ᤂᤠᤏᤡ᤺ᤳ 29 - LIFOTNT

ᤛᤠᤍᤠᤱ ᤔᤢ᤺ᤵᤔᤠ ᤋᤱᤏᤠᤶ

¹ “‘ᤏᤢᤛᤡᤃᤣᤰᤐᤠ ᤗᤠ᤺ᤸᤗᤧᤴ ᤌᤡᤰᤛᤡᤃᤣᤰᤐᤠ ᤕᤧᤴᤏᤥ ᤂᤡᤏᤡ᤹ ᤗᤳᤇᤠ ᤛᤣᤛᤣ ᤆᤢᤶᤗᤢᤱ ᤐᤥᤱᤗ॥ ᤂᤧᤸᤗᤧ ᤕᤠ᤺ᤴᤍᤡᤰ ᤂᤡᤏᤡ᤹ ᤌᤡᤰᤕᤠ᤺ᤴᤎᤰ ᤁᤧᤈᤥᤃᤢᤶᤒᤠ ᤌᤧᤔᤠ ᤕᤠ᤺ᤶᤒᤰᤁᤠᤱ ᤔᤧᤈᤥᤃᤧᤶᤔᤡᤴᤏᤧ᤹॥ ᤂᤧᤱᤃ ᤂᤡᤏᤡ᤹ ᤗᤠᤃᤡ ᤌᤢᤳᤌᤢᤖᤡ᤺ᤵᤐᤠ ᤔᤢ᤺ᤵᤔᤠ ᤕᤧᤴᤗᤥ॥

² ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤡᤖᤠ᤹ ᤁᤧᤎᤠᤱᤒᤠ ᤁᤢᤏᤠᤶᤃᤧᤏᤢ᤹ᤒᤠ ᤁᤢᤏᤠᤶ ᤐᤥᤱᤗ ᤑᤠ᤹ᤀᤠᤱ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠᤎᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤏᤢᤛᤡ ᤁᤢᤶᤒᤠᤒᤠ ᤔᤧᤸᤗᤢᤰᤛᤠ᤺ᤳᤜᤠ᤹ ᤋᤥ᤺ᤴᤍᤧᤶᤛᤡᤶᤔᤧ᤹॥ ᤁᤴᤜᤠ᤹ ᤁᤧᤖᤧᤰ ᤁᤢᤗᤠᤱ ᤁᤢᤜᤢᤰ ᤔᤧᤴᤇᤰᤔᤏᤠ ᤔᤧᤱᤃᤠ᤺ᤶᤔᤏᤠᤒᤠ ᤔᤧᤒᤥᤱᤗ ᤐᤥᤱ᤹॥

³ ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤐᤡᤳᤛᤠᤳᤋᤡᤴᤏᤢ ᤛᤥᤛᤥᤖᤡᤰ ᤆᤤᤋᤢᤏ ᤏᤡ᤺ᤱᤃᤣ᤹ᤀᤥ ᤛ᤹ᤔᤏᤠᤒᤠ ᤑᤥᤗᤰ ᤌᤡᤰᤁᤠᤱ ᤁᤢᤓᤪᤧ᤺ᤰ ᤆᤢᤴᤈᤢᤶᤒᤠ ᤑᤣ᤹ᤖᤢᤶ. ᤔᤧᤸᤗᤢᤰᤁᤧᤴᤏᤢ ᤛᤥᤖᤡᤰ ᤑᤥᤗᤰ ᤌᤡᤰ ᤆᤢᤴᤈᤢᤶᤒᤠ ᤑᤣ᤹ᤖᤢᤶ.

⁴ ᤜᤧᤰᤁᤩᤠᤱ ᤏᤢᤛᤡᤀᤣ ᤌᤢ᤺ᤶᤒᤠᤜᤠ᤹ᤀᤥ ᤁᤧᤖᤧᤰ ᤌᤢ᤺ᤶᤒᤠ ᤌᤵᤔᤣ ᤔᤠᤏᤠ ᤗᤡᤛᤡ ᤑᤣ᤹ᤖᤢᤶ ᤋᤥ᤺ᤴᤍᤧᤶᤔᤧ᤹॥

⁵ ᤂᤧᤴᤏᤢ ᤛᤥᤛᤥᤖᤡᤰ ᤂᤡᤏᤡ᤹ ᤗᤠᤕᤥᤸᤗᤧ ᤗᤠᤃᤡ ᤗᤧᤵᤔᤡ ᤏᤠ᤺ᤰᤔᤠ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤁᤢᤶᤒᤠᤒᤠ ᤔᤧ᤺ᤴᤍᤠᤰ ᤌᤡᤰᤁᤠᤱ ᤋᤥ᤺ᤴᤍᤧᤶᤔᤧ᤹॥

⁶ ᤁᤴᤜᤠ᤹ ᤁᤧᤖᤧᤰ ᤗᤠ ᤌᤰᤔᤠ ᤏᤢ ᤕᤧᤴ ᤌᤰᤔᤠᤒᤠ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠᤜᤠ᤹ ᤜᤧᤰᤁᤩᤠᤱ ᤂᤧᤴᤏᤢ ᤛᤥᤖᤡᤰᤐᤠ ᤁᤢᤈᤠ ᤛᤡᤍᤢᤱᤈᤓᤠ ᤏᤢ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠᤜᤠ᤹ᤏᤢ᤺ᤸᤗᤧ ᤘᤣ᤹ ᤐᤥᤱᤔᤠ ᤐᤥᤱ᤹॥ ᤂᤧᤱᤜᤠ᤹ᤃ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤡᤖᤠ᤹ ᤁᤧᤎᤠᤱᤒᤠ ᤁᤢᤏᤠᤶᤃᤧᤏᤢ᤹ᤒᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠᤖᤥ॥’”

ᤀᤠᤵᤋᤡᤰᤗᤠᤶ ᤛᤢᤳᤌᤥ ᤐᤥᤱᤔᤠ ᤕᤧᤴ

⁷ “‘ᤀᤠᤶᤓᤠ ᤂᤧᤴ ᤏᤢᤛᤡᤃᤣᤰᤐᤠ ᤗᤠᤀᤥᤒᤠ ᤌᤡᤒᤥᤱᤃᤣᤰᤐᤠ ᤕᤧᤴᤏᤥ ᤂᤡᤏᤡ᤹ ᤗᤳᤇᤠ ᤛᤣᤛᤣ ᤆᤢᤶᤗᤢᤱ ᤐᤥᤱᤗ॥ ᤂᤧᤴ ᤕᤧᤴᤏᤡᤸᤗᤧ ᤕᤠ᤺ᤴᤍᤡᤰ ᤂᤡᤏᤡ᤹ ᤌᤧᤔᤠᤀᤠᤱ ᤔᤧᤈᤠᤶᤔᤡᤴᤏᤧ᤹ ᤔᤧᤎᤢᤅᤧᤶᤔᤡᤴᤏᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤌᤧᤔᤠ ᤐᤖᤡᤰᤗᤧᤴ ᤕᤠ᤺ᤶᤒᤰᤁᤠᤱ ᤔᤧᤈᤥᤃᤧᤶᤔᤡᤴᤏᤧ᤹॥

⁸ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤡᤖᤠ᤹ ᤁᤧᤎᤠᤱᤒᤠ ᤁᤢᤏᤠᤶᤃᤧᤏᤢ᤹ᤒᤠ ᤁᤢᤏᤠᤶ ᤐᤥᤱᤔᤠᤖᤧ ᤗᤠᤃᤡ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤂᤡᤏᤡ᤹ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠᤎᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤏᤢᤛᤡ ᤌᤢ᤺ᤶᤒᤠ ᤋᤥ᤺ᤴᤍᤧᤶᤛᤡᤶᤔᤧ᤹॥ ᤂᤧᤱᤜᤠ᤹ ᤁᤧᤖᤧᤰ ᤁᤢᤗᤠᤱ ᤁᤢᤜᤢᤰ ᤔᤧᤴᤇᤰᤔᤏᤠ ᤏᤢ ᤔᤧᤱᤃᤠ᤺ᤶᤔᤏᤠᤒᤠ ᤔᤧᤒᤥᤱᤗ ᤐᤥᤱ᤹॥

⁹ ᤜᤧᤰᤁᤩᤠᤱ ᤐᤡᤳᤛᤠᤳᤋᤡᤴᤏᤢ ᤛᤥᤛᤥᤖᤡᤰ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤴᤏᤢ ᤆᤤᤋᤢᤏ ᤏᤡ᤺ᤱᤃᤣ᤹ᤀᤥ ᤛ᤹ᤔᤏᤠᤒᤠ ᤑᤥᤗᤰ ᤌᤡᤰᤁᤠᤱ ᤁᤢᤓᤪᤧ᤺ᤰ ᤆᤢᤴᤈᤢᤶᤒᤠ ᤑᤣ᤹ᤖᤢᤶ ᤋᤥ᤺ᤴᤍᤧᤶᤔᤧ᤹. ᤌᤢ᤺ᤶᤒᤠ᤺ᤴᤏᤢ ᤛᤥᤛᤥᤖᤡᤰ ᤑᤥᤗᤰ ᤌᤡᤰ ᤑᤣ᤹ᤖᤢᤶ ᤋᤥ᤺ᤴᤍᤧᤶᤔᤧ᤹॥

¹⁰ ᤜᤧᤰᤁᤩᤠᤱ ᤏᤢᤛᤡᤀᤣ ᤁᤢᤶᤒᤠᤒᤠ ᤔᤧᤸᤗᤢᤰᤛᤠ᤺ᤳᤜᤠ᤹ ᤌᤰᤔᤠ ᤔᤠᤏᤠ ᤗᤡᤛᤡ ᤑᤣ᤹ᤖᤢᤶ ᤋᤥ᤺ᤴᤍᤧᤶᤔᤧ᤹॥

¹¹ ᤀᤠᤵᤋᤡᤰᤗᤠᤶ ᤛᤢᤳᤌᤥ ᤐᤥᤱᤔᤠ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠ ᤔᤧ᤺ᤴᤍᤒᤁᤠ ᤌᤡᤰᤁᤠᤱ ᤋᤥ᤺ᤴᤍᤧᤶᤔᤧ᤹॥ ᤁᤴ ᤆᤰᤔᤧᤸᤗ᤹ᤀᤣ ᤋᤥ᤺ᤶᤔᤏᤠᤒᤠ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠ ᤏᤢ ᤆᤰᤔᤧᤸᤗ᤹ᤀᤣ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ ᤜᤧᤰᤁᤩᤠᤱ ᤂᤧᤴᤏᤢ ᤛᤥᤖᤡᤰ ᤋᤥ᤺ᤶᤔᤏᤠᤒᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤂᤶᤓᤩᤠᤱ ᤂᤧᤴᤏᤢ ᤛᤥᤛᤥᤖᤡᤰᤐᤠ ᤛᤣᤈ᤺ᤱᤘᤠ ᤆᤧᤸᤗᤧᤰᤛᤣ ᤛᤡᤍᤢᤱᤓᤠ᤺ᤴᤏᤢ᤺ᤸᤗᤧ ᤘᤣ᤹ ᤋᤥ᤺ᤴᤍᤧᤶᤔᤧ᤹ᤀᤥ॥’”

ᤋᤰᤋᤰᤘᤠ ᤜᤡᤶ ᤋᤱᤏᤠᤶᤔᤥᤒᤠ ᤜᤢᤰᤘᤠᤜᤠ᤹

¹² “‘ᤏᤢᤛᤡᤃᤣᤰᤐᤠ ᤗᤠ ᤌᤡᤒᤥᤱᤅᤠᤱ ᤅᤠᤛᤡᤃᤣᤰᤐᤠ ᤕᤧᤴᤏᤥ ᤂᤡᤏᤡ᤹ ᤗᤳᤇᤠ ᤛᤣᤛᤣ ᤆᤢᤶᤗᤢᤱ ᤐᤥᤱᤗ. ᤜᤧᤰᤁᤩᤠᤱ ᤂᤧᤸᤗᤧ ᤕᤠ᤺ᤴᤍᤡᤰ ᤂᤡᤏᤡ᤹ ᤁᤧᤈᤥᤃᤢᤶᤒᤠ ᤌᤡᤰᤕᤠ᤺ᤴᤎᤰᤐᤠ ᤕᤠ᤺ᤶᤒᤰ ᤌᤧᤔᤠᤀᤠᤱ ᤔᤧᤈᤥᤃᤧᤶᤔᤡᤴᤏᤧ᤹॥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤗᤠᤃᤡ ᤂᤡᤏᤡ᤹ ᤏᤢᤛᤡ ᤕᤧᤴ ᤌᤠᤖᤡᤰ ᤋᤱᤏᤠᤶ ᤋᤥᤛᤧᤶᤔᤧ᤹॥

¹³ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤡᤖᤠ᤹ ᤁᤧᤎᤠᤱᤒᤠ ᤁᤢᤏᤠᤶᤃᤧᤏᤢ᤹ᤒᤠ ᤁᤢᤏᤠᤶ ᤐᤥᤱᤔᤠᤖᤧ ᤗᤠᤃᤡ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠᤴ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤌᤡᤒᤥᤱᤅᤠᤱ ᤛᤢᤶᤛᤡ ᤁᤢᤶᤒᤠᤒᤠ ᤐᤡᤳᤛᤠᤳ. ᤌᤢ᤺ᤶᤒᤠ ᤏᤧᤳᤇᤡ. ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤌᤡᤒᤥᤱᤅᤠᤱ ᤗᤡᤛᤡ ᤁᤢᤶᤒᤠᤒᤠ ᤔᤧᤸᤗᤢᤰ ᤋᤥ᤺ᤴᤍᤧᤶᤛᤡᤶᤔᤧ᤹॥ ᤁᤴᤜᤠ᤹ ᤁᤧᤖᤧᤰ ᤔᤧᤱᤃᤠ᤺ᤶᤏᤠᤒᤠ ᤔᤧᤒᤥᤱᤗ ᤐᤥᤱ᤹॥

¹⁴ ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤌᤡᤒᤥᤱᤅᤠᤱ ᤛᤢᤶᤛᤡᤀᤣ ᤐᤡᤳᤛᤠᤳᤜᤠ᤹ᤀᤥ ᤗᤳᤇᤠ ᤐᤡᤳᤛᤠᤳ ᤌᤰᤔᤣ ᤆᤤᤋᤢᤏ ᤏᤡ᤺ᤱᤃᤣ᤹ᤀᤥ ᤛ᤹ᤔᤏᤠᤒᤠ ᤑᤥᤗᤰ ᤌᤡᤰᤁᤠᤱ ᤁᤢᤓᤪᤧ᤺ᤰ ᤆᤢᤴᤈᤢᤶᤒᤠ ᤑᤣ᤹ᤖᤢᤶ. ᤏᤧᤳᤇᤡ ᤌᤢ᤺ᤶᤒᤠᤜᤠ᤹ᤀᤥ ᤗᤳᤇᤠ ᤌᤢ᤺ᤶᤒᤠ᤺ᤴᤏᤢ ᤛᤥᤖᤡᤰ ᤑᤥᤗᤰ ᤌᤡᤰ ᤑᤣ᤹ᤖᤢᤶ.

¹⁵ ᤜᤧᤰᤁᤩᤠᤱ ᤌᤡᤒᤥᤱᤅᤠᤱ ᤗᤡᤛᤡᤀᤣ ᤔᤧᤸᤗᤢᤰᤜᤠ᤹ᤏᤢ ᤛᤥᤖᤡᤰ ᤔᤠᤏᤠ ᤗᤡᤛᤡ ᤑᤣ᤹ᤖᤢᤶ ᤋᤥ᤺ᤴᤍᤧᤶᤔᤧ᤹॥

¹⁶ ᤂᤧᤴᤏᤢ ᤛᤥᤛᤥᤖᤡᤰ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤁᤢᤶᤒᤠᤒᤠ ᤔᤧ᤺ᤴᤍᤠ ᤌᤡᤰᤁᤠᤱ ᤋᤥ᤺ᤴᤍᤧᤶᤔᤧ᤹॥ ᤁᤴ ᤆᤰᤔᤧᤸᤗ᤹ᤀᤣ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ ᤁᤧᤍᤥ᤺ᤴᤍᤢᤶᤒᤠ ᤏᤢ ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤜᤧᤰᤁᤩᤠᤱ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ᤺ᤴᤏᤢ᤺ᤸᤗᤧ ᤘᤣ᤹ ᤋᤥ᤺ᤴᤍᤧᤶᤔᤧ᤹॥

¹⁷ “‘ᤏᤡᤛᤡᤃᤣᤰᤐᤠ ᤕᤧᤴᤏᤥ ᤁᤢᤶᤒᤠᤒᤠ ᤐᤡᤳᤛᤠᤳ ᤌᤡᤒᤥᤱᤅᤠᤱ ᤏᤧᤳᤇᤡ. ᤌᤢ᤺ᤶᤒᤠ ᤏᤧᤳᤇᤡ. ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤌᤡᤒᤥᤱᤅᤠᤱ ᤛᤡᤗᤡ ᤁᤢᤶᤒᤠᤒᤠ ᤔᤧᤸᤗᤢᤰᤜᤠ᤹ ᤂᤡᤏᤡ᤹ ᤋᤥ᤺ᤴᤍᤧᤶᤛᤡᤶᤛᤡᤶᤔᤧ᤹॥ ᤁᤴᤜᤠ᤹ ᤁᤧᤖᤧᤰ ᤔᤧᤱᤃᤠ᤺ᤶᤔᤏᤠᤒᤠ ᤔᤧᤒᤥᤱᤗ ᤐᤥᤱ᤹॥

¹⁸ ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤏᤢ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ ᤐᤡᤳᤛᤠᤳᤜᤠ᤹. ᤌᤢ᤺ᤶᤒᤠᤜᤠ᤹ ᤏᤢ ᤔᤧᤸᤗᤢᤰᤜᤠ᤹ ᤂᤠᤏᤡ᤺ᤳ ᤁᤢᤀᤡᤛᤡᤰ ᤋᤥ᤺ᤶᤍᤧᤶᤛᤡᤶᤔᤧ᤹॥

¹⁹ ᤂᤧᤴᤏᤢ ᤛᤥᤛᤥᤖᤡᤰ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤔᤧ᤺ᤴᤍᤠ ᤌᤡᤰᤁᤠᤱ ᤋᤥ᤺ᤴᤍᤧᤶᤔᤧ᤹॥ ᤁᤴ ᤆᤰᤔᤧᤸᤗ᤹ᤔᤏᤠᤒᤠ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ. ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤏᤢ ᤂᤧᤴᤏᤢ ᤛᤥᤖᤡᤰᤐᤠ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠᤜᤠ᤹ᤏᤢ᤺ᤸᤗᤧ ᤘᤣ᤹ ᤋᤥ᤺ᤴᤍᤧᤶᤔᤧ᤹॥

²⁰ “‘ᤛᤢᤶᤛᤡᤃᤣᤰᤐᤠ ᤕᤧᤴᤏᤥ ᤌᤡᤒᤥᤱᤅᤠᤱ ᤌᤡᤰ ᤐᤡᤳᤛᤠᤳᤜᤠ᤹. ᤌᤢ᤺ᤶᤒᤠ ᤏᤧᤳᤇᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤌᤡᤒᤥᤱᤅᤠᤱ ᤗᤡᤛᤡ ᤁᤢᤶᤒᤠᤒᤠ ᤔᤧᤸᤗᤢᤰᤜᤠ᤹ ᤋᤥ᤺ᤴᤍᤧᤶᤛᤡᤶᤔᤧ᤹॥ ᤁᤴᤜᤠ᤹ ᤁᤧᤖᤧᤰ ᤔᤧᤱᤃᤠ᤺ᤶᤔᤏᤠᤒᤠ ᤔᤧᤒᤥᤱᤗ ᤐᤥᤱ᤹॥

²¹ ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠᤴ ᤏᤢ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ ᤐᤡᤳᤛᤠᤳᤜᤠ᤹. ᤌᤢ᤺ᤶᤒᤠᤜᤠ᤹ ᤜᤧᤰᤁᤩᤠᤱ ᤔᤧᤸᤗᤢᤰᤜᤠ᤹ ᤂᤠᤏᤡ᤺ᤳ ᤁᤢᤀᤡᤛᤡᤰ ᤋᤥ᤺ᤴᤍᤧᤶᤛᤡᤶᤔᤧ᤹॥

²² ᤂᤧᤴᤏᤢ ᤛᤥᤛᤥᤖᤡᤰ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤔᤧ᤺ᤴᤍᤠ ᤌᤡᤰᤁᤠᤱ ᤋᤥ᤺ᤴᤍᤧᤶᤔᤧ᤹॥ ᤁᤴ ᤆᤰᤔᤧᤸᤗ᤹ᤀᤣ ᤋᤥ᤺ᤶᤔᤏᤠᤒᤠ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤴ. ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤜᤧᤰᤁᤩᤠᤱ ᤛᤣ᤹ᤈ᤺ᤱᤘᤠ᤺ᤴᤏᤢ᤺ᤸᤗᤧ ᤘᤣ᤹ ᤋᤥ᤺ᤴᤍᤧᤶᤔᤧ᤹॥

²³ “‘ᤗᤡᤛᤡᤃᤣᤰᤐᤠ ᤕᤧᤴᤏᤥ ᤌᤡᤒᤥᤱ ᤐᤡᤳᤛᤠᤳᤜᤠ᤹. ᤌᤢ᤺ᤶᤒᤠ ᤏᤧᤳᤇᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤌᤡᤒᤥᤱᤅᤠᤱ ᤗᤡᤛᤡ ᤁᤢᤶᤒᤠᤒᤠ ᤔᤧᤸᤗᤢᤰᤜᤠ᤹ ᤋᤥ᤺ᤴᤍᤧᤶᤛᤡᤶᤔᤧ᤹॥ ᤌᤰᤛᤠᤜᤠ᤹ ᤁᤧᤖᤧᤰ ᤁᤢᤗᤠᤱ ᤁᤢᤜᤢᤰ ᤔᤧᤴᤇᤰᤔᤏᤠᤒᤠ ᤔᤧᤱᤃᤠ᤺ᤶᤏᤠᤒᤠ ᤔᤧᤒᤥᤱᤗ ᤐᤥᤱ᤹॥

²⁴ ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤏᤢ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ ᤐᤡᤳᤛᤠᤳᤜᤠ᤹. ᤌᤢ᤺ᤶᤒᤠᤜᤠ᤹ ᤜᤧᤰᤁᤩᤠᤱ ᤔᤧᤸᤗᤢᤰᤜᤠ᤹ ᤂᤠᤏᤡ᤺ᤳ ᤁᤢᤀᤡᤛᤡᤰ ᤋᤥ᤺ᤴᤍᤧᤶᤛᤡᤶᤔᤧ᤹.

²⁵ ᤂᤧᤴᤏᤢ ᤛᤥᤛᤥᤖᤡᤰ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤔᤧ᤺ᤴᤍᤠ ᤌᤡᤰᤁᤠᤱ ᤋᤥ᤺ᤴᤍᤧᤶᤔᤧ᤹॥ ᤁᤴ ᤆᤰᤔᤧᤸᤗ᤹ᤀᤣ ᤋᤥ᤺ᤶᤔᤏᤠᤒᤠ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ. ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤂᤧᤒᤩᤠᤱ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠᤏᤢ᤺ᤸᤗᤧ ᤀᤣ᤺ᤰ ᤋᤥ᤺ᤴᤍᤧᤶᤔᤧ᤹॥

²⁶ “‘ᤅᤠᤛᤡᤃᤣᤰᤐᤠ ᤕᤧᤴᤏᤥ ᤑᤠᤱᤛᤡ ᤐᤡᤳᤛᤠᤳ. ᤌᤢ᤺ᤶᤒᤠ ᤏᤧᤳᤇᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤌᤡᤒᤥᤱᤅᤠᤱ ᤗᤡᤛᤡ ᤁᤢᤶᤒᤠᤒᤠ ᤔᤧᤸᤗᤢᤰᤜᤠ᤹ ᤋᤥ᤺ᤴᤍᤧᤶᤛᤡᤶᤔᤧ᤹॥ ᤁᤴᤜᤠ᤹ ᤁᤧᤖᤧᤰ ᤁᤢᤗᤠᤱ ᤁᤢᤜᤢᤰ ᤔᤧᤴᤇᤰᤔᤏᤠᤒᤠ ᤔᤧᤱᤃᤠ᤺ᤶᤏᤠᤒᤠ ᤔᤧᤘᤠ᤹ᤖ ᤐᤥᤱ᤹॥

²⁷ ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤏᤢ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ ᤐᤡᤳᤛᤠᤳᤜᤠ᤹. ᤔᤧᤸᤗᤢᤰᤜᤠ᤹ ᤜᤧᤰᤁᤩᤠᤱ ᤌᤢ᤺ᤶᤒᤠᤜᤠ᤹ ᤂᤠᤏᤡ᤺ᤳ ᤁᤢᤀᤡᤛᤡᤰ ᤋᤥ᤺ᤴᤍᤧᤶᤛᤡᤶᤔᤧ᤹॥

²⁸ ᤂᤧᤴᤏᤢ ᤛᤥᤛᤥᤖᤡᤰ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤔᤧ᤺ᤴᤍᤠ ᤌᤡᤰᤁᤠᤱ ᤋᤥ᤺ᤴᤍᤧᤶᤔᤧ᤹॥ ᤁᤴ ᤆᤰᤔᤧᤸᤗ᤹ᤀᤣ ᤋᤥ᤺ᤶᤔᤏᤠᤒᤠ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ. ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤜᤧᤰᤁᤩᤠᤱ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ᤺ᤴᤏᤢ᤺ᤸᤗᤧ ᤀᤣ᤺ᤰ ᤋᤥ᤺ᤴᤍᤧᤶᤔᤧ᤹॥

²⁹ “‘ᤋᤢᤰᤛᤡᤃᤣᤰᤐᤠ ᤕᤧᤴᤏᤥ ᤕᤧᤳᤇᤡ ᤐᤡᤳᤛᤠᤳᤜᤠ᤹. ᤌᤢ᤺ᤶᤒᤠ ᤏᤧᤳᤇᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤌᤡᤒᤥᤱᤅᤠᤱ ᤗᤡᤛᤡ ᤔᤧᤸᤗᤢᤰᤜᤠ᤹ ᤋᤥ᤺ᤴᤍᤧᤶᤛᤡᤶᤔᤧ᤹॥ ᤁᤴᤜᤠ᤹ ᤁᤧᤖᤧᤰ ᤁᤢᤗᤠᤱ ᤁᤢᤜᤢᤰ ᤔᤧᤴᤇᤰᤔᤏᤠᤒᤠ ᤔᤧᤱᤃᤠ᤺ᤶᤔᤏᤠᤒᤠ ᤐᤥᤱᤔᤠ ᤐᤥᤱ᤹॥

³⁰ ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤏᤢ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ ᤐᤡᤳᤛᤠᤳᤜᤠ᤹. ᤔᤧᤸᤗᤢᤰᤜᤠ᤹ ᤜᤧᤰᤁᤩᤠᤱ ᤌᤢ᤺ᤶᤒᤠᤜᤠ᤹ ᤂᤠᤏᤡ᤺ᤳ ᤁᤢᤀᤡᤛᤡᤰ ᤋᤥ᤺ᤴᤍᤧᤶᤛᤡᤶᤔᤧ᤹॥

³¹ ᤂᤧᤴᤏᤢ ᤛᤥᤛᤥᤖᤡᤰ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤔᤧ᤺ᤴᤍᤠ ᤌᤡᤰᤁᤠᤱ ᤋᤥ᤺ᤴᤍᤧᤶᤔᤧ᤹॥ ᤁᤴ ᤆᤰᤔᤧᤸᤗ᤹ᤀᤣ ᤋᤥ᤺ᤶᤏᤠᤒᤠ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ. ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤜᤧᤰᤁᤩᤠᤱ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ᤺ᤴᤏᤢ᤺ᤸᤗᤧ ᤘᤣ᤹ ᤋᤥ᤺ᤴᤍᤧᤶᤔᤧ᤹॥

³² “‘ᤏᤢᤛᤡᤃᤣᤰᤐᤠ ᤕᤧᤴᤏᤥ ᤂᤡᤏᤡ᤹ ᤏᤢᤛᤡ ᤐᤡᤳᤛᤠᤳᤜᤠ᤹. ᤔᤧᤸᤗᤢᤰ ᤏᤧᤳᤇᤡ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤌᤡᤒᤥᤱᤅᤠᤱ ᤗᤡᤛᤡ ᤌᤢ᤺ᤶᤒᤠᤜᤠ᤹ ᤋᤥ᤺ᤴᤍᤧᤶᤛᤡᤶᤔᤧ᤹॥ ᤁᤴᤜᤠ᤹ ᤁᤧᤖᤧᤰ ᤁᤢᤗᤠᤱ ᤁᤢᤜᤢᤰ ᤔᤧᤴᤇᤰᤔᤏᤠᤒᤠ ᤔᤧᤱᤃᤠ᤺ᤶᤏᤠᤒᤠ ᤐᤥᤱᤔᤠ ᤐᤥᤱ᤹॥

³³ ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠᤴ ᤏᤢ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ ᤐᤡᤳᤛᤠᤳᤜᤠ᤹. ᤌᤢ᤺ᤶᤒᤠᤜᤠ᤹ ᤜᤧᤰᤁᤩᤠᤱ ᤔᤧᤸᤗᤢᤰᤜᤠ᤹ ᤂᤠᤏᤡ᤺ᤳ ᤁᤢᤀᤡᤛᤡᤰ ᤋᤥ᤺ᤴᤍᤧᤶᤛᤡᤶᤔᤧ᤹॥

³⁴ ᤂᤧᤴᤏᤢ ᤛᤥᤛᤥᤖᤡᤰ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤔᤧ᤺ᤴᤍᤠ ᤌᤡᤰᤁᤠᤱ ᤋᤥ᤺ᤴᤍᤧᤶᤔᤧ᤹॥ ᤁᤴ ᤆᤰᤔᤧᤸᤗ᤹ᤀᤣ ᤋᤥ᤺ᤶᤔᤏᤠ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ. ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤜᤧᤰᤁᤩᤠᤱ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ᤺ᤴᤏᤢ᤺ᤸᤗᤧ ᤘᤣ᤹ ᤋᤥ᤺ᤴᤍᤧᤶᤔᤧ᤹॥

³⁵ “‘ᤕᤧᤳᤇᤡᤃᤣᤰᤐᤠ ᤕᤧᤴᤏᤥ ᤂᤡᤏᤡ᤹ ᤗᤳᤇᤠ ᤛᤣᤛᤣ ᤆᤢᤶᤗᤢᤱ ᤐᤥᤱᤗ. ᤂᤧᤒᤩᤠᤱ ᤂᤡᤏᤡ᤹ ᤌᤡᤰᤕᤠ᤺ᤶᤎᤰ ᤁᤧᤈᤥᤃᤢᤶᤒᤠ ᤌᤧᤔᤠ ᤕᤠ᤺ᤶᤒᤰᤁᤠᤱ ᤔᤧᤈᤥᤃᤧᤶᤔᤡᤴᤏᤧ᤹॥

³⁶ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤡᤖᤠ᤹ ᤁᤧᤎᤠᤱᤒᤠ ᤁᤢᤏᤠᤶᤃᤧᤏᤢ᤹ᤒᤠ ᤁᤢᤏᤠᤶ ᤐᤥᤱᤗ ᤑᤠ᤹ᤀᤠᤱ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠᤴ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤐᤡᤳᤛᤠᤳ ᤌᤡᤰ. ᤌᤢ᤺ᤶᤒᤠᤎᤡᤰ ᤏᤢ ᤋᤱᤒᤣ ᤌᤡᤰ ᤁᤧᤃᤧᤵᤐᤠ ᤁᤢᤶᤒᤠᤒᤠ ᤔᤧᤸᤗᤢᤰ ᤏᤢᤛᤡ ᤋᤥ᤺ᤴᤍᤧᤶᤛᤡᤶᤔᤧ᤹॥ ᤂᤧᤱᤜᤠ᤹ ᤁᤧᤖᤧᤰ ᤁᤢᤗᤠᤱ ᤁᤢᤜᤢᤰ ᤔᤧᤴᤇᤰᤔᤏᤠ ᤔᤧᤱᤃᤠ᤺ᤶᤏᤠᤒᤠ ᤔᤧᤒᤥᤱᤗ ᤐᤥᤱ᤹॥

³⁷ ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠᤴ ᤏᤢ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ ᤐᤡᤳᤛᤠᤳ. ᤔᤧᤸᤗᤢᤰ ᤜᤧᤰᤁᤩᤠᤱ ᤌᤢ᤺ᤶᤒᤠᤜᤠ᤹ ᤂᤠᤏᤡ᤺ᤳ ᤁᤢᤀᤡᤛᤡᤰ ᤋᤥ᤺ᤴᤍᤧᤶᤛᤡᤶᤔᤧ᤹॥

³⁸ ᤂᤧᤴᤏᤢ ᤛᤥᤛᤥᤖᤡᤰ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤃᤡ ᤁᤢᤶᤒᤠᤒᤠ ᤔᤧ᤺ᤴᤍᤠ ᤌᤡᤰᤁᤠᤱ ᤋᤥ᤺ᤴᤍᤧᤶᤔᤧ᤹॥ ᤁᤴ ᤆᤰᤔᤧᤸᤗ᤹ᤀᤣ ᤋᤥ᤺ᤶᤔᤏᤠᤒᤠ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ. ᤂᤧᤴᤏᤢ ᤛᤥᤖᤡᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠ ᤜᤧᤰᤁᤩᤠᤱ ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠ᤺ᤴᤏᤢ᤺ᤸᤗᤧ ᤀᤣ᤺ᤰ ᤋᤥ᤺ᤴᤍᤧᤶᤔᤧ᤹॥

³⁹ “‘ᤂᤡᤏᤡ᤹ ᤔᤠᤱᤜᤢᤵ ᤁᤧᤈᤥᤃᤢᤶᤒᤠ ᤏᤢ ᤀᤠᤵᤑᤣᤰ ᤏᤡᤱᤘᤠ᤹ᤖᤧ ᤁᤧᤍᤥ᤺ᤴᤍᤢᤶᤒᤠ ᤛᤡᤍᤢᤱᤈᤓᤠ᤺ᤴᤏᤢ᤺ᤸᤗᤧ ᤘᤣ᤹ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠᤜᤠ᤹. ᤐᤥᤃᤢᤃᤧᤴ ᤁᤢᤈᤠ ᤛᤡᤍᤢᤱᤈᤓᤠᤜᤠ᤹. ᤛᤣᤈ᤺ᤱᤘᤠ ᤛᤡᤍᤢᤱᤈᤓᤠᤜᤠ᤹ ᤂᤶᤓᤩᤠᤱ ᤋᤱᤈᤢᤶ ᤛᤡᤍᤢᤱᤈᤓᤠᤜᤠ᤹ ᤂᤡᤏᤡ᤹ ᤏᤡ᤺ᤴᤎᤥ ᤁᤧᤒᤥᤱᤒᤠ ᤋᤱᤏᤠᤶᤜᤠ᤹ᤀᤥ ᤕᤜᤘᤣ ᤍᤠᤱᤒᤠᤀᤥ ᤋᤥ᤺ᤴᤍᤧᤶᤔᤧ᤹॥’”

⁴⁰ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤀᤡᤱᤈᤠᤱ ᤐᤡᤖᤢᤒᤠ ᤁᤢᤀᤡᤛᤡᤰ ᤁᤧᤖᤧᤰ ᤐᤠ᤺ᤴᤜᤠ᤹ ᤔᤥᤛᤠ᤺ᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤔᤧᤳᤋᤢᤛᤡᤖᤥ॥