤢᤰᤂᤢᤀᤠᤱ ᤔᤧᤘᤕᤧᤖᤥ. ᤂᤧᤱᤜᤠ᤹ᤖᤧ ᤏᤛᤠᤴ ᤔᤧᤕᤢᤰᤂᤢᤀᤠᤱ ᤂᤧᤱᤜᤠ᤹ ᤁᤧᤛᤧ᤺ᤵᤋᤢᤛᤡᤖᤥ॥ 5 ᤂᤧᤱᤜᤠ᤹ᤖᤧ ᤂᤧᤏᤧ᤹ ᤁᤢᤓᤠ᤹ ᤁᤧᤶᤏᤠ᤺ᤰᤋᤧ ᤜᤧᤰᤁᤩᤠᤱ ᤁᤧᤛᤧ᤺ᤵᤋᤢᤛᤡᤖᤥ. ᤂᤧᤱᤜᤠ᤹ᤖᤧ ᤂᤧᤏᤧ᤹ᤀᤥ ᤏᤛᤠᤴ ᤔᤧᤕᤢᤰᤂᤢᤀᤠᤱ ᤏᤠᤎᤠᤔᤥ ᤔᤧᤴᤎᤩᤧᤏᤧᤴᤗᤥ॥ 6 ᤁᤖ ᤀᤠᤱᤃᤠ᤹ᤃ ᤔᤏᤠᤀᤠ ᤔᤧᤴᤀᤠ ᤁᤖ ᤑᤣ᤹ᤒᤠᤳ ᤜᤧᤰᤋᤱᤒᤠᤀᤠᤖᤰᤗᤥ. ᤁᤧᤖᤧᤰ ᤔᤏᤠᤜᤠ᤹ᤖᤧ ᤀᤠᤱᤃᤠ᤹ ᤏᤠᤔᤧᤴᤇᤠ᤹ᤀᤠᤴ ᤜᤧᤰᤁᤩᤠᤱ ᤜᤡᤏᤠ᤺ᤶ ᤔᤧᤔᤧᤳᤋᤠᤖᤥ॥ 7 ᤀᤠᤱᤃᤠ᤹ ᤕᤠᤵᤔᤡ ᤁᤧᤏᤡᤒᤠ ᤁᤧᤖᤧᤰᤗᤧ ᤔᤧᤃᤣ᤹ᤀᤠᤖᤥ॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤢᤖᤠ ᤘᤛᤣ᤺ᤴ ᤔᤧᤗᤧᤰᤂᤢᤖ ᤌᤧᤃᤣᤰᤐᤠᤴ ᤋᤄᤢᤶᤋᤄᤢᤶ ᤔᤧᤔᤧᤳᤋᤢᤖ ᤀᤰᤂᤣ ᤔᤧᤒᤠ᤺ᤳᤋᤢᤖᤥ. 8 “ᤕᤜᤘᤣ ᤍᤠᤱᤒᤧᤸᤗᤧ ᤛᤧ᤺ᤵᤐᤠ ᤑᤠ᤹ᤀᤠᤱ ᤂᤧᤸᤗᤧ ᤏᤛᤠᤴ ᤆᤥᤃᤢᤖᤥ. ᤗᤢ ᤂᤢᤏᤧ᤹ᤀᤣ ᤂᤧᤴ ᤋᤠᤱᤛᤧ᤺ᤵᤋᤢᤖᤖᤥ॥ ᤕᤜᤘᤣ ᤍᤠᤱᤒᤧᤸᤗᤧ ᤂᤧᤴ ᤑᤠ᤹ᤖᤢᤖᤖᤥ ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤂᤧᤴ ᤁᤢᤛᤡᤖᤠ᤹ ᤌᤠᤅᤧᤀᤠᤱ ᤘᤠ᤹ᤖᤥ॥” 9 ᤜᤧᤰᤁᤣᤛᤠᤱ ᤂᤧᤏᤧ᤹ᤀᤣ ᤀᤠᤱᤃᤠ᤹ ᤀᤠᤶᤔᤠᤖᤧ ᤁᤢᤛᤠᤵᤐᤥ᤺ᤰᤁᤥᤗᤠᤶ ᤁᤧᤗ᤺ᤳᤋᤠᤱᤗᤥ॥ ᤀᤠᤶᤔᤠᤖᤧ ᤁᤢᤓᤰᤋᤢᤱᤔᤥ ᤘᤕᤠᤱᤅᤡᤸᤗᤧᤛᤠᤀᤣ ᤂᤧᤏᤧ᤹ ᤏᤛᤠᤴ ᤁᤧᤈᤥ᤺ᤰᤐᤠ ᤁᤧᤈᤥᤃᤠᤱᤗᤥ॥ 10 ᤀᤠᤱᤃᤠ᤹ ᤛᤠᤘᤠ᤺ᤴᤇᤡᤱᤅᤠᤒᤠ ᤕᤧᤴᤏᤠᤱᤎᤥᤀᤣ ᤀᤠᤱᤃᤠ᤹ ᤂᤧᤏᤧ᤹ᤀᤥ ᤔᤧᤍᤥ᤺ᤴᤍᤠᤱᤗᤥ. ᤀᤠᤶᤔᤠᤖᤧ ᤀᤠᤱᤃᤠ᤹ ᤁᤳᤋᤠᤱᤅᤠᤱᤎᤥᤀᤣ ᤂᤧᤏᤧ᤹ ᤀᤠᤱᤃᤠ᤹ ᤀᤠᤏᤡᤱᤘᤠ᤹ᤑᤢᤔᤠᤱᤏᤧᤖᤥ॥ 11 ᤀᤠᤱᤃᤠ᤹ᤏᤢ ᤔᤠ᤺ᤱᤄᤠ ᤔᤧᤒᤥ᤺ᤰᤂᤧᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤕᤧᤳᤋᤢᤰᤂᤣ ᤋᤢᤶᤔᤠ ᤕᤧᤶ ᤋᤠᤖ ᤐᤳᤗᤥ. ᤜᤧᤰᤁᤩᤠᤱ ᤀᤠᤱᤃᤠ᤹ ᤕᤠᤵᤔᤡ ᤁᤧᤓᤠ᤹ᤒᤠ ᤜᤠ᤺ᤳᤋᤠᤱ ᤜᤥᤵᤗᤥ॥ 12 ᤕᤖᤡᤰ ᤀᤠᤏᤡᤱᤔᤡᤜᤠ᤹ᤖᤧ ᤀᤠᤎᤥ᤺ᤱᤎᤥ᤺ᤱᤒᤠ ᤐᤡᤳ ᤜᤧᤰᤁᤣ ᤀᤠᤱᤃᤠ᤹ ᤔᤧᤃᤒᤠᤱᤅᤠᤱ ᤘᤠ᤹ᤀᤠᤖᤥ. ᤜᤧᤰᤁᤩᤠᤱ ᤒᤠᤛᤠᤏ ᤗᤠᤈᤣ᤹ᤒᤠ ᤁᤡᤵᤔᤠ ᤁᤧᤄᤢᤒᤠ ᤐᤡᤳᤜᤠ᤹ ᤁᤧᤖᤧᤰ ᤐᤡᤛᤠᤱ ᤀᤠᤱᤃᤠ᤹ ᤀᤠᤄᤡᤖᤡ ᤔᤧᤘᤠ᤹ᤖᤥ॥ 13 ᤛᤠᤰᤁᤡᤸᤗᤧ ᤋᤖᤢᤛᤡᤒᤠ ᤁᤧᤜᤢ᤺ᤰᤐᤠ ᤂᤡᤖᤡᤱᤒᤠᤜᤠ᤹ ᤜᤧᤰᤁᤣ ᤀᤠᤏᤡᤱᤔᤡᤜᤠ᤹ᤖᤧ ᤀᤠᤱᤃᤠ᤹ ᤛᤧᤵᤔᤠ ᤔᤧᤀᤡ᤺ᤳᤋᤠᤖᤥ॥ 14 ᤂᤠᤶᤒᤠᤱᤅᤥ ᤁᤧᤘᤧᤵᤐᤠ ᤆᤫᤠ᤺ᤳᤋᤡᤴ ᤆᤵᤐᤣ᤺ᤰᤐᤠ ᤜᤧᤰᤁᤣ ᤀᤠᤱᤃᤠ᤹ ᤀᤠᤛᤰᤔᤠ ᤀᤠᤛᤠ᤹ᤀᤡ ᤜᤥᤵᤗᤥ. ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤠᤗᤠᤱ ᤀᤠᤜᤢᤰᤁᤥᤒᤠ ᤀᤠᤕᤧᤵᤐᤠᤜᤠ᤹ᤖᤧ ᤀᤠᤱᤃᤠ᤹ ᤔᤧᤍᤰᤁᤠᤴᤗᤥ॥ ᤁᤧᤕᤥ᤺ᤶᤒᤠ ᤌᤢᤶᤒᤢ᤹ ᤜᤧᤰᤁᤣ ᤀᤠᤛᤡᤰᤗᤢᤱᤔᤠᤴ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ 15 ᤁᤧᤜᤣᤒᤠ ᤁᤢᤛᤢᤶ ᤔᤧᤴᤍᤶᤔᤏᤠᤒᤠ ᤂᤠᤶ ᤜᤧᤰᤁᤣ ᤀᤠᤱᤃᤠ᤹ ᤔᤧᤴᤎᤢᤶᤔᤏᤠᤒᤠ ᤐᤥ᤺ᤰᤂᤠᤱᤅᤠᤱ ᤘᤠ᤹ᤀᤠᤖᤥ. ᤜᤧᤰᤁᤩᤠᤱ ᤀᤠᤸᤛᤥ᤺ᤵᤐᤠᤴ ᤀᤠᤄᤠ᤺ᤶᤍᤠ᤺ᤰᤔᤥ ᤂᤡᤵᤋᤢ ᤐᤣᤀᤠᤱ ᤐᤳᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤣ. ᤀᤠᤱᤃᤠ᤹ ᤛᤡᤀᤠᤖ ᤑᤠ᤹ᤀᤠᤱ ᤂᤠᤶᤜᤡ᤺ᤰᤁᤥ ᤁᤧᤗᤧᤖᤠᤱᤅᤠᤱ ᤘᤠ᤹ᤀᤠᤖᤥ॥ 16 ᤂᤩᤠᤒᤠᤜᤠ᤹ᤖᤧ ᤜᤧᤰᤁᤣ ᤀᤠᤏᤡᤱᤔᤡᤜᤠ᤹ᤖᤧ ᤁᤒᤪᤡᤱ ᤔᤧᤃᤒᤠᤱᤅᤠᤱ ᤘᤠ᤹ᤖᤥ. ᤑᤧᤴᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤖᤧ ᤔᤧᤃᤒᤠᤱᤅᤠᤱ ᤘᤠ᤹ᤖᤥ. ᤂᤧᤱᤜᤠ᤹ᤖᤧ ᤀᤠᤗᤠᤱ ᤀᤠᤜᤢᤰᤜᤠ᤹ ᤔᤧᤜᤱᤄᤢᤀᤠᤱ ᤐᤳᤗᤥ॥ 17 ᤁᤧᤖᤧᤰ ᤀᤠᤒᤡᤶᤒᤠ ᤀᤠᤕᤧᤵᤐᤠᤜᤠ᤹ ᤏᤡᤔᤠ ᤛᤢᤰᤋᤧᤳᤗᤥ. ᤔᤏᤠᤜᤠ᤹ᤖᤧ ᤔᤧᤈᤡ᤺ᤳᤋᤠᤖ ᤀᤍᤰᤋᤰᤁᤠᤱ ᤀᤥᤔᤧᤔᤧᤳᤋᤠᤖᤥ॥ 18 ᤂᤧᤱᤜᤠ᤹ ᤀᤠᤈᤠᤱᤅᤡᤴ ᤔᤧᤜᤠ᤺ᤳᤇᤡᤱᤗᤥ. ᤜᤧᤰᤁᤩᤠᤱ ᤀᤠᤈᤠᤱᤅᤡᤴ ᤋ᤹ᤕᤠ᤺ᤴᤛᤥᤴ ᤔᤧᤃᤧᤛᤢᤖᤥ॥ 19 ᤁᤖ ᤕᤜᤘᤣ ᤍᤠᤱᤒᤠᤀᤣ. ᤂᤧᤏᤧ᤹ᤃ ᤀᤠᤱᤃᤠ᤹ᤗᤠᤶ ᤔᤠ᤺ᤱᤄᤠ ᤔᤧᤒᤥ᤺ᤰᤂᤧᤴᤏᤧ᤹ᤀᤥ᥄ ᤂᤧᤏᤧ᤹ᤀᤣ ᤀᤠᤱᤃᤠ᤹ ᤁᤧᤎᤢᤶᤒᤠ ᤁᤧᤈᤥ᤺ᤰᤁᤠᤖᤥ. ᤀᤠᤱᤃᤠ᤹ ᤜᤠᤖᤠ ᤑᤠ᤹ᤖᤠᤱᤅᤧ᤹ᤀᤥ॥ 20 ᤀᤠᤏᤡᤱᤔᤡᤜᤠ᤹ᤖᤧ ᤋᤠᤓᤣ᤺ᤸᤗᤧ ᤛᤧᤵᤔᤠ ᤔᤧᤱᤄᤥᤀᤠᤴᤗᤖᤥ ᤜᤧᤰᤁᤩᤠᤱ ᤂᤩᤠᤒᤠᤜᤠ᤹ ᤜᤧᤰᤋᤱᤒᤠ ᤀᤠᤏᤡᤱᤔᤡᤜᤠ᤹ᤗᤠᤶ ᤀᤡᤔᤧᤸᤗᤢᤱᤒᤠ ᤀᤠᤜᤡᤱᤔᤴ ᤛᤧ᤺ᤵᤋᤧ᤹ᤀᤥ॥ 21 ᤂᤡᤖᤡᤱᤒᤠᤜᤠ᤹ᤖᤧ ᤀᤠᤱᤃᤠ᤹ ᤆᤠᤔᤠ ᤔᤧᤱᤄᤥᤀᤠᤴᤗᤖᤥ. ᤜᤧᤰᤁᤩᤠᤱ ᤀᤠᤎᤥ᤺ᤱᤎᤥ᤺ᤱᤒᤠ ᤛᤠᤶᤒᤡᤳᤜᤠ᤹ᤗᤠᤶ ᤀᤠᤱᤃᤠ᤹ ᤛᤧ᤺ᤵᤋᤠᤱᤅᤧ᤹ᤀᤥ॥ 22 ᤀᤠᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤁᤧᤔᤡᤱᤅᤡᤴ ᤀᤡᤱᤓᤥᤛᤢᤱᤗᤥ. ᤆᤢᤶᤗᤢᤱᤗᤢᤶᤔᤥ ᤀᤠᤱᤃᤠ᤹ ᤁᤧᤏᤠᤖᤠ ᤑᤥᤛᤢᤱᤗᤥ॥ 23 ᤕᤜᤘᤣ ᤍᤠᤱᤒᤠᤴ ᤔᤡᤱᤛᤥ ᤀᤡᤱᤎᤠᤱ ᤐᤡᤖᤧᤶᤔᤧ᤹ᤖ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ॥ ᤕᤠᤁᤢᤒᤖᤧ ᤁᤢᤔᤢ᤹ᤀᤡᤍᤠᤱᤛᤠᤛᤣ. ᤁᤢᤔᤡᤔᤡᤍᤡᤱ ᤆᤥᤃᤧᤶᤔᤧ᤹ᤀᤥ. ᤀᤡᤛᤪᤠᤀᤡᤗᤖᤧ ᤁᤢᤔᤢ᤹ᤀᤡᤍᤠᤱᤛᤠᤛᤣ. ᤂᤢᤏᤧ᤹ ᤛᤧᤘᤠ ᤔᤧᤳᤋᤠᤶᤔᤧ᤹ᤀᤥ॥ 24 ᤌᤣᤀᤠᤱᤓᤧᤸᤗᤧ ᤕᤧᤳᤋᤢᤰᤂᤣ ᤁᤧᤈᤠᤒᤠᤜᤠ᤹ᤖᤧ ᤂᤢᤏᤡ᤹ ᤋᤢᤰᤂᤣᤴ ᤂᤢᤏᤧ᤹ ᤔᤧᤈᤡ᤺ᤳᤋᤢᤴᤗᤥ ᤁᤖ ᤂᤢᤏᤧ᤹ ᤏᤡᤱᤘᤠ᤹ ᤀᤡ᤺ᤳᤋᤢᤖᤥ॥ ᤂᤧᤱᤜᤠ᤹ᤗᤠᤶ ᤂᤢᤏᤧ᤹ ᤁᤢᤏᤠᤖᤠᤴ ᤔᤧᤈᤡᤰᤂᤢᤴᤗᤥ ᤁᤖ ᤂᤧᤱᤜᤠ᤹ᤖᤧ ᤀᤠᤓᤠ᤹ᤖᤧ ᤔᤧᤔᤧᤳᤋᤢᤸᤗᤧ ᤑᤠ᤹ᤖᤢᤛᤡᤖᤥ॥ 25 ᤕᤖᤡᤰ ᤔᤏᤠ ᤁᤧᤈᤢᤶᤒᤠᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤂᤧᤏᤧ᤹ ᤁᤧᤈᤥᤃᤢᤒᤠ ᤕᤠ᤺ᤶᤒᤰᤁᤡᤴ ᤀᤡᤱᤎᤠᤱ ᤐᤡᤖᤢᤱᤗᤥ. ᤂᤧᤏᤧ᤹ ᤛᤧᤘᤠ ᤁᤧᤔᤧᤵᤐᤠᤜᤠ᤹ᤖᤧ ᤂᤢᤏᤡ᤹ ᤐᤣᤛᤠᤱ ᤀᤠᤱᤃᤠ᤹ ᤔᤠᤱᤜᤧᤰ ᤆᤥᤃᤢᤱᤒᤠ ᤛᤡᤍᤢᤱᤈᤓᤠᤴ ᤁᤧᤳᤋᤢᤱᤗᤥ॥ 26 ᤕᤠᤱᤃᤧᤛᤠ᤹ᤒᤠᤜᤠ᤹ᤖᤧ ᤔᤧᤈ ᤔᤧᤎᤢᤅᤢᤀᤠᤱ ᤂᤢᤏᤡ᤹ ᤛᤡᤰᤆᤡᤶᤗᤥ. ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤃᤥ᤺ᤵᤐᤠᤜᤠ᤹ᤖᤧ ᤂᤢᤏᤧ᤹ ᤁᤢᤏᤠᤖᤠ ᤔᤧᤓᤥᤛᤢᤖᤥ᥄ ᤂᤡᤏᤡ᤹ ᤛᤡᤰᤗᤢᤱᤔᤠᤴ ᤛᤍᤠᤍᤡᤱ ᤜᤠᤱᤜᤠᤱ ᤗ᤹ᤖᤖᤥ॥ 27 ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤕᤜᤘᤣ ᤍᤠᤱᤒᤠᤴ ᤏᤡᤱᤘᤠ᤹ ᤔᤧᤀᤡ᤺ᤳᤋᤢᤖᤥ ᤜᤧᤰᤁᤩᤠᤱ ᤂᤢᤏᤧ᤹ ᤗᤧᤵᤔᤠᤱ ᤔᤧᤏᤢ᤺ᤱᤗᤥ॥ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤜᤡᤶᤛᤕᤱᤜᤠ᤹ᤖᤧ ᤂᤢᤏᤧ᤹ᤀᤣ ᤛᤧᤘᤠ ᤔᤧᤔᤧᤳᤋᤢᤖᤥ॥ 28 ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤠᤱᤃ ᤜᤠᤱᤗᤥ. ᤁᤧᤖᤧᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤛᤶᤎᤠᤱ ᤂᤢᤏᤧ᤹ ᤜᤠᤱᤆᤥᤰᤗᤥ॥ 29 ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤖᤧᤰ ᤕᤠᤱᤛᤠᤁᤢᤴᤎᤣᤛᤠᤒᤠᤜᤠ᤹ ᤆᤠᤔᤢᤰ ᤌᤡᤔᤢᤰ ᤔᤧᤈᤥ᤺ᤰᤁᤠᤱ ᤛᤧᤘᤠ ᤔᤧᤈᤥᤰᤗᤥ. ᤛᤠᤃᤧᤘᤠ᤺ᤴᤇᤡᤱᤒᤠᤀᤠᤱ ᤁᤧᤛᤡᤒᤠ ᤁᤧᤒᤣ᤺ᤰᤐᤠᤜᤠ᤹ ᤁᤧᤖᤧᤰ ᤂᤢᤏᤧ᤹ ᤁᤢᤍᤃᤡ ᤛᤠᤶᤒᤥᤴ ᤔᤧᤒᤳᤗᤥ॥ 30 ᤕᤠᤱᤛᤡ ᤁᤧᤍᤠᤒᤠ ᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤁᤢᤛᤧᤘᤠ ᤔᤧᤈᤥᤃᤢᤖᤥ. ᤂᤧᤱᤜᤠ᤹ᤖᤧ ᤂᤢᤏᤡ᤹ᤏᤢ᤺ᤸᤗᤧ ᤀᤣᤃᤠᤱ ᤁᤧᤍᤠᤒᤠᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤕᤠ᤺ᤶᤒᤣᤀᤥ ᤔᤧᤈᤧᤰᤋᤢᤛᤡᤖᤥ॥ 31 ᤂᤧᤱᤜᤠ᤹ᤖᤧ ᤀᤠᤀᤡᤴ ᤌᤠᤖᤡᤰ ᤛᤠᤔᤧᤴᤘᤠ᤺ᤴᤇᤡᤱᤅᤣ ᤁᤧᤘᤠ᤹ᤒᤠ ᤛᤢᤘᤠᤱᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤏᤠᤜᤠ᤹ ᤀᤠᤰᤂᤣᤗ᤹ᤖᤡᤰ ᤛᤧ᤺ᤵᤋᤢᤛᤡ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤔᤧᤈᤧᤰᤋᤢᤛᤡᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.