ᤂᤠᤏᤡ᤺ᤳ 26 - LIFOTNTᤏᤡᤛᤡᤃᤣᤰᤐᤠ ᤕᤠᤶᤏᤠ᤺ᤳᤏᤡ᤺ᤳ 1 ᤔᤡᤱᤍᤣ᤹ ᤀᤣᤃᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤏᤢ ᤏᤡᤱᤘᤠ᤹ᤑᤢᤛᤠᤶᤒᤠ ᤜᤠᤖᤢᤏᤖᤧ ᤁᤢᤛ᤻ᤛᤠ ᤀᤣᤗᤠᤈᤠᤖᤧᤴ ᤀᤰᤂᤣ ᤔᤧᤳᤋᤢᤛᤡ. 2 “ᤁᤧᤖᤧᤰ ᤀᤡᤛᤪᤠᤀᤡᤗᤡ ᤛᤱᤈᤢᤶᤓᤥᤗᤠᤶ ᤋᤱᤒᤣ ᤏᤡᤒᤥᤱ ᤏᤢ ᤂᤧᤴᤏᤢ᤺ᤸᤗᤧ ᤕᤖᤡᤰ ᤋᤱᤒᤣ ᤁᤧᤃᤧᤵᤐᤠ ᤀᤡᤛᤪᤠᤀᤡᤗᤒᤠ ᤌᤰᤛᤢᤒᤠ ᤕᤠ᤺ᤶᤒᤰᤁᤥ ᤐᤣ᤺ᤰᤔᤠ ᤁᤧᤛᤢᤰᤐᤠᤜᤠ᤹ ᤂᤢᤴᤇᤡ᤹ ᤜᤡᤶᤛᤕᤱ ᤁᤢᤀᤡᤛᤡᤰ ᤏᤡᤖᤧᤶᤛᤧ᤹॥” 3 ᤂᤧᤒᤩᤠᤱ ᤔᤥᤛᤠᤴ ᤏᤢ ᤏᤡᤱᤘᤠ᤹ᤑᤢᤛᤠᤶᤒᤠ ᤀᤣᤗᤠᤈᤠᤖᤖᤧ ᤕᤖᤡᤜᤥ ᤏᤠᤜᤠᤱᤒᤠ ᤏᤠᤱᤃᤧᤴ ᤐᤡᤛᤠᤱ ᤕᤷᤍᤏ ᤘᤜ᤺ᤱᤅᤡᤸᤗᤧ ᤁᤢᤕᤠᤀᤥ ᤔᤥᤀᤠᤒᤒᤠ ᤏᤧᤏᤧᤒᤠᤍᤧᤴᤏᤥ ᤂᤧᤱᤜᤠ᤹ ᤑᤢᤰᤂᤧᤛᤢᤛᤡᤀᤠᤱ ᤔᤧᤳᤋᤢᤛᤡ. 4 “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤥᤛᤠᤴ ᤀᤡᤱᤈᤠᤱ ᤐᤡᤖᤢᤒᤠ ᤁᤢᤀᤡᤛᤡᤰ ᤋᤱᤒᤣ ᤏᤡᤒᤥᤱ ᤁᤧᤃᤧᤵᤐᤠ ᤏᤢ ᤂᤧᤴᤏᤢ᤺ᤸᤗᤧ ᤕᤖᤡᤰ ᤋᤱᤒᤣ ᤁᤧᤃᤧᤵᤐᤠ ᤔᤏᤠᤜᤠ᤹ ᤏᤡᤖᤧᤶᤛᤧ᤹॥” ᤔᤡᤛᤪᤗᤠᤶ ᤁᤧᤗ᤺ᤶᤒᤠ ᤁᤧᤓᤧᤶᤒᤠ ᤀᤡᤛᤪᤠᤀᤡᤗᤡᤜᤠ᤹ ᤜᤠᤒᤠ ᤁᤴᤜᤠ᤹ ᤔᤧᤘᤕᤧᤖᤥ— 5 ᤀᤡᤛᤪᤠᤀᤡᤗᤖᤧ ᤁᤢᤛ᤻ᤛᤠ ᤋᤢᤶᤒᤠ ᤁᤢᤒᤧᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹— ᤜᤠᤏᤥᤁᤗᤠᤶᤒᤠ. ᤜᤠᤏᤥᤁᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ. ᤐᤸᤗᤢᤗᤠᤶᤒᤠ. ᤐᤸᤗᤢᤀᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ. 6 ᤜᤣᤛᤪᤥᤏᤗᤠᤶᤒᤠ. ᤜᤣᤛᤪᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ. ᤁᤷᤔᤡᤗᤠᤶᤒᤠ. ᤁᤷᤔᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤔᤧᤒᤥ᤺ᤰᤂᤧ॥ 7 ᤖᤢᤒᤣᤏᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤜᤠ᤹ ᤜᤠᤒᤠ ᤁᤴᤜᤠ᤹ᤖᤥ॥ ᤂᤧᤱᤜᤠ᤹ ᥊᥉.᥍᥉᥆ ᤂᤠᤏᤡ᤺ᤳ ᤔᤧᤘᤕᤧ॥ 8 ᤐᤸᤗᤢᤖᤧ ᤁᤢᤛ᤻ᤛᤠ ᤀᤣᤗᤡᤀᤠᤒ ᤘᤕᤧ॥ 9 ᤀᤣᤗᤡᤀᤠᤒᤖᤧ ᤁᤢᤛ᤻ᤛᤠ ᤕᤧᤶᤒᤡᤳᤇᤠᤜᤠ᤹ ᤏᤔᤢᤀᤣᤗ. ᤍᤠᤋᤠᤏ ᤏᤢ ᤀᤒᤡᤖᤠᤔ ᤔᤧᤘᤕᤧ॥ ᤁᤴᤜᤠ᤹ ᤀᤠᤶᤓᤠ ᤂᤧᤴ ᤍᤠᤋᤠᤏ ᤏᤢ ᤀᤒᤡᤖᤠᤔ ᤛᤱᤈᤢᤶᤓᤥᤒᤠ ᤛᤢᤜᤠᤱᤃᤧᤶᤒᤠᤜᤠ᤹ᤖᤥ. ᤂᤧᤱᤜᤠ᤹ ᤁᤥᤖᤜᤖᤧ ᤁᤢᤔᤏᤠ ᤛᤢᤶᤔᤥ ᤔᤧᤓᤢᤱᤛᤡᤱᤅᤠᤱ ᤔᤥᤛᤠᤴ ᤜᤧᤰᤁᤩᤠᤱ ᤜᤠᤖᤢᤏᤧᤴᤏᤢ ᤂᤧᤔᤠ᤹ ᤔᤧᤈᤥᤃᤧᤀᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤡᤰ ᤔᤧᤓᤥᤰᤂᤢᤀᤠᤱ ᤘᤕᤧ॥ 10 ᤂᤧᤒᤩᤠᤱ ᤂᤠᤶᤒᤠᤱᤅᤡᤴ ᤜᤶᤒᤠ᤺ᤱ ᤐᤠ᤺ᤰᤂᤧᤀᤠᤱ ᤂᤧᤱᤜᤠ᤹ ᤁᤥᤖᤜ᤺ᤴ ᤏᤢ ᤅᤠᤒᤥᤱ ᤔᤏᤠᤜᤠ᤹ ᤛᤥᤛᤥᤖᤡᤰ ᤔᤧᤗᤠᤛᤧ ᤔᤧᤄᤧᤖᤧ. ᤂᤧᤴ ᤕᤧᤶᤔᤥ ᤔᤡᤎᤢᤱᤍᤡᤱ ᤔᤡᤖᤠ᤺ᤰᤁᤧᤸᤗᤧ ᤁᤥᤖᤜ᤺ᤴ ᤁᤧᤍᤡᤶᤒᤠ ᥈᥋᥆ ᤔᤏᤠᤜᤠ᤹ ᤂᤠᤵᤐᤢᤌᤩ᤺ᤱ ᤔᤧᤒᤥ᤺ᤰᤂᤧᤀᤠᤱ ᤘᤕᤧ॥ ᤂᤧᤱᤜᤠ᤹ ᤀᤡᤛᤪᤠᤀᤡᤗᤡ ᤛᤢᤘᤠᤱᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤛᤠᤶᤍᤡᤱᤗᤧ ᤁᤢᤒᤡ ᤔᤧᤒᤥ᤺ᤰᤂᤧ॥ 11 ᤁᤖ ᤁᤥᤖᤜᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤃ ᤔᤧᤴᤇᤡᤀᤣ ᤔᤧᤘᤕᤧ॥ 12 ᤛᤡᤔᤡᤕᤥᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ— ᤏᤔᤢᤀᤣᤗᤗᤠᤶ ᤏᤔᤢᤀᤣᤗᤖᤧ ᤁᤢᤔᤢ᤹ᤀᤡᤍᤠᤱᤛᤠ. ᤕᤠᤔᤡᤏᤗᤠᤶ ᤕᤠᤔᤡᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤕᤠᤁᤡᤏᤗᤠᤶ ᤕᤠᤁᤡᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. 13 ᤈᤣᤖᤜᤗᤠᤶ ᤈᤣᤖᤋᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤛᤦᤗᤗᤠᤶ ᤛᤦᤗᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. 14 ᤛᤡᤔᤡᤕᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤜᤠ᤹ ᤜᤠᤒᤠ ᤁᤴᤜᤠ᤹ᤖᤥ॥ ᤂᤧᤱᤜᤠ᤹ ᥈᥈.᥈᥆᥆ ᤂᤠᤏᤡ᤺ᤳ ᤔᤧᤘᤕᤧ॥ 15 ᤃᤠᤍᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ— ᤛᤣᤑᤥᤏᤗᤠᤶ ᤛᤣᤑᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤜᤠᤃᤩᤡᤗᤠᤶ ᤜᤠᤃᤩᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤛᤢᤏᤡᤗᤠᤶ ᤛᤢᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. 16 ᤀᤥᤈᤏᤡᤗᤠᤶ ᤀᤥᤈᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤀᤣᤖᤡᤗᤠᤶ ᤀᤣᤖᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. 17 ᤀᤖᤥᤍᤡᤗᤠᤶ ᤀᤖᤥᤍᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤀᤖᤣᤗᤡᤗᤠᤶ ᤀᤖᤣᤗᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 18 ᤃᤠᤍᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤂᤧᤱᤜᤠ᤹ ᥊᥆.᥋᥆᥆ ᤔᤧᤘᤕᤧ॥ 19 ᤀᤣᤖ ᤏᤢ ᤀᤥᤏᤠᤏᤧᤴ ᤕᤜᤢᤍᤠ᤺ᤸᤗᤧ ᤁᤢᤛ᤻ᤛᤠ ᤘᤕᤧᤛᤡ. ᤁᤖ ᤂᤢᤴᤇᤡ᤹ ᤁᤏᤠᤏ ᤗᤠᤈᤣ᤹ᤀᤥ ᤔᤠᤏᤧᤛᤡ॥ 20 ᤕᤜᤢᤍᤠ᤺ᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ— ᤛᤗᤣᤜᤗᤠᤶ ᤛᤣᤗᤠᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤑᤠᤖᤣᤛᤗᤠᤶ ᤑᤠᤖᤣᤛᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤈᤣᤖᤜᤗᤠᤶ ᤈᤣᤖᤜᤠᤋᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 21 ᤑᤠᤖᤣᤛᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹— ᤜᤣᤛᤪᤥᤏᤗᤠᤶ ᤜᤣᤛᤪᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤜᤠᤔᤢᤗᤗᤠᤶ ᤜᤠᤔᤢᤗᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 22 ᤕᤜᤢᤍᤠ᤺ᤸᤗᤧ ᤁᤢᤜᤡᤶᤛᤕᤱᤗᤠᤶᤒᤠᤒᤠ ᤌᤠ᤺ᤰᤜᤠ᤹ ᤜᤠᤒᤠ ᤁᤴᤜᤠ᤹ᤖᤥ॥ ᤂᤧᤱᤜᤠ᤹ ᥍᥌.᥋᥆᥆ ᤔᤧᤘᤕᤧ॥ 23 ᤀᤡᤛ᤻ᤛᤠᤂᤠᤖᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ— ᤋᤥᤗᤠᤗᤠᤶ ᤋᤥᤗᤠᤜᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤐᤢᤘᤠᤗᤠᤶ ᤐᤢᤘᤠᤋᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. 24 ᤕᤠᤛᤢᤒᤗᤠᤶ ᤕᤠᤛᤢᤒᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤛᤡᤔᤪᤥᤏᤗᤠᤶ ᤛᤡᤔᤪᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤔᤧᤒᤥ᤺ᤰᤂᤧ॥ 25 ᤀᤡᤛ᤻ᤛᤠᤂᤠᤖᤖᤧ ᤁᤢᤜᤡᤶᤛᤕᤱᤗᤠᤶᤒᤠᤒᤠ ᤔᤢ᤹ᤀᤡᤍᤠᤱᤛᤠ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤂᤧᤱᤜᤠ᤹ ᥌᥊.᥉᥆᥆ ᤂᤠᤏᤡ᤺ᤳ ᤔᤧᤘᤕᤧ॥ 26 ᤈᤒᤗᤢᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ— ᤛᤣᤖᤣᤍᤗᤠᤶ ᤛᤣᤖᤣᤍᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤀᤣᤗᤥᤏᤗᤠᤶ ᤀᤣᤗᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤕᤜᤗᤣᤗᤗᤠᤶ ᤕᤜᤣᤗᤣᤗᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 27 ᤈᤒᤗᤢᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤂᤧᤱᤜᤠ᤹ ᥌᥆.᥋᥆᥆ ᤂᤠᤏᤡ᤺ᤳ ᤔᤧᤘᤕᤧ॥ 28 ᤕᤥᤛᤣᤑᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤔᤏᤛ᤻ᤛᤣ ᤏᤢ ᤀᤣᤑᤪᤠᤀᤡᤔᤗᤠᤶ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ ᤜᤠᤒᤠ ᤁᤴᤜᤠ᤹ᤀᤣᤖᤥ— 29 ᤔᤏᤛ᤻ᤛᤣᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹— ᤔᤠᤁᤡᤖᤗᤠᤶ ᤔᤠᤁᤡᤖᤧᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ (ᤔᤠᤁᤡᤖᤖᤧ ᤃᤡᤗᤠᤍᤧᤴ ᤁᤳᤋᤢ). ᤃᤡᤗᤠᤍᤗᤠᤶ ᤃᤡᤗᤠᤍᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 30 ᤃᤡᤗᤠᤍᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹— ᤀᤡᤀᤣᤈᤣᤖᤗᤠᤶ ᤀᤡᤀᤣᤈᤣᤖᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤜᤣᤗᤣᤁᤗᤠᤶ ᤜᤣᤗᤣᤁᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. 31 ᤀᤛᤪᤡᤀᤣᤗᤗᤠᤶ ᤀᤛᤪᤡᤀᤣᤗᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤛᤣᤁᤣᤔᤗᤠᤶ ᤛᤣᤁᤣᤔᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. 32 ᤛᤔᤡᤍᤠᤗᤠᤶ ᤛᤔᤡᤍᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤜᤣᤐᤣᤖᤗᤠᤶ ᤜᤣᤐᤣᤖᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 33 (ᤜᤣᤐᤣᤖᤖᤧ ᤁᤢᤛ᤻ᤛᤠ ᤛᤗᤥᤑᤠᤍᤖᤧ ᤁᤢᤛ᤻ᤛᤠ ᤌᤡᤰᤁᤠᤱ ᤕᤧᤶᤒᤡᤳᤇᤠ ᤔᤧᤜᤥ᤺ᤵᤋᤧ. ᤁᤖ ᤁᤢᤛ᤻ᤛᤠ ᤔᤧᤴᤇᤢᤔᤠᤖᤰ ᤔᤧᤘᤕᤧ॥ ᤛᤗᤥᤑᤠᤍᤖᤧ ᤁᤢᤛ᤻ᤛᤠ ᤔᤧᤴᤇᤢᤔᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱ ᤔᤜᤗᤠ. ᤏᤥᤀᤠᤜ. ᤜᤥᤃ᤻ᤗᤠ. ᤔᤡᤸᤁᤠ ᤏᤢ ᤋᤡᤷᤛᤠ ᤘᤕᤧ॥) 34 ᤔᤏᤛ᤻ᤛᤣᤖᤧ ᤁᤢᤜᤡᤶᤛᤱᤒᤠ ᤔᤢ᤹ᤀᤡᤍᤠᤱᤛᤠᤜᤠ᤹ ᤀᤠᤶᤓᤠ ᤁᤴᤜᤠ᤹ ᤔᤧᤘᤕᤧᤖᤥ॥ ᤂᤧᤱᤜᤠ᤹ ᥋᥈.᥍᥆᥆ ᤂᤠᤏᤡ᤺ᤳ ᤔᤧᤘᤕᤧ॥ 35 ᤀᤡᤑᤪᤠᤀᤡᤔᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ— ᤛᤢᤋᤣᤗᤜᤗᤠᤶ ᤛᤢᤋᤣᤗᤜᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤒᤣᤁᤣᤖᤗᤠᤶ ᤒᤣᤁᤣᤖᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤋᤜᤏᤗᤠᤶ ᤋᤜᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 36 ᤛᤢᤋᤣᤗᤜᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹— ᤀᤣᤖᤠᤏᤗᤠᤶ ᤀᤣᤖᤠᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 37 ᤀᤡᤑᤪᤠᤀᤡᤔᤖᤧ ᤁᤢᤜᤡᤶᤛᤕᤱᤒᤠ ᤔᤢ᤹ᤀᤡᤍᤠᤱᤛᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤂᤧᤱᤜᤠ᤹ ᥉᥈.᥋᥆᥆ ᤂᤠᤏᤡ᤺ᤳ ᤔᤧᤘᤕᤧ॥ ᤕᤥᤛᤣᤑᤖᤧ ᤁᤢᤔᤢ᤹ᤀᤡᤍᤠᤱᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ ᤜᤠᤒᤠ ᤁᤴᤜᤠ᤹ᤀᤣᤖᤥ॥ 38 ᤒᤣᤏᤩᤠᤔᤡᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ— ᤒᤣᤗᤠᤗᤠᤶ ᤒᤣᤗᤠᤜᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤀᤛ᤻ᤒᤣᤗᤗᤠᤶ ᤀᤛ᤻ᤒᤣᤗᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤀᤜᤣᤖᤠᤔᤗᤠᤶ ᤀᤜᤣᤖᤠᤔᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. 39 ᤛᤢᤐᤠᤔᤗᤠᤶ ᤛᤢᤐᤠᤔᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤜᤢᤐᤠᤔᤗᤠᤶ ᤜᤢᤐᤠᤔᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 40 ᤀᤠᤷᤍ ᤏᤢ ᤏᤠᤔᤠᤏᤗᤠᤶ ᤒᤣᤗᤠᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹— ᤀᤠᤷᤍᤗᤠᤶ ᤀᤠᤷᤍᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤏᤠᤔᤠᤏᤗᤠᤶ ᤏᤠᤔᤠᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 41 ᤒᤣᤏᤩᤠᤔᤡᤏᤖᤧ ᤁᤢᤜᤡᤶᤛᤕᤱᤒᤠ ᤔᤢ᤹ᤀᤡᤍᤠᤱᤛᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤂᤧᤱᤜᤠ᤹ ᥊᥋.᥌᥆᥆ ᤂᤠᤏᤡ᤺ᤳ ᤔᤧᤘᤕᤧ॥ 42 ᤍᤠᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ— ᤛᤢᤜᤠᤔᤗᤠᤶ ᤛᤢᤜᤠᤔᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ ᤍᤠᤏᤖᤧ ᤁᤢᤜᤡᤶᤛᤕᤱᤒᤠ ᤌᤠ᤺ᤰᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ॥ 43 ᤁᤴᤜᤠ᤹ ᤁᤧᤖᤧᤰ ᤛᤢᤜᤠᤔᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ ᤂᤧᤱᤜᤠ᤹ ᥌᥊.᥊᥆᥆ ᤂᤠᤏᤡ᤺ᤳ ᤔᤧᤘᤕᤧ॥ 44 ᤀᤠᤛᤣᤖᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ— ᤕᤡᤶᤏᤠᤗᤠᤶ ᤕᤡᤶᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤕᤡᤛᤫᤡᤗᤠᤶ ᤕᤡᤛᤫᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤒᤖᤡᤀᤠᤗᤠᤶ ᤒᤖᤡᤀᤋᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 45 ᤜᤧᤰᤁᤩᤠᤱ ᤒᤖᤡᤀᤠᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤗᤠᤶ— ᤜᤣᤒᤣᤖᤗᤠᤶ ᤜᤣᤒᤣᤖᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤔᤸᤁᤡᤀᤣᤗᤗᤠᤶ ᤔᤸᤁᤡᤀᤣᤗᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 46 (ᤀᤠᤛᤣᤖᤖᤧ ᤁᤢᤛ᤻ᤛᤠ ᤔᤧᤴᤇᤢᤔᤠ ᤌᤡᤰᤗᤧ ᤁᤢᤔᤡᤱ ᤛᤣᤖᤜ ᤘᤕᤧ॥) 47 ᤀᤠᤛᤣᤖᤖᤧ ᤁᤢᤜᤡᤶᤛᤕᤱᤒᤠ ᤔᤢ᤹ᤀᤡᤍᤠᤱᤛᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤂᤧᤱᤜᤠ᤹ ᥋᥉.᥊᥆᥆ ᤂᤠᤏᤡ᤺ᤳ ᤔᤧᤘᤕᤧ॥ 48 ᤏᤵᤋᤠᤗᤡᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ— ᤕᤜᤛᤡᤗᤗᤠᤶ ᤕᤜᤛᤡᤗᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤃᤢᤏᤡᤗᤠᤶ ᤃᤢᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. 49 ᤕᤣᤛᤣᤖᤗᤠᤶ ᤕᤣᤛᤣᤖᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤛᤡᤸᤗᤣᤔᤗᤠᤶ ᤛᤡᤸᤗᤣᤔᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 50 ᤏᤵᤋᤠᤗᤡᤖᤧ ᤁᤢᤜᤡᤶᤛᤕᤱᤒᤠ ᤔᤢ᤹ᤀᤡᤍᤠᤱᤛᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤂᤧᤱᤜᤠ᤹ ᥊᥋.᥊᥆᥆ ᤂᤠᤏᤡ᤺ᤳ ᤔᤧᤘᤕᤧ॥ 51 ᤀᤡᤛᤪᤠᤀᤡᤗᤡ ᤕᤧᤶᤒᤡᤳᤇᤠᤜᤠ᤹ ᤁᤧᤖᤧᤰᤗᤧ ᥌.᥆᥇.᥍᥉᥆ ᤂᤠᤏᤡ᤺ᤳ ᤔᤧᤘᤕᤧ॥ 52 ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. 53 “ᤔᤧᤏᤡᤖᤢᤛᤡᤒᤠ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤂᤠᤏᤡ᤺ᤳ ᤁᤢᤀᤡᤛᤡᤰ ᤗᤠᤈᤣᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤗᤰᤂᤥᤔᤠ ᤗᤰᤁᤡᤴ ᤔᤧᤓ᤺ᤰᤂᤢᤖ॥ 54 ᤕᤖᤡᤰ ᤌᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤕᤶᤒᤠ ᤗᤠᤈᤣ᤹ ᤏᤢ ᤆᤢᤰᤐᤠ ᤌᤠ᤺ᤰᤜᤠ᤹ᤖᤧ ᤗᤠᤃᤡ ᤆᤢᤰᤐᤠᤀᤣ ᤗᤠᤈᤣ᤹ ᤐᤡᤖᤧᤛᤧ᤹॥ ᤗᤳᤇᤠ ᤗᤳᤇᤠ ᤜᤡᤶᤛᤕᤱᤒᤠᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤂᤠᤏᤡ᤺ᤳ ᤁᤢᤀᤡᤛᤡᤰ ᤗᤰᤂᤥᤔᤠ ᤗᤰ ᤐᤡᤖᤧᤛᤧ᤹॥ 55 ᤜᤧᤰᤁᤣᤛᤠᤱ ᤂᤧᤴ ᤗᤠᤈᤣᤴ ᤋ᤹ᤕᤠᤴᤛᤥ᤺ᤴ ᤔᤧᤃᤧᤛᤢᤀᤠᤱ ᤔᤧᤓ᤺ᤰᤂᤢᤖ ᤐᤥᤱ᤹॥ ᤔᤧᤏᤡᤖᤢᤛᤡᤒᤠ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤂᤠᤏᤡ᤺ᤳ ᤁᤢᤀᤡᤛᤡᤰ ᤗᤠᤈᤣᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤗᤰᤂᤥᤔᤠ ᤗᤰᤁᤡᤴ ᤔᤧᤓ᤺ᤰᤂᤢᤖ॥ 56 ᤕᤶᤒᤠ ᤏᤢ ᤆᤢᤰᤐᤠᤖᤧ ᤂᤢᤴᤇᤡ᤹ᤗᤢᤶᤔᤥᤒᤠ ᤗᤰᤂᤥᤔᤠ ᤗᤰᤁᤡᤴ ᤋ᤹ᤕᤠᤴᤛᤥ᤺ᤴ ᤔᤧᤃᤧᤛᤢᤀᤠᤱᤅᤧ ᤔᤧᤓ᤺ᤰᤂᤢᤖ॥” 57 ᤗᤧᤒᤡ᤺ᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤁᤢᤀᤡᤛᤡᤰ ᤔᤧᤏᤡᤖᤢᤛᤡᤒᤠ ᤗᤧᤒᤡᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ— ᤃᤣᤷᤛᤥᤏᤗᤠᤶ ᤃᤣᤷᤛᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤁᤜᤠᤋᤗᤠᤶ ᤁᤜᤠᤋᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤔᤖᤠᤖᤡᤗᤠᤶ ᤔᤖᤠᤖᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧ॥ 58 ᤗᤧᤒᤡᤖᤧ ᤁᤢᤎᤠ᤺ᤰᤁᤥᤒᤠ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ॥ ᤗᤡᤒ᤻ᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤜᤣᤒᤪᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤔᤜᤗᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤔᤢᤛᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. ᤁᤥᤖᤜᤡᤜᤠ᤹ᤖᤧ ᤂᤢᤴᤇᤡ᤹ ᤔᤢ᤹ᤀᤡᤍᤠᤱᤛᤠ. (ᤁᤜᤠᤋᤧᤴ ᤀᤔᤪᤠᤔᤖᤧ ᤁᤢᤎᤠ᤺ᤰᤌᤧᤒᤠ ᤘᤕᤧ॥ 59 ᤀᤔᤪᤠᤔᤖᤧ ᤁᤢᤔᤣ᤺ᤳᤋᤧᤸᤗᤧ ᤁᤢᤔᤡᤱ ᤕᤥᤁᤣᤒᤣᤍ ᤘᤕᤧ॥ ᤂᤧᤴ ᤗᤧᤒᤡᤖᤧ ᤁᤢᤎᤠ᤺ᤰᤗᤠᤶ ᤔᤡᤛᤪ ᤗᤠᤈᤣ᤹ᤀᤥ ᤛᤠᤃᤧᤘᤠ᤺ᤴᤇᤡᤱᤔᤠ ᤔᤧᤴᤇᤢᤔᤠᤛᤠ ᤘᤕᤧ॥ ᤂᤧᤸᤗᤧ ᤀᤔᤪᤠᤔᤗᤠᤶ. ᤜᤠᤖᤢᤏ. ᤔᤥᤛᤠᤴ ᤏᤢ ᤂᤢᤴᤇᤡ᤹ ᤏᤧ᤹ ᤔᤡᤖᤡᤕᤶᤔᤡᤴ ᤛᤠ ᤁᤳᤋᤢᤛᤡ॥ 60 ᤏᤠᤍᤠᤒ. ᤀᤒᤡᤜᤢ. ᤀᤣᤗᤠᤈᤠᤖ ᤏᤢ ᤀᤡᤋᤠᤔᤠᤖᤧᤴ ᤜᤠᤖᤢᤏᤗᤠᤶ ᤛᤠᤃᤧᤘᤠ᤺ᤴᤇᤡᤱᤒᤠᤛᤡᤖᤥ॥ 61 ᤁᤖ ᤏᤠᤍᤠᤒ ᤏᤢ ᤀᤒᤡᤜᤢᤴ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤍᤃᤡ ᤘᤣ᤹ᤛᤔᤠ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ ᤋᤥ᤺ᤴᤍᤧᤛᤢᤸᤗᤧ ᤂᤢᤴᤇᤡ᤹ ᤛᤩᤧᤛᤡ॥) 62 ᤗᤳᤇᤠ ᤗᤠ ᤁᤧᤃᤧᤵᤐᤠ ᤏᤢ ᤂᤧᤴᤏᤢ᤺ᤸᤗᤧ ᤌᤥᤎᤥᤰᤐᤠ ᤗᤧᤒᤡ ᤕᤧᤶᤒᤡᤳᤇᤠᤜᤠ᤹ ᥈᥉.᥆᥆᥆ ᤂᤠᤏᤡ᤺ᤳ ᤔᤧᤘᤕᤧ॥ ᤂᤧᤱᤜᤠ᤹ ᤘᤣ᤹ ᤀᤡᤛᤪᤠᤀᤡᤗᤡᤜᤠ᤹ᤏᤢ ᤛᤥᤖᤡᤰ ᤔᤧᤴᤏᤡ᤺ᤳᤇᤣ ᤔᤧᤘᤕᤧ. ᤌᤣᤀᤠᤱᤓᤧᤸᤗᤧ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥ ᤂᤧᤱᤜᤠ᤹ ᤌᤧᤔᤠᤀᤠᤱ ᤗᤰᤂᤥᤔᤠ ᤗᤰ ᤁᤢᤛᤡᤱᤒᤠ ᤗᤠᤈᤣ᤹ ᤔᤧᤶᤒᤡᤛᤣ ᤔᤧᤘᤕᤧ॥ 63 ᤔᤥᤛᤠ ᤏᤢ ᤏᤡᤱᤘᤠ᤹ᤑᤢᤛᤠᤶᤒᤠ ᤀᤣᤗᤠᤈᤠᤖᤖᤧ ᤏᤡᤖᤧᤛᤢᤛᤡᤒᤠ ᤁᤧᤖᤧᤰ ᤁᤴᤜᤠ᤹ᤀᤣ ᤔᤧᤘᤕᤧ॥ ᤂᤢᤴᤇᤡ᤹ ᤀᤡᤛᤪᤠᤀᤡᤗᤡᤜᤠ᤹ ᤕᤖᤡᤜᤥ ᤁᤢᤍᤥ᤺ᤵᤔᤠ ᤏᤠᤱᤃᤧᤴ ᤐᤡᤛᤠᤱ ᤕᤷᤍᤏ ᤘᤜ᤺ᤱᤅᤡᤸᤗᤧ ᤁᤢᤕᤠᤀᤥ ᤔᤥᤀᤠᤒᤒᤠ ᤏᤧᤏᤧᤒᤠᤍᤧᤴᤏᤥ ᤏᤡᤖᤧᤛᤢᤛᤡᤀᤠᤱ ᤘᤕᤧ॥ 64 ᤁᤖ ᤁᤴ ᤁᤧᤘᤠ᤹ᤒᤠᤜᤠ᤹ᤀᤥ ᤔᤥᤛᤠᤴ ᤏᤢ ᤏᤡᤱᤘᤠ᤹ᤑᤢᤛᤠᤶᤒᤠ ᤜᤠᤖᤢᤏᤖᤧ ᤛᤡᤏᤤᤒᤠ ᤔᤢᤖᤧᤰ ᤂᤠᤖᤧᤰ ᤌᤣᤀᤠᤱ ᤁᤧᤜᤥᤵᤐᤠᤍᤧᤴᤏᤥ ᤏᤡᤖᤧᤛᤢᤛᤡᤒᤠ ᤀᤡᤛᤪᤠᤀᤡᤗᤡᤜᤠ᤹ᤀᤥ ᤗᤳᤇᤠᤀᤠᤱ ᤔᤧᤜᤥ᤺ᤵᤋᤧ. 65 ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤘᤕᤧ. “ᤂᤧᤱᤜᤠ᤹ ᤔᤢᤖᤧ᤺ᤰ ᤂᤖᤧ᤺ᤰ ᤌᤣᤀᤠᤱ ᤁᤧᤜᤥ᤺ᤵᤐᤠᤍᤧᤴᤏᤥᤀᤣ ᤔᤧᤛᤡ ᤔᤧᤕᤠ᤺ᤰ॥” ᤕᤐᤢᤴᤏᤣᤖᤧ ᤁᤢᤛ᤻ᤛᤠ ᤁᤠᤗᤣᤒ ᤏᤢ ᤏᤢᤏᤖᤧ ᤁᤢᤛ᤻ᤛᤠ ᤕᤜᤥᤛᤢᤴ ᤗᤰ ᤘᤕᤧᤛᤡ ᤘᤣ᤹ ᤀᤠᤳᤋᤡᤴ ᤔᤏᤠᤜᤠ᤹ᤀᤠᤱ ᤔᤧᤜᤥ᤺ᤵᤋᤧᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.