ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 124 - LIFOTNTᤏᤡᤱᤔᤡᤜᤠ᤹ᤗᤠᤶᤒᤠ ᤋᤠᤱᤛᤧ᤺ᤵᤔᤠᤖᤧ ᤏᤢᤃᤧᤴ ᤗᤠᤶᤍᤡᤰ ᤆᤥ᤺ᤰᤔᤠᤖᤧ ᤗᤠᤃᤡ ᤍᤠᤀᤢᤍᤖᤧ ᤁᤢᤛᤠᤶᤗᤥ 1 ᤕᤜᤘᤣ ᤍᤠᤱᤒᤠᤴ ᤀᤠᤏᤡᤃᤣ ᤗᤧᤵᤔᤠᤱ ᤜᤥ᤺ᤵᤋᤧᤸᤗᤧᤃ ᤌᤣ ᤐᤥ᤺ᤰᤂᤧᤒᤠᤀᤡᤖᤥ᥅ ᤀᤡᤛᤪᤠᤀᤡᤗᤒᤠ ᤔᤏᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤖᤖᤥ— 2 “ᤂᤧᤴ ᤕᤧᤶᤔᤥ ᤀᤠᤏᤡᤃᤣ ᤏᤡᤱᤔᤡᤜᤠ᤹ᤖᤧ ᤔᤧᤓᤳᤋᤡᤃᤧᤸᤗᤧ. ᤕᤜᤘᤣ ᤍᤠᤱᤒᤠᤴ ᤀᤠᤏᤡᤃᤣ ᤗᤧᤵᤔᤠᤱ ᤜᤥ᤺ᤵᤋᤧᤸᤗᤧᤃ. 3 ᤀᤠᤏᤡᤃᤣ ᤋᤰᤗᤧᤱᤘᤠᤀᤥ ᤂᤢᤏᤡ᤹ ᤛᤠ᤹ᤖᤡᤰ ᤛᤡᤰ ᤐᤥᤃᤧᤀᤠᤱ ᤂᤧᤱᤜᤠ᤹ᤖᤧ ᤁᤢᤜᤡᤱᤘᤧᤳᤋᤣ ᤔᤧᤛᤧᤖᤡᤃᤧᤒᤠᤔᤧᤴᤗᤥ॥ 4 ᤁᤧᤃᤢᤱᤒᤠ ᤁᤧᤕᤢᤒᤠ ᤂᤠᤘᤠ᤺ᤸᤗᤧ ᤐᤰᤂᤡ ᤋᤣ᤹ᤖᤡᤃᤧᤔᤧᤸᤗᤥ. ᤜᤧᤰᤁᤩᤠᤱ ᤆᤫᤠ᤺ᤳᤋᤡᤸᤗᤧ ᤜᤢᤶᤛᤡᤃᤧ ᤛᤧᤖᤡᤃᤧᤔᤧᤸᤗᤥ॥ 5 ᤆᤫᤠ᤺ᤳᤋᤡᤸᤗᤧ ᤁᤢᤀᤡᤰᤗᤠ᤺ᤸᤗᤧ ᤀᤠᤏᤡᤃᤣ ᤗᤰᤋᤡ ᤋᤣ᤹ᤖᤡᤃᤧᤒᤠ ᤘᤕᤧᤔᤧᤸᤗᤥ॥” 6 ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤠᤖᤠ ᤑᤥᤛᤢᤶᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤀᤠᤏᤡ᤹ ᤏᤡᤱᤔᤡᤜᤠ᤹ᤖᤧ ᤂᤢᤏᤡ᤹ ᤜᤢᤰᤁᤥᤗᤠᤶ ᤛᤡᤔᤠ ᤀᤠᤶᤒᤠᤱᤄᤧᤴᤗᤥ॥ 7 ᤛᤠᤘᤠᤃᤧᤶᤒᤠᤸᤗᤧ ᤁᤢᤀᤡᤀᤥᤗᤠᤶ ᤁᤧᤓᤡ᤺ᤴᤇᤡᤱᤒᤠ ᤐᤢ ᤁᤢᤀᤡᤛᤡᤰ ᤀᤠᤏᤡᤃᤣ ᤑᤡ᤺ᤴᤏᤠᤛᤡᤃᤧᤀᤠᤱ ᤘᤕᤡᤃᤧᤖᤥ. ᤀᤡᤈᤥᤴ ᤛᤩᤠᤰ ᤘᤕᤠᤰ ᤐᤢ᤹ᤖᤧᤒᤣᤀᤠᤱ ᤀᤠᤏᤡᤃᤣ ᤆᤥ᤺ᤰᤕᤢᤶᤓᤥᤒᤠ ᤐᤥ᤺ᤰᤂᤡᤃᤧᤀᤠᤱ ᤘᤕᤡᤃᤧᤖᤥ॥ 8 ᤀᤠᤏᤡᤃᤧᤃ ᤕᤜᤘᤣ ᤍᤠᤱᤒᤧᤸᤗᤧ ᤑᤠ᤹ᤖᤡᤃᤧᤖᤥ. ᤂᤢᤏᤧ᤹ᤀᤣ ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤠᤘᤠᤃᤧᤴ ᤆᤀᤡ᤺ᤳ ᤏᤧᤛ᤻ᤛᤢᤒᤠᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.