ᤂᤠᤏᤡ᤺ᤳ 7 - LIFOTNTᤛᤣᤛᤣ ᤛᤠ᤺ᤱᤃᤠᤜᤡᤶᤔᤡᤴ ᤔᤧᤍᤥᤴᤍᤢᤒᤠ ᤕᤧᤴᤏᤥᤒᤠ ᤜᤢᤰᤛᤥᤕᤠᤱᤜᤠ᤹ 1 ᤔᤥᤛᤠ᤺ᤸᤗᤧ ᤛᤣᤛᤣ ᤛᤠ᤺ᤱᤃᤠᤜᤡᤶᤔᤡᤴ ᤆᤥᤃᤢ ᤛᤢᤖᤢᤀᤠᤱ ᤀᤣᤃᤠᤱ. ᤂᤧᤴ ᤛᤠ᤺ᤱᤃᤠᤜᤡᤶᤔᤡᤴ ᤏᤢ ᤂᤧᤵᤔᤥᤒᤠ ᤁᤧᤖᤧᤰ ᤛᤠᤔᤠᤜᤠ᤹. ᤜᤧᤰᤁᤩᤠᤱ ᤂᤧᤴᤏᤢ ᤛᤥᤖᤡᤰᤐᤠ ᤗᤧᤳᤋᤡ ᤋᤥ᤺ᤶᤔᤠᤍᤧᤴᤏᤡᤴ ᤏᤢ ᤂᤧᤵᤔᤥᤒᤠ ᤁᤧᤖᤧᤰ ᤂᤵᤐᤩᤠ ᤛᤠᤔᤠᤜᤠ᤹ ᤔᤠᤱᤌᤥ᤺ᤰᤏᤠ ᤆᤥᤃᤢᤀᤠᤱ ᤛᤣᤛᤣᤛᤠᤱᤛᤠᤱ ᤆᤥᤃᤢ॥ 2 ᤂᤧᤒᤩᤠᤱ ᤀᤡᤛᤪᤠᤀᤡᤗᤒᤠ ᤗᤠᤶᤗᤥᤒᤠᤜᤠ᤹—ᤂᤠᤏᤡ᤺ᤳ ᤆᤥ᤺ᤰᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤌᤠ᤺ᤰᤗᤠᤶᤗᤥᤒᤠ ᤜᤡᤶᤛᤕᤱᤒᤠ ᤗᤠᤶᤗᤥᤒᤠᤜᤠ᤹ᤖᤧ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤛᤡᤍᤢᤱᤈᤓᤠᤜᤠ᤹ ᤔᤧᤍᤥᤴᤍᤢ॥ 3 ᤂᤧᤱᤜᤠ᤹ᤖᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤍᤃᤡ ᤋᤧᤵᤔᤏᤠᤒᤠ ᤋᤢᤰᤛᤡ ᤐᤡᤳᤗᤠᤎᤠᤜᤠ᤹ ᤏᤢ ᤌᤡᤒᤥᤱᤅᤠᤱ ᤏᤧᤳᤇᤡ ᤐᤡᤳᤜᤠ᤹. ᤏᤧᤳᤇᤡ ᤏᤧᤳᤇᤡ ᤌᤠ᤺ᤰᤗᤠᤶᤗᤥᤒᤠᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤗᤳᤇᤠ ᤗᤳᤇᤠ ᤐᤡᤳᤗᤠᤎᤠ ᤏᤢ ᤗᤠᤶᤗᤥᤒᤠᤜᤠ᤹ ᤌᤰᤔᤠ ᤗᤳᤇᤠ ᤗᤳᤇᤠ ᤐᤡᤳ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤛᤡᤍᤢᤱᤈᤓᤠ ᤔᤧᤍᤠᤖᤢᤀᤠᤱ ᤛᤣᤛᤣ ᤛᤠ᤺ᤱᤃᤠᤜᤡᤶᤔᤡᤸᤗᤧ ᤁᤢᤍᤃᤡ ᤔᤧᤍᤥᤴᤍᤢᤛᤡ॥ 4 ᤂᤧᤒᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. 5 “ᤂᤧᤱᤜᤠ᤹ᤗᤠᤶ ᤂᤧᤴ ᤔᤧᤍᤠᤖᤢᤛᤡᤒᤠᤜᤠ᤹ ᤋᤠ᤺ᤰᤋᤧ᤹. ᤜᤧᤰᤁᤩᤠᤱ ᤋᤢᤶᤔᤠᤍᤧᤴ ᤛᤠ᤺ᤱᤃᤠᤜᤡᤶᤔᤥᤒᤠ ᤕᤠ᤺ᤶᤒᤰᤁᤥ ᤂᤧᤱᤜᤠ᤹ ᤀᤥᤃᤵ ᤔᤧᤈᤥᤃᤢᤛᤡᤖ॥ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤕᤠ᤺ᤶᤒᤰ ᤁᤢᤀᤡᤛᤡᤰ ᤂᤧᤱᤜᤠ᤹ ᤂᤧᤏᤧ᤹ ᤐᤡᤖᤧᤛᤧ᤹॥” 6 ᤂᤧᤒᤩᤠᤱ ᤔᤥᤛᤠ᤺ᤸᤗᤧ ᤂᤧᤴ ᤐᤡᤳᤗᤠᤎᤠᤜᤠ᤹ ᤏᤢ ᤐᤡᤳᤜᤠ᤹ ᤗᤧᤒᤡᤜᤠ᤹ ᤐᤡᤖᤢᤛᤡ॥ 7 ᤏᤧᤳᤇᤡ ᤐᤡᤳᤗᤠᤎᤠᤒᤠ ᤏᤢ ᤗᤡᤛᤡ ᤐᤡᤳᤜᤠ᤹ ᤂᤢᤏᤧ᤹ ᤂᤧᤱᤜᤠ᤹ ᤂᤢᤴᤇᤡ᤹ ᤕᤠ᤺ᤶᤒᤰ ᤁᤢᤀᤡᤛᤡᤰ ᤃᤣᤷᤛᤥᤏᤡᤜᤠ᤹ ᤐᤡᤖᤢᤛᤡ॥ 8 ᤂᤢᤏᤧ᤹ ᤔᤖᤠᤖᤡᤜᤠ᤹ ᤂᤢᤴᤇᤡ᤹ ᤕᤠ᤺ᤶᤒᤰ ᤁᤢᤀᤡᤛᤡᤰ ᤂᤢᤏᤧ᤹ ᤗᤡᤛᤡ ᤐᤡᤳᤗᤠᤎᤠ ᤏᤢ ᤕᤧᤳᤇᤡ ᤐᤡᤳ ᤐᤡᤖᤢᤛᤡ॥ ᤂᤧᤱᤜᤠ᤹ ᤁᤧᤖᤧᤰ ᤏᤡᤱᤘᤠ᤹ᤑᤢᤛᤠᤶᤒᤠ ᤜᤠᤖᤢᤏᤧᤸᤗᤧ ᤁᤢᤛ᤻ᤛᤠ ᤀᤡᤔᤠᤋᤠᤖᤧᤸᤗᤧ ᤁᤢᤕᤢᤰᤁᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤔᤧᤘᤕᤧ॥ 9 ᤁᤖ ᤁᤜᤠᤋᤡᤜᤠ᤹ ᤂᤢᤏᤧ᤹ ᤌᤧᤔᤠᤀᤠᤱ ᤔᤧᤒᤡᤖᤢᤛᤡᤴ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤑᤰᤋᤠᤱᤅᤥ ᤛᤣᤛᤣᤒᤠ ᤛᤠᤔᤠᤜᤠ᤹ ᤐᤱᤔᤠ ᤁᤧᤒᤥᤱᤒᤠ ᤂᤢᤴᤇᤡ᤹ ᤕᤠ᤺ᤶᤒᤰ ᤘᤕᤧ॥ 10 ᤗᤧᤳᤋᤡ ᤋᤥ᤺ᤶᤔᤠᤍᤧᤴᤏᤡᤴ ᤔᤠᤱᤎᤥ᤺ᤰᤏᤠ ᤔᤧᤈᤥᤃᤢᤒᤠ ᤕᤧᤴᤏᤡᤸᤗᤧ ᤕᤠ᤺ᤴᤍᤡᤰ ᤌᤠ᤺ᤰᤗᤠᤶᤗᤥᤒᤠᤜᤠ᤹ᤖᤧ ᤂᤧᤴ ᤋᤥ᤺ᤶᤔᤠ ᤕᤠ᤺ᤶᤒᤰᤁᤥ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤜᤢᤰᤘᤠᤜᤠ᤹ ᤔᤧᤍᤠᤖᤢᤀᤠᤱ ᤗᤧᤳᤋᤡ ᤋᤥ᤺ᤶᤔᤠᤍᤧᤴ ᤋᤃᤡ ᤔᤧᤍᤥᤴᤍᤢ॥ 11 ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤀᤰᤂᤣ ᤔᤧᤳᤋᤢᤀᤠᤱ ᤘᤕᤧ. “ᤗᤧᤳᤋᤡ ᤋᤥ᤺ᤶᤔᤠᤍᤧᤴᤏᤡᤴ ᤋᤥ᤺ᤶᤔᤠ ᤕᤠ᤺ᤶᤒᤰᤁᤡᤸᤗᤧ ᤗᤠᤃᤡ ᤌᤡᤰᤕᤠ᤺ᤴᤎᤰᤔᤠ ᤌᤠ᤺ᤰᤗᤠᤶᤗᤥᤒᤠᤜᤠ᤹ᤀᤥ ᤗᤳᤇᤠᤖᤧ ᤂᤢᤏᤧ᤹ ᤁᤢᤜᤢᤰᤘᤠᤴ ᤋᤥ᤺ᤴᤍᤢᤖ॥” 12 ᤕᤜᤢᤍᤠ ᤌᤠ᤺ᤰᤁᤥᤒᤠ ᤀᤶᤔᤡᤏᤠᤍᤠᤒᤖᤧ ᤁᤢᤛ᤻ᤛᤠ ᤏᤜᤛᤥᤏᤧᤴ ᤌᤡᤰᤛᤡᤃᤣᤰᤐᤠ ᤕᤧᤴᤏᤥ ᤜᤢᤰᤘᤠ ᤁᤧᤍᤥᤶᤒᤠ ᤘᤕᤧ॥ 13 ᤂᤧᤸᤗᤧ ᤋᤥ᤺ᤴᤍᤢᤒᤠ ᤜᤢᤰᤘᤠᤴ ᤜᤠᤒᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤗᤳᤇᤠ ᤕᤢᤵᤐᤠ ᤆᤩᤧᤳᤌᤩᤠ. ᥍᥆ ᤛᤣᤁᤣᤗᤒᤠ ᤗᤳᤇᤠ ᤕᤢᤵᤐᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤇᤧ᤺ᤱᤃᤩᤠ—ᤁᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤏᤡ᤺ᤱᤃᤣ᤹ ᤛ᤹ᤔᤏᤠᤒᤠ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ— 14 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ. 15 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤗᤳᤇᤠ ᤁᤢᤶᤒᤠᤒᤠ ᤐᤡᤳᤛᤠᤳ. ᤗᤳᤇᤠ ᤌᤢ᤺ᤶᤒᤠ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤗᤳᤇᤠ ᤔᤧᤸᤗᤢᤰ. 16 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤗᤳᤇᤠ ᤔᤧ᤺ᤴᤍᤒᤁᤠ. 17 ᤜᤧᤰᤁᤩᤠᤱ ᤋᤱᤈᤢᤶ ᤘᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡᤃ ᤛᤧᤃᤶᤒᤠ ᤏᤧᤳᤇᤡ. ᤅᤠᤛᤡ ᤌᤢ᤺ᤶᤒᤠ. ᤅᤠᤛᤡ ᤔᤧ᤺ᤴᤍᤒᤁᤠ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤅᤠᤛᤡ ᤔᤧᤸᤗᤢᤰᤛᤠ᤺ᤳ॥ ᤀᤶᤔᤡᤏᤠᤍᤠᤒᤖᤧ ᤁᤢᤛ᤻ᤛᤠ ᤏᤜᤛᤥᤏᤖᤧ ᤁᤢᤜᤢᤰᤘᤠ ᤜᤠᤒᤠ ᤁᤴᤜᤠ᤹ ᤘᤕᤧ॥ 18 ᤏᤡᤛᤡᤃᤣᤰᤐᤠ ᤕᤧᤴᤏᤥ ᤀᤡᤛ᤻ᤛᤠᤂᤠᤖᤒᤠ ᤌᤠ᤺ᤰᤗᤠᤶᤗᤥᤒᤠ ᤛᤢᤀᤠᤖᤖᤧ ᤁᤢᤛ᤻ᤛᤠ ᤏᤠᤋᤠᤏᤧᤸᤗᤧ ᤁᤢᤜᤢᤰᤘᤠᤴ ᤋᤠᤖᤢ॥ 19 ᤂᤧᤸᤗᤧ ᤋᤠᤖᤢᤒᤠ ᤜᤢᤰᤘᤠᤴ ᤀᤠᤶᤓᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤗᤳᤇᤠ ᤕᤢᤵᤐᤠ ᤆᤧᤳᤌᤩᤠ. ᤏᤢᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠ—ᤂᤧᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤏᤡ᤺ᤱᤃᤣ᤹ ᤛ᤹ᤔᤏᤠᤒᤠ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ— 20 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ. 21 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤗᤳᤇᤠ ᤁᤢᤶᤒᤠᤒᤠ ᤐᤡᤳᤛᤠᤳ. ᤗᤳᤇᤠ ᤌᤢ᤺ᤶᤒᤠ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤗᤳᤇᤠ ᤔᤧᤸᤗᤢᤰ. 22 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤗᤳᤇᤠ ᤔᤧ᤺ᤴᤍᤒᤁᤠ. 23 ᤜᤧᤰᤁᤩᤠᤱ ᤋᤱᤈᤢᤶ ᤘᤠᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡᤃ ᤛᤧᤃᤶᤒᤠ ᤏᤧᤳᤇᤡ. ᤌᤢ᤺ᤶᤒᤠ ᤅᤠᤛᤡ. ᤔᤧ᤺ᤴᤍᤒᤁᤠ ᤅᤠᤛᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳ ᤅᤠᤛᤡ॥ ᤛᤢᤀᤠᤖᤖᤧ ᤁᤢᤛ᤻ᤛᤠ ᤏᤋᤏᤣᤗᤖᤧ ᤁᤢᤜᤢᤰᤘᤠ ᤀᤠᤶᤓᤠ ᤁᤴᤜᤠ᤹ ᤘᤕᤧ॥ 24 ᤛᤢᤶᤛᤡᤃᤣᤰᤐᤠ ᤕᤧᤴᤏᤥ ᤈᤒᤢᤗᤢᤏᤒᤠ ᤌᤠ᤺ᤰᤗᤠᤶᤗᤥᤒᤠ ᤜᤣᤗᤥᤏᤖᤧ ᤁᤢᤛ᤻ᤛᤠ ᤀᤣᤗᤡᤀᤠᤒᤖᤧ ᤁᤢᤜᤢᤰᤘᤠᤴ ᤋᤠᤖᤢ॥ 25 ᤂᤧᤸᤗᤧ ᤁᤢᤜᤢᤰᤘᤠᤴ ᤜᤠᤒᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤗᤳᤇᤠ ᤕᤢᤵᤐᤠ ᤆᤩᤧᤳᤌᤩᤠ. ᤏᤢᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠ—ᤁᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤏᤡ᤺ᤱᤃᤣ᤹ ᤛ᤹ᤔᤏᤠᤒᤠ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ॥ 26 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ. 27 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠ ᤌᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳᤌᤡᤰ. 28 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤔᤧ᤺ᤴᤍᤒᤁᤠ ᤌᤡᤰ. 29 ᤜᤧᤰᤁᤩᤠᤱ ᤋᤱᤈᤢᤶ ᤘᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡᤃ. ᤛᤧᤃᤶᤒᤠ ᤏᤧᤳᤇᤡ. ᤌᤢ᤺ᤶᤒᤠ ᤅᤠᤛᤡ. ᤔᤧ᤺ᤴᤍᤒᤁᤠ ᤅᤠᤛᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳ ᤅᤠᤛᤡ॥ ᤜᤣᤗᤥᤏᤖᤧ ᤁᤢᤛ᤻ᤛᤠ ᤀᤣᤗᤡᤀᤠᤒᤖᤧ ᤁᤢᤜᤢᤰᤘᤠ ᤀᤠᤶᤓᤠ ᤁᤴ ᤘᤕᤧ॥ 30 ᤗᤡᤛᤡᤃᤣᤰᤐᤠ ᤕᤧᤴᤏᤥ ᤖᤢᤒᤣᤏᤗᤧ ᤁᤢᤎᤠ᤺ᤰᤗᤠᤶᤗᤥᤒᤠ ᤛᤀᤢᤖᤖᤧ ᤁᤢᤛ᤻ᤛᤠ ᤀᤣᤗᤡᤛᤢᤖᤖᤧ ᤁᤢᤜᤢᤰᤘᤠᤴ ᤋᤠᤖᤢ॥ 31 ᤂᤧᤸᤗᤧ ᤁᤢᤜᤢᤰᤘᤠᤴ ᤜᤠᤒᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤗᤳᤇᤠ ᤕᤢᤵᤐᤠ ᤆᤩᤧᤳᤌᤩᤠ. ᤏᤢᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠ—ᤁᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤏᤡ᤺ᤱᤃᤣ᤹ ᤛ᤹ᤔᤏᤠᤒᤠ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ॥ 32 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ. 33 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠ ᤌᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳᤌᤡᤰ. 34 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤔᤧ᤺ᤴᤍᤒᤁᤠ ᤌᤡᤰ. 35 ᤜᤧᤰᤁᤩᤠᤱ ᤋᤱᤈᤢᤶ ᤘᤠᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡᤃ ᤛᤧᤃᤶᤒᤠ ᤏᤧᤳᤇᤡ. ᤌᤢ᤺ᤶᤒᤠ ᤅᤠᤛᤡ. ᤔᤧ᤺ᤴᤍᤒᤁᤠ ᤅᤠᤛᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠᤳ ᤅᤠᤛᤡ॥ ᤛᤍᤣᤀᤢᤖᤖᤧ ᤁᤢᤛ᤻ᤛᤠ ᤀᤣᤗᤡᤛᤢᤖᤖᤧ ᤁᤢᤜᤢᤰᤘᤠ ᤜᤠᤒᤠ ᤁᤴ ᤘᤕᤧ॥ 36 ᤅᤠᤛᤡᤃᤣᤰᤐᤠ ᤕᤧᤴᤏᤥ ᤛᤡᤔᤡᤕᤥᤏᤒᤠ ᤌᤠ᤺ᤰᤗᤠᤶᤗᤥᤒᤠ ᤛᤢᤖᤡᤛᤍ᤻ᤍᤤᤖᤧ ᤁᤢᤛ᤻ᤛᤠ ᤛᤗᤢᤔᤡᤀᤣᤗᤖᤧ ᤂᤢᤏᤧ᤹ ᤁᤢᤜᤢᤰᤘᤠᤴ ᤋᤠᤖᤢ॥ 37 ᤂᤧᤸᤗᤧ ᤁᤢᤜᤢᤰᤘᤠᤴ ᤀᤠᤶᤓᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤗᤳᤇᤠ ᤕᤢᤵᤐᤠ ᤆᤧᤳᤌᤩᤠ. ᤏᤢᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠ—ᤁᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ— 38 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤶᤔᤩᤠᤱ ᤛᤠᤱᤋᤧᤖᤧ᤺ᤱ. 39 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠ ᤌᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤗᤳᤇᤠ ᤔᤧᤸᤗᤢᤰᤛᤠ᤺ᤳ. 40 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤔᤧ᤺ᤴᤍᤒᤁᤠ ᤌᤡᤰ. 41 ᤜᤧᤰᤁᤩᤠᤱ ᤋᤱᤈᤢᤶ ᤘᤠᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤛᤧᤃᤶᤒᤠ ᤏᤧᤳᤇᤡ. ᤌᤢ᤺ᤶᤒᤠ ᤅᤠᤛᤡ. ᤔᤧ᤺ᤴᤍᤒᤁᤠ ᤅᤠᤛᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳ ᤅᤠᤛᤡ॥ ᤛᤢᤖᤡᤛᤍ᤻ᤍᤤᤖᤧ ᤁᤢᤛ᤻ᤛᤠ ᤛᤗᤢᤔᤡᤀᤣᤗᤖᤧ ᤁᤢᤜᤢᤰᤘᤠ ᤜᤠᤒᤠ ᤁᤴ ᤘᤕᤧ॥ 42 ᤋᤢᤰᤛᤡᤃᤣᤰᤐᤠ ᤕᤧᤴᤏᤥ ᤃᤠᤍᤒᤠ ᤌᤠ᤺ᤰᤗᤠᤶᤗᤥᤒᤠ ᤍᤢᤀᤣᤗᤖᤧ ᤁᤢᤛ᤻ᤛᤠ ᤀᤣᤗᤩᤠᤛᤠᤐᤖᤧ ᤁᤢᤜᤢᤰᤘᤠᤴ ᤋᤠᤖᤢ॥ 43 ᤂᤧᤸᤗᤧ ᤁᤢᤜᤢᤰᤘᤠᤴ ᤀᤠᤶᤓᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤗᤳᤇᤠ ᤕᤢᤵᤐᤠ ᤆᤧᤳᤌᤩᤠ. ᤏᤢᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠ—ᤁᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤏᤡ᤺ᤱᤃᤣ᤹ ᤛ᤹ᤔᤏᤠᤒᤠ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ॥ 44 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ. 45 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠ ᤌᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳᤌᤡᤰ. 46 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤔᤧ᤺ᤴᤍᤒᤁᤠ ᤌᤡᤰ. 47 ᤜᤧᤰᤁᤩᤠᤱ ᤋᤱᤈᤢᤶ ᤘᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤛᤧᤃᤶᤒᤠ ᤏᤧᤳᤇᤡ. ᤌᤢ᤺ᤶᤒᤠ ᤅᤠᤛᤡ. ᤔᤧ᤺ᤴᤍᤒᤁᤠ ᤅᤠᤛᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳ ᤅᤠᤛᤡ॥ ᤍᤢᤀᤣᤗᤖᤧ ᤁᤢᤛ᤻ᤛᤠ ᤀᤣᤗᤩᤠᤛᤠᤐᤖᤧ ᤁᤢᤜᤢᤰᤘᤠᤴ ᤀᤠᤶᤓᤠ ᤁᤴ ᤘᤕᤧ॥ 48 ᤏᤢᤛᤡᤃᤣᤰᤐᤠ ᤕᤧᤴᤏᤥ ᤀᤣᤑᤪᤠᤀᤡᤔᤖᤧ ᤁᤢᤎᤠ᤺ᤰᤗᤠᤶᤗᤥᤒᤠ ᤀᤶᤔᤡᤜᤢᤍᤖᤧ ᤁᤢᤛ᤻ᤛᤠ ᤀᤣᤗᤡᤛᤠᤔᤠ᤺ᤸᤗᤧ ᤁᤢᤜᤢᤰᤘᤠᤴ ᤋᤠᤖᤢ॥ 49 ᤂᤧᤸᤗᤧ ᤁᤢᤜᤢᤰᤘᤠᤴ ᤜᤠᤒᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤗᤳᤇᤠ ᤕᤢᤵᤐᤠ ᤆᤧᤳᤌᤩᤠ. ᤏᤢᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠ—ᤁᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤏᤡ᤺ᤱᤃᤣ᤹ ᤛ᤹ᤔᤏᤠᤒᤠ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ॥ 50 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ. 51 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠ ᤌᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳᤌᤡᤰ. 52 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤔᤧ᤺ᤴᤍᤒᤁᤠ ᤌᤡᤰ. 53 ᤜᤧᤰᤁᤩᤠᤱ ᤋᤱᤈᤢᤶ ᤘᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤛᤧᤃᤶᤒᤠ ᤏᤧᤳᤇᤡ. ᤌᤢ᤺ᤶᤒᤠ ᤅᤠᤛᤡ. ᤔᤧ᤺ᤴᤍᤒᤁᤠ ᤅᤠᤛᤡ. ᤂᤧᤒᤩᤠᤱ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳ ᤅᤠᤛᤡ॥ ᤀᤶᤔᤡᤜᤢᤍᤖᤧ ᤁᤢᤛ᤻ᤛᤠ ᤀᤣᤗᤡᤛᤠᤔᤠ᤺ᤸᤗᤧ ᤁᤢᤜᤢᤰᤘᤠᤴ ᤀᤠᤶᤓᤠ ᤁᤴ ᤘᤕᤧ॥ 54 ᤕᤧᤳᤇᤡᤃᤣᤰᤐᤠ ᤕᤧᤴᤏᤥ ᤔᤏᤛ᤻ᤛᤣᤒᤠ ᤌᤠ᤺ᤰᤗᤠᤶᤗᤥᤒᤠ ᤐᤍᤠᤛᤢᤖᤖᤧ ᤁᤢᤛ᤻ᤛᤠ ᤃᤔᤗᤡᤀᤣᤗᤖᤧ ᤁᤢᤜᤢᤰᤘᤠᤴ ᤋᤠᤖᤢ॥ 55 ᤂᤧᤸᤗᤧ ᤁᤢᤜᤢᤰᤘᤠᤴ ᤜᤠᤒᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤕᤢᤵᤐᤠ ᤆᤧᤳᤌᤩᤠ ᤌᤡᤰ. ᤏᤢᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠ ᤌᤡᤰ—ᤁᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤏᤡ᤺ᤱᤃᤣ᤹ ᤛ᤹ᤔᤏᤠᤒᤠ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ— 56 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ. 57 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠ ᤌᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳᤌᤡᤰ. 58 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤔᤧ᤺ᤴᤍᤒᤁᤠ ᤌᤡᤰ. 59 ᤜᤧᤰᤁᤩᤠᤱ ᤋᤱᤈᤢᤶ ᤘᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤛᤧᤃᤶᤒᤠ ᤏᤧᤳᤇᤡ. ᤌᤢ᤺ᤶᤒᤠ ᤅᤠᤛᤡ. ᤔᤧ᤺ᤴᤍᤒᤁᤠ ᤅᤠᤛᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳ ᤅᤠᤛᤡ॥ ᤐᤍᤠᤛᤢᤖᤖᤧ ᤁᤢᤛ᤻ᤛᤠ ᤃᤔᤗᤡᤀᤣᤗᤖᤧ ᤁᤢᤜᤢᤰᤘᤠ ᤜᤠᤒᤠ ᤁᤴ ᤘᤕᤧ॥ 60 ᤑᤠᤱᤛᤡᤃᤣᤰᤐᤠ ᤕᤧᤴᤏᤥ ᤒᤣᤏᤩᤠᤔᤡᤏ ᤌᤠ᤺ᤰᤗᤠᤶᤗᤥᤒᤠ ᤃᤡᤍᤣᤀᤥᤏᤡᤖᤧ ᤁᤢᤛ᤻ᤛᤠ ᤀᤒᤡᤍᤠᤏᤖᤧ ᤁᤢᤜᤢᤰᤘᤠᤴ ᤋᤠᤖᤢ॥ 61 ᤂᤧᤸᤗᤧ ᤁᤢᤜᤢᤰᤘᤠ ᤀᤠᤶᤓᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤕᤢᤵᤐᤠ ᤆᤧᤳᤌᤩᤠ ᤌᤡᤰ. ᤏᤢᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠ ᤌᤡᤰ—ᤁᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤏᤡ᤺ᤱᤃᤣ᤹ ᤛ᤹ᤔᤏᤠᤒᤠ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ— 62 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ. 63 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤔᤧᤸᤗᤢᤰᤛᤠ᤺ᤳᤌᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤌᤢ᤺ᤶᤒᤠ ᤌᤡᤰ. 64 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤔᤧ᤺ᤴᤍᤒᤁᤠ ᤌᤡᤰ. 65 ᤜᤧᤰᤁᤩᤠᤱ ᤋᤱᤈᤢᤶ ᤘᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤛᤧᤃᤶᤒᤠ ᤏᤧᤳᤇᤡ. ᤔᤧᤸᤗᤢᤰᤛᤠ᤺ᤳ ᤅᤠᤛᤡ. ᤔᤧ᤺ᤴᤍᤒᤁᤠ ᤅᤠᤛᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤌᤢ᤺ᤶᤒᤠ ᤅᤠᤛᤡ॥ ᤃᤡᤍᤣᤀᤥᤏᤡ᤺ᤸᤗᤧ ᤁᤢᤛ᤻ᤛᤠ ᤀᤒᤡᤍᤠᤏᤖᤧ ᤁᤢᤜᤢᤰᤘᤠᤴ ᤜᤠᤒᤠ ᤁᤴ ᤘᤕᤧ॥ 66 ᤌᤡᤒᤥᤱᤃᤣᤰᤐᤠ ᤕᤧᤴᤏᤥ ᤍᤠᤏᤖᤧ ᤁᤢᤎᤠ᤺ᤰᤗᤠᤶᤗᤥᤒᤠ ᤀᤶᤔᤡᤛᤍ᤻ᤍᤤᤖᤧ ᤁᤢᤛ᤻ᤛᤠ ᤀᤜᤡᤀᤣᤈᤣᤖᤖᤧ ᤁᤢᤜᤢᤰᤘᤠᤴ ᤋᤠᤖᤢ॥ 67 ᤂᤧᤸᤗᤧ ᤁᤢᤜᤢᤰᤘᤠᤴ ᤜᤠᤒᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤕᤢᤵᤐᤠ ᤆᤧᤳᤌᤩᤠ ᤌᤡᤰ. ᤏᤢᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠ ᤌᤡᤰ. ᤁᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤏᤡ᤺ᤱᤃᤣ᤹ ᤛ᤹ᤔᤏᤠᤒᤠ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ— 68 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ ᤌᤡᤰ. 69 ᤜᤧᤰᤁᤩᤠᤱ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠ ᤌᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳᤌᤡᤰ. 70 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤔᤧ᤺ᤴᤍᤒᤁᤠ ᤌᤡᤰ. 71 ᤋᤱᤈᤢᤶ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡᤃ ᤛᤧᤃᤶᤒᤠ ᤏᤧᤳᤇᤡ. ᤌᤢ᤺ᤶᤒᤠ ᤅᤠᤛᤡ. ᤔᤧ᤺ᤴᤍᤒᤁᤠ ᤅᤠᤛᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳ ᤅᤠᤛᤡ॥ ᤀᤶᤔᤡᤛᤍ᤻ᤍᤤᤖᤧ ᤁᤢᤛ᤻ᤛᤠ ᤀᤜᤡᤀᤣᤈᤣᤖᤖᤧ ᤁᤢᤜᤢᤰᤘᤠ ᤀᤠᤶᤓᤠ ᤁᤴ ᤘᤕᤧ॥ 72 ᤌᤡᤒᤥᤱᤅᤠᤱ ᤌᤡᤰᤛᤡᤃᤣᤰᤐᤠ ᤕᤧᤴᤏᤥ ᤀᤠᤛᤣᤖᤒᤠ ᤌᤠ᤺ᤰᤗᤠᤶᤗᤥᤒᤠ ᤀᤥᤁᤪᤠᤏᤖᤧ ᤁᤢᤛ᤻ᤛᤠ ᤐᤃᤡᤀᤣᤗᤖᤧ ᤁᤢᤜᤢᤰᤘᤠᤴ ᤋᤠᤖᤢ॥ 73 ᤂᤧᤸᤗᤧ ᤁᤢᤜᤢᤰᤘᤠ ᤀᤠᤶᤓᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤕᤢᤵᤐᤠ ᤆᤧᤳᤌᤩᤠ ᤌᤡᤰ. ᤏᤢᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠ ᤌᤡᤰ—ᤁᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤏᤡ᤺ᤱᤃᤣ᤹ ᤛ᤹ᤔᤏᤠᤒᤠ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ— 74 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ ᤌᤡᤰ. 75 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠ ᤌᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳᤌᤡᤰ. 76 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤔᤧ᤺ᤴᤍᤒᤁᤠ ᤌᤡᤰ. 77 ᤜᤧᤰᤁᤩᤠᤱ ᤋᤱᤈᤢᤶ ᤘᤠᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤛᤧᤃᤶᤒᤠ ᤏᤧᤳᤇᤡ. ᤌᤢ᤺ᤶᤒᤠ ᤅᤠᤛᤡ. ᤔᤧ᤺ᤴᤍᤒᤁᤠ ᤅᤠᤛᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳ ᤅᤠᤛᤡ॥ ᤀᤥᤁᤪᤠᤏᤖᤧ ᤁᤢᤛ᤻ᤛᤠ ᤐᤃᤡᤀᤣᤗᤖᤧ ᤋᤠᤖᤢᤒᤠ ᤁᤢᤜᤢᤰᤘᤠᤴ ᤀᤠᤶᤓᤠ ᤁᤴ ᤘᤕᤧ॥ 78 ᤌᤡᤒᤥᤱᤅᤠᤱ ᤏᤧᤳᤇᤡᤃᤣᤰᤐᤠ ᤕᤧᤴᤏᤥ ᤏᤵᤋᤠᤗᤡᤒᤠ ᤌᤠ᤺ᤰᤗᤠᤶᤗᤥᤒᤠ ᤀᤣᤗᤠᤏᤖᤧ ᤁᤢᤛ᤻ᤛᤠ ᤀᤜᤡᤖᤖᤧ ᤁᤢᤜᤢᤰᤘᤠᤴ ᤋᤠᤖᤢ॥ 79 ᤂᤧᤸᤗᤧ ᤁᤢᤜᤢᤰᤘᤠᤴ ᤀᤠᤶᤓᤠ ᤁᤴ ᤘᤕᤧ—ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥇᥉᥆ ᤛᤣᤁᤣᤗᤒᤠ ᤕᤢᤵᤐᤠ ᤆᤧᤳᤌᤩᤠ ᤌᤡᤰ. ᤏᤢᤒᤥᤱ ᤛᤣᤁᤣᤗᤒᤠ ᤗᤳᤇᤠ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠ ᤌᤡᤰ—ᤁᤴᤜᤠ᤹ ᤏᤧᤵᤔᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤏᤡ᤺ᤱᤃᤣ᤹ ᤛ᤹ᤔᤏᤠᤒᤠ ᤆᤢᤴᤈᤢᤶᤒᤠ ᤑᤣ᤹ᤖᤢᤶᤔᤡᤸᤗᤧ ᤁᤧᤍᤡᤶᤒᤠ ᤆᤥᤃᤧ— 80 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱ ᤛᤣᤁᤣᤗᤒᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ ᤌᤡᤰ. 81 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠ ᤌᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳᤌᤡᤰ. 82 ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤔᤧ᤺ᤴᤍᤒᤁᤠ ᤌᤡᤰ. 83 ᤜᤧᤰᤁᤩᤠᤱ ᤋᤱᤈᤢᤶ ᤘᤠᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤛᤧᤃᤶᤒᤠ ᤏᤧᤳᤇᤡ. ᤌᤢ᤺ᤶᤒᤠ ᤅᤠᤛᤡ. ᤔᤧ᤺ᤴᤍᤒᤁᤠ ᤅᤠᤛᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤔᤧᤸᤗᤢᤰᤛᤠ᤺ᤳ ᤅᤠᤛᤡ॥ ᤀᤣᤏᤠᤏᤖᤧ ᤁᤢᤛ᤻ᤛᤠ ᤀᤜᤡᤖᤖᤧ ᤁᤢᤜᤢᤰᤘᤠ ᤜᤠᤒᤠ ᤁᤴ ᤘᤕᤧ॥ 84 ᤗᤧᤳᤋᤡ ᤋᤥ᤺ᤶᤔᤠᤍᤧᤴᤏᤡᤴ ᤔᤠᤱᤎᤥ᤺ᤰᤏᤠ ᤆᤥ᤺ᤰᤔᤠ ᤏᤢ ᤋᤥ᤺ᤶᤔᤠ ᤕᤠ᤺ᤶᤒᤰᤁᤥ ᤀᤡᤛᤪᤠᤀᤡᤗᤒᤠ ᤌᤠ᤺ᤰᤗᤠᤶᤗᤥᤒᤠᤜᤠ᤹ᤖᤧ ᤔᤧᤍᤥᤴᤍᤢᤒᤠ ᤜᤢᤰᤘᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣ ᤘᤕᤧ—ᤌᤡᤒᤥᤱᤅᤠᤱ ᤏᤧᤳᤇᤡ ᤕᤢᤵᤐᤠ ᤆᤧᤳᤌᤩᤠ. ᤌᤡᤒᤥᤱᤅᤠᤱ ᤏᤧᤳᤇᤡ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠᤜᤠ᤹. ᤜᤧᤰᤁᤩᤠᤱ ᤌᤡᤒᤥᤱ ᤏᤧᤳᤇᤡ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱ॥ 85 ᤁᤧᤖᤧᤰ ᤕᤢᤵᤐᤠ ᤆᤧᤳᤌᤩᤠᤜᤠ᤹ ᥇᥉᥆ ᤛᤣᤁᤣᤗ ᤕᤠᤖᤡᤰ ᤁᤧᤗᤡ᤺ᤵᤐᤠ ᤆᤥᤃᤧ ᤜᤧᤰᤁᤩᤠᤱ ᤛᤠᤔᤠᤰᤂᤡ᤹ ᤛᤠᤱᤔᤠ ᤕᤢᤵᤐᤠ ᤇᤧ᤺ᤱᤃᤩᤠᤜᤠ᤹ ᤏᤢᤒᤥᤱ ᤛᤣᤁᤣᤗ ᤕᤠᤖᤡᤰ ᤁᤧᤗᤡ᤺ᤵᤐᤠ ᤆᤥᤃᤧ॥ ᤂᤵᤐᤩᤠ ᤛᤠᤔᤠᤜᤠ᤹ᤖᤧ ᤁᤧᤖᤧᤰ ᤕᤢᤵᤐᤠ᤺ᤸᤗᤧ ᤁᤢᤗᤡ᤺ᤵᤔᤠᤴ ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᥈.᥊᥆᥆ ᤛᤣᤁᤣᤗ ᤕᤥᤖᤧ॥ 86 ᤛᤢᤰᤐᤠᤸᤗᤧ ᤁᤧᤍᤡᤶᤒᤠ ᤌᤡᤒᤥᤱᤅᤠᤱ ᤏᤧᤳᤇᤡ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱᤜᤠ᤹. ᤛᤣᤛᤣᤍᤧᤴᤏᤥᤒᤠ ᤛᤣᤁᤣᤗ ᤁᤢᤀᤡᤛᤡᤰ ᤁᤧᤖᤧᤰ ᤌᤡᤒᤥᤱ ᤌᤡᤒᤥᤱ ᤛᤣᤁᤣᤗᤒᤠ ᤛᤠᤶᤔᤩᤠᤱ ᤛᤠᤱᤋᤧᤖᤧ᤺ᤱᤜᤠ᤹ ᥇᥈᥆ ᤛᤣᤁᤣᤗ ᤁᤧᤗᤡ᤺ᤵᤐᤠ ᤆᤥᤃᤧ॥ 87 ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ. ᤂᤧᤴ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤴᤏᤢ ᤛᤥᤛᤥᤖᤡᤰ. ᤌᤡᤒᤥᤱᤅᤠᤱ ᤏᤧᤳᤇᤡ ᤛᤧᤃᤶᤒᤠ. ᤌᤡᤒᤥᤱᤅᤠᤱ ᤏᤧᤳᤇᤡ ᤌᤢ᤺ᤶᤒᤠᤜᤠ᤹ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤌᤡᤒᤥᤱᤅᤠᤱ ᤏᤧᤳᤇᤡ ᤔᤧᤸᤗᤢᤰᤛᤠ᤺ᤳ ᤔᤧᤘᤕᤧ ᤜᤧᤰᤁᤩᤠᤱ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤌᤡᤒᤥᤱᤅᤠᤱ ᤏᤧᤳᤇᤡ ᤔᤧ᤺ᤴᤍᤒᤁᤠ ᤔᤧᤘᤕᤧ॥ 88 ᤜᤧᤰᤁᤩᤠᤱ ᤋᤱᤈᤢᤶ ᤘᤠᤕᤠᤃᤧᤴ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤌᤰᤛᤠᤜᤠ᤹ᤏᤢ ᤛᤥᤛᤥᤖᤡᤰ ᤁᤧᤖᤧᤰ ᤏᤡᤒᤥᤱᤅᤠᤱ ᤗᤡᤛᤡ ᤛᤧᤃᤶᤒᤠ. ᤋᤢᤰᤐᤥᤱ ᤌᤢ᤺ᤶᤒᤠ. ᤋᤢᤰᤐᤥᤱ ᤔᤧ᤺ᤴᤍᤒᤁᤠ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤋᤢᤰᤐᤥᤱ ᤔᤧᤸᤗᤢᤰᤛᤠ᤺ᤳ ᤔᤧᤘᤕᤧ॥ ᤗᤧᤳᤋᤡ ᤋᤥ᤺ᤶᤔᤠᤍᤧᤴᤏᤡᤴ ᤔᤠᤱᤌᤥ᤺ᤰᤏᤠ ᤐᤥ᤺ᤰᤂᤧᤀᤠᤱ ᤀᤣᤃᤠᤱ ᤂᤧᤴ ᤋᤥ᤺ᤶᤔᤠ ᤕᤠ᤺ᤶᤒᤰᤗᤧ ᤗᤠᤃᤡ ᤜᤢᤰᤘᤠᤜᤠ᤹ ᤀᤠᤶᤓᤠ ᤁᤴᤜᤠ᤹ᤀᤣ ᤘᤕᤧ॥ 89 ᤔᤥᤛᤠᤴ ᤋᤢᤶᤔᤠᤍᤧᤴ ᤛᤠ᤺ᤱᤃᤠᤜᤡᤶᤔᤥ ᤕᤜᤘᤣ ᤍᤠᤱᤒᤧᤴᤏᤢ ᤐᤠ᤺ᤵᤔᤠᤖᤧ ᤗᤠᤃᤡ ᤛᤡᤃᤠᤱ ᤗᤠᤛᤧᤎᤰᤔᤠ ᤏᤡᤱᤘᤠ᤹ᤑᤢᤔᤠᤱ ᤔᤠᤱᤜᤢᤵ ᤛᤠᤵᤗᤢᤱ ᤁᤧᤕᤠᤰᤐᤠ ᤛᤴᤍᤥᤰᤁᤡᤸᤗᤧ ᤁᤢᤛᤶᤎᤠᤱᤒᤠ ᤏᤧᤳᤇᤡ ᤁᤖᤢᤒᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥᤗᤠᤶ ᤂᤢᤏᤧ᤹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤀᤡᤰᤗᤠᤴ ᤂᤧᤵᤛᤢ॥ ᤀᤰᤂᤣᤗ᤹ᤖᤡᤰ ᤕᤜᤘᤣ ᤍᤠᤱᤒᤧᤴ ᤂᤢᤏᤧ᤹ᤏᤢ ᤐᤠᤖᤧᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.