ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 20 - LIFOTNTᤜᤠᤱᤅᤡᤸᤗᤧ ᤁᤢᤗᤠᤃᤡ ᤐᤣᤗᤡ ᤛᤠᤶᤗᤥ ᤁᤧᤜᤢ᤹ᤒᤠᤸᤗᤧ ᤗᤠᤃᤡ ᤍᤠᤀᤢᤍᤖᤧ ᤁᤢᤛᤠᤶᤗᤥ 1 ᤕᤧᤳᤋᤢᤰᤂᤣ ᤁᤧᤍᤢᤔᤢᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤧᤒᤣᤗᤡᤴ ᤂᤧᤵᤛᤢᤖᤖᤥ. ᤕᤠᤁᤢᤒᤖᤧ ᤁᤢᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤛᤧ᤺ᤵᤗᤖᤥ॥ 2 ᤂᤢᤏᤧ᤹ ᤁᤢᤔᤠᤱᤜᤡᤶᤔᤥᤗᤠᤶ ᤁᤧᤓᤠ᤹ᤛᤧ ᤕᤢᤖᤖᤥ. ᤜᤧᤰᤁᤩᤠᤱ ᤛᤡᤕᤥᤏ ᤁᤥ᤺ᤰᤔᤠᤀᤥᤗᤠᤶ ᤁᤧᤎᤢᤶᤒᤠ ᤁᤧᤈᤥ᤺ᤰᤗᤖᤥ॥ 3 ᤁᤧᤈᤥᤃᤢᤒᤠ ᤛᤡᤍᤢᤱᤈᤓᤠᤜᤠ᤹ ᤂᤢᤏᤧ᤹ ᤏᤡᤱᤘᤠ᤹ ᤀᤡ᤺ᤳᤋᤢᤖᤖᤥ. ᤜᤧᤰᤁᤩᤠᤱ ᤁᤧᤍᤥ᤺ᤴᤍᤢᤒᤠ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤗᤧᤳᤋᤡᤱ ᤋᤠ᤺ᤰᤋᤢᤖᤖᤥ॥ ᤛᤣᤗᤠ 4 ᤁᤧᤏᤡᤱᤘᤠ᤹ᤀᤥ ᤁᤧᤀᤡ᤺ᤳᤋᤢᤒᤠ ᤐᤠ᤺ᤴᤜᤠ᤹ ᤂᤢᤏᤧ᤹ᤀᤣ ᤁᤧᤳᤋᤢ ᤁᤧᤒᤡᤖᤖᤥ. ᤜᤧᤰᤁᤩᤠᤱ ᤆᤥ᤺ᤰᤔᤠ ᤁᤧᤀᤡ᤺ᤳᤋᤢᤒᤠ ᤕᤠ᤺ᤶᤒᤰᤜᤠ᤹ ᤁᤢᤗᤡᤱᤍᤥ ᤁᤧᤳᤋᤢ ᤁᤧᤒᤡᤖᤖᤥ॥ 5 ᤌᤱ ᤁᤧᤏᤠ᤺ᤴᤍᤢᤒᤠᤀᤥ ᤛ᤺ᤳᤋᤡᤃᤧᤖ ᤀᤡᤜᤢᤜᤢ ᤗ᤹ᤖᤡᤃᤧᤖᤥ. ᤜᤧᤰᤁᤩᤠᤱ ᤀᤠᤏᤡᤃᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱᤅᤥ ᤀᤠᤏᤡᤃᤣ ᤏᤡᤛᤠᤏ ᤌᤠ᤺ᤱ ᤑᤥ᤺ᤰᤂᤢᤶᤒᤧᤖᤥ॥ ᤐᤣᤗᤡᤃᤧᤴ ᤋᤢᤘᤠᤀᤥ ᤁᤧᤏᤠ᤺ᤰᤋᤢᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤂᤧᤏᤧ᤹ ᤁᤧᤳᤋᤢ ᤁᤧᤒᤡᤖᤖᤥ॥ 6 ᤀᤠᤸᤗ ᤀᤠᤱᤃᤠ᤹ ᤏᤡᤱᤘᤠ᤹ ᤂᤥᤛᤢᤱᤗᤥ. ᤕᤜᤘᤣ ᤍᤠᤱᤒᤧᤸᤗᤧ ᤂᤢᤏᤧ᤹ ᤛᤣ᤺ᤴᤍᤢᤒᤠ ᤜᤠᤱᤅᤡᤴ ᤑᤠ᤹ᤖᤢᤖᤥ॥ ᤛᤣᤛᤣᤒᤠ ᤛᤠᤱᤃᤪᤠᤶᤐᤣᤍᤠᤱᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤢᤃᤵ ᤐᤡᤖᤢᤖᤥ. ᤜᤧᤰᤁᤩᤠᤱ ᤛᤧᤴᤗᤵ ᤁᤧᤒᤡᤒᤠ ᤁᤢᤈᤢᤵᤛᤠᤱ ᤜᤢᤰᤁᤡᤸᤗᤧ ᤁᤢᤔᤢᤰᤛᤠᤶᤗᤠᤶ ᤂᤢᤏᤧ᤹ ᤌᤱ ᤁᤧᤏᤠ᤺ᤶᤒᤠ ᤆᤥᤃᤢᤖᤥ॥ 7 ᤁᤢᤓᤠ ᤔᤏᤠᤜᤠ᤹ᤖᤧ ᤌᤰᤛᤢᤒᤠ ᤏᤢ ᤑᤧᤈᤢᤶᤓᤧᤕᤠ᤺ᤸᤗᤧ ᤌᤱ ᤏᤠ᤺ᤴᤍᤧᤳ ᤁᤧᤗ᤹ᤒᤠ ᤔᤧᤀᤡ᤺ᤳᤋᤢᤖᤥ. ᤁᤖ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶ ᤌᤱ ᤌᤰᤔᤠ ᤏᤠ᤺ᤴᤍᤧᤳ ᤑᤠ᤹ᤀᤠᤱ ᤀᤠᤏᤡᤃᤣ ᤀᤡ᤺ᤳᤋᤢᤶᤒᤧᤖᤥ॥ 8 ᤂᤧᤴ ᤌᤰᤛᤢᤒᤠᤜᤠ᤹ ᤂᤢᤏᤡ᤹ ᤌᤏᤠᤗᤧᤱᤅᤠᤱ ᤔᤧᤈᤥᤴᤗᤥ. ᤁᤖ ᤀᤠᤏᤡᤃᤧᤃ ᤌᤎᤵᤐᤠᤱ ᤔᤧᤸᤗ᤹ᤀᤣ ᤕᤧᤒᤡᤃᤧᤖᤥ॥ 9 ᤕᤜᤘᤣ ᤍᤠᤱᤒᤠᤀᤣ. ᤜᤠᤱᤅᤡᤴ ᤌᤱ ᤁᤧᤏᤠ᤺ᤶᤒᤠ ᤆᤥᤃᤧ᤹ᤀᤥ. ᤀᤠᤏᤡᤃᤣ ᤀᤠᤓᤠ᤹ᤖᤧ ᤑᤠ᤹ᤀᤠᤱ ᤀ᤺ᤰᤋᤡᤃᤧᤸᤗᤧ ᤂᤧᤵᤛᤧ᤹ᤀᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.