ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 110 - LIFOTNTᤕᤜᤘᤣ ᤍᤠᤱᤒᤧᤸᤗᤧ ᤜᤠᤱᤅᤡᤴ ᤕᤢᤰ ᤐᤡᤖᤢ ᤍᤠᤀᤢᤍᤖᤧ ᤁᤢᤛᤠᤶᤗᤥ 1 ᤕᤜᤘᤣ ᤍᤠᤱᤒᤧᤸᤗᤧ ᤀᤠᤴᤍᤠᤱᤒᤠᤴ ᤔᤧᤳᤋᤢᤖᤥ. “ᤁᤧᤏᤡᤱᤔᤡᤜᤠ᤹ ᤁᤧᤕᤢᤰᤁᤥ ᤔᤧᤴᤍᤠ᤺ᤳᤇᤡᤱᤅᤣ ᤌᤠᤖᤡᤰ ᤀᤠᤱᤃᤠ᤹ ᤀᤠᤈᤢᤵᤛᤠᤱ ᤗᤧᤵᤔᤠᤱ ᤕᤢᤅᤧ᤹ᤀᤥ॥” 2 ᤕᤜᤘᤣ ᤍᤠᤱᤒᤧᤸᤗᤧ ᤛᤡᤕᤥᤏᤗᤠᤶᤒᤠ ᤁᤧᤜᤠᤱᤕᤢᤰ ᤆᤥ᤺ᤰᤔᤠ ᤔᤢᤰᤛᤠᤶ ᤑᤥᤛᤢᤖᤥ. ᤂᤢᤏᤧ᤹ ᤐᤠ᤺ᤳᤋᤢ. “ᤁᤧᤏᤡᤱᤔᤡᤜᤠ᤹ ᤛᤶᤎᤠᤱ ᤜᤠᤱᤕᤢᤰ ᤆᤥ᤺ᤰᤔᤠ ᤁᤧᤄᤥᤛᤢᤖᤥ॥” 3 ᤁᤧᤏᤡᤱᤔᤡᤜᤠ᤹ᤏᤢ ᤌᤱ ᤌᤰᤛᤧ ᤁᤧᤒᤣ᤺ᤰᤁᤡᤸᤗᤧ ᤀᤠᤒᤠᤅᤣ ᤏᤡᤱᤘᤠ᤺ᤸᤗᤧ ᤁᤧᤔᤏᤠᤜᤠ᤹ᤖᤧ ᤁᤧᤶᤓᤠ᤹ᤖᤥ. ᤋᤠᤏᤠᤶ ᤁᤧᤎᤠᤒᤠ ᤛᤣ᤺ᤰᤘᤠ ᤜᤧᤰᤋᤱᤒᤠ ᤌᤠᤱᤒᤧᤴ ᤁᤧᤔᤏᤠᤜᤠ᤹ ᤂᤧᤏᤧ᤹ ᤁᤧᤘᤠ᤹ᤒᤠ ᤛᤣᤛᤣ ᤁᤥ᤺ᤰᤔᤠᤀᤥ ᤔᤧᤎᤠᤱᤗᤥ॥ 4 ᤕᤜᤘᤣ ᤍᤠᤱᤒᤧᤸᤗᤧ ᤆᤥᤃᤢᤒᤠ ᤔᤠᤱᤜᤢᤵᤐᤡᤴ ᤀᤠᤓᤧᤸᤗᤧᤀᤠᤱ ᤔᤧᤗᤧᤰᤂᤢᤴᤗᤥ— “ᤂᤧᤏᤧ᤹ᤃ ᤔᤸᤁᤡᤛᤧᤍᤧᤁ ᤁᤢᤀᤡᤛᤡ᤺ᤰᤐᤠ ᤛᤍᤠᤍᤡᤱ ᤁᤧᤘᤠ᤹ᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤏᤧᤖᤥ॥” 5 ᤕᤜᤘᤣ ᤍᤠᤱᤒᤠᤴ ᤁᤧᤈᤢᤵᤛᤠᤱ ᤗᤧᤵᤔᤠᤱ ᤘᤠ᤹ᤖᤥ. ᤂᤢᤏᤧ᤹ ᤁᤢᤛᤡᤰ ᤐᤥ᤺ᤰᤁᤡᤸᤗᤧ ᤜᤠᤱᤜᤠ᤹ ᤏᤠ᤺ᤴᤍᤢᤛᤡᤖᤥ॥ 6 ᤂᤢᤏᤧ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤂᤢᤶᤍᤡᤱ ᤐᤡᤖᤢᤛᤡᤖᤥ॥ ᤜᤧᤰᤁᤩᤠᤱ ᤗᤠᤈᤣᤴ ᤆᤣᤜᤠ᤹ᤖᤧ ᤌᤡᤶᤛᤢᤖᤥ. ᤂᤧᤒᤩᤠᤱ ᤁᤧᤖᤧᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤁᤥᤒᤠ ᤜᤠᤱᤜᤠ᤹ ᤂᤢᤏᤧ᤹ ᤏᤠ᤺ᤴᤍᤢᤛᤡᤖᤥ॥ 7 ᤁᤖ ᤂᤧᤏᤧ᤹ ᤁᤧᤜᤠᤱᤅᤡᤸᤗᤧ ᤗᤠᤶᤒᤣᤛᤠᤱ ᤁᤧᤏᤧᤒᤠ ᤕᤱᤄᤱᤅᤥᤒᤠ ᤆᤫᤠ᤺ᤳᤋᤡᤴ ᤌᤢᤅᤢᤖᤥ. ᤜᤧᤰᤁᤩᤠᤱ ᤂᤢᤏᤧ᤹ ᤌᤱ ᤁᤧᤏᤠ᤺ᤶᤒᤠ ᤐᤥᤱᤅᤠᤱ ᤆᤠᤱᤈᤠᤱ ᤕᤧᤵᤗᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.