ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 113 - LIFOTNT

ᤕᤜᤘᤣ ᤍᤠᤱᤒᤠᤸᤗᤧ ᤁᤢᤕᤶᤔᤠᤴ

¹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ᥄ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤧᤘᤠᤖᤥᤒᤠᤛᤣ. ᤂᤢᤏᤧ᤹ ᤁᤢᤔᤡᤱᤅᤡᤴ ᤀᤡᤱᤎᤠᤱ ᤐᤡᤖᤧᤶᤔᤧ᤹ᤀᤥ॥

² ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤡᤱᤅᤡᤸᤗᤧ ᤔᤡᤱᤛᤥ ᤀᤡᤱᤎᤠᤱ ᤀᤠᤸᤗᤥᤀᤠᤱᤎᤥ ᤛᤍᤠᤍᤡᤱ ᤌᤠᤖᤡᤰ ᤐᤥᤱᤗᤖᤥ॥

³ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤡᤱᤅᤡᤸᤗᤧᤴ ᤔᤡᤱᤛᤥ ᤀᤡᤱᤎᤠᤱ ᤐᤥᤱᤗᤖᤥ. ᤏᤠᤱᤃᤧᤴ ᤏᤢ ᤏᤠᤶᤎᤠ ᤐᤡᤛᤠᤱ ᤌᤠᤖᤡᤰᤁᤣ ᤂᤢᤏᤧ᤹ ᤁᤢᤏᤠᤖᤠ ᤑᤥᤔᤠ ᤗᤠ᤹ᤖᤢᤖᤥ॥

⁴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤀᤥ ᤕᤜᤘᤣ ᤍᤠᤱᤒᤠᤴ ᤌᤥᤎᤥᤰᤐᤠ ᤆᤥᤰᤗᤥ. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤔᤡᤔᤡᤍᤡᤱᤅᤡᤴ ᤛᤠᤱᤃᤪᤠᤶᤐᤣᤍᤠᤱᤏᤢ᤺ᤸᤗᤧᤀᤠᤱ ᤌᤠ᤺ᤱᤎᤠᤰ ᤘᤠ᤹ᤖᤥ॥

⁵ ᤕᤜᤘᤣ ᤍᤠᤱᤒᤠ ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤜᤧᤰᤋᤱᤒᤠ ᤜᤠ᤺ᤳᤋᤠᤱ ᤜᤥᤵᤗᤥ॥ ᤂᤢᤏᤧ᤹ᤃ ᤁᤧᤖᤧᤰᤏᤢ᤺ᤸᤗᤧᤀᤠᤱ ᤌᤥᤎᤥᤰᤐᤠ ᤜᤠᤱᤕᤢᤰᤏᤠᤀᤥ ᤕᤢᤱᤗᤥ॥

⁶ ᤂᤢᤏᤧ᤹ᤃ ᤋᤖ᤺ᤱᤃᤧᤴ ᤋᤠᤱᤛᤠᤰᤐᤠᤴ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤌᤢ᤺ᤱᤛᤡᤱᤅᤠᤱ ᤀᤥᤔᤧᤳᤋᤢᤖᤥ॥

⁷ ᤂᤢᤏᤧ᤹ ᤂᤠᤶᤜᤡ᤺ᤰᤁᤥ ᤁᤧᤕᤢᤱᤒᤠ ᤕᤠᤱᤃᤧᤛᤠ᤹ᤒᤠᤜᤠ᤹ ᤑᤥ᤺ᤰᤂᤢᤛᤡᤖᤥ. ᤜᤧᤰᤁᤩᤠᤱ ᤁᤢᤎᤣᤀᤠᤱ ᤁᤧᤜᤥᤵᤐᤠ ᤂᤠᤵᤐᤢᤀᤥ ᤁᤧᤕᤢᤱᤒᤠᤜᤠ᤹ ᤑᤥ᤺ᤰᤂᤢᤛᤡᤖᤥ॥

⁸ ᤂᤢᤏᤧ᤹ᤃ ᤂᤧᤱᤜᤠ᤹ ᤀᤠᤒᤠᤅᤣ ᤁᤢᤔᤏᤠ ᤜᤠᤱᤛᤠᤜᤠ᤹ᤏᤢ ᤛᤥᤖᤡᤰ ᤕᤢᤰᤂᤢᤛᤡᤖᤥ॥

⁹ ᤛᤠᤔᤧᤱᤃᤵᤔᤏᤠᤔᤠ ᤔᤧᤴᤇᤢᤔᤠᤴ ᤂᤢᤏᤧ᤹ ᤜᤡᤴᤈᤠ᤹ ᤐᤡᤳᤇᤠ᤹ᤖᤧ ᤁᤢᤶᤔᤠ ᤆᤥᤃᤢᤀᤠᤱ ᤛ᤺ᤳᤗ ᤕᤠ᤺ᤴᤍᤢᤖᤥ॥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤠᤖᤠ ᤑᤥᤛᤧᤶᤔᤧ᤹ᤀᤥ᥄