ᤂᤠᤏᤡ᤺ᤳ 1 - LIFOTNTᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤴᤇᤡ᤹ ᤌᤡᤰᤛᤡᤃᤣᤰᤐᤠ ᤕᤠᤶᤏᤠ᤺ᤳᤏᤡ᤺ᤳ 1 ᤀᤡᤛᤪᤠᤀᤡᤗᤡᤜᤠ᤹ ᤔᤡᤛᤪ ᤗᤠᤈᤣ᤹ᤗᤠᤶ ᤔᤧᤓᤧᤖᤧᤒᤠ ᤏᤡᤛᤡᤃᤣᤰᤐᤠ ᤋᤱᤒᤣᤀᤥᤒᤠ ᤏᤡᤛᤡᤃᤣᤰᤐᤠ ᤗᤠ᤺ᤸᤗᤧ ᤌᤡᤰᤛᤡᤃᤣᤰᤐᤠ ᤕᤧᤴᤏᤥ ᤛᤡᤏᤤᤒᤠ ᤔᤢᤖᤧᤰ ᤂᤠᤖᤧᤰ ᤌᤣᤀᤠᤱ ᤁᤧᤜᤥ᤺ᤵᤐᤠᤍᤧᤴᤏᤥᤒᤠ ᤋᤢᤶᤔᤠᤍᤧᤴ ᤛᤠ᤺ᤱᤃᤠᤜᤡᤶᤔᤥ ᤕᤜᤘᤣ ᤍᤠᤱᤒᤧᤴ ᤔᤥᤛᤠ᤺ᤴᤏᤢ ᤐᤠᤖᤧ॥ 2 ᤂᤢᤏᤧ᤹ ᤔᤧᤳᤋᤢ. “ᤁᤧᤖᤧᤰ ᤀᤡᤛᤪᤠᤀᤡᤗᤡ ᤛᤱᤈᤢᤶᤓᤥᤀᤥ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤏᤡ᤹ ᤕᤠᤶᤏᤠ᤺ᤳᤏᤡ᤺ᤳᤋᤧᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤗᤳᤌᤡᤰᤁᤠᤱ ᤔᤣ᤺ᤴᤏᤣ ᤁᤧᤖᤧᤰᤗᤧ ᤂᤢᤴᤇᤡ᤹ ᤔᤡᤱ ᤛᤠᤵᤋᤧ᤹॥ 3 ᤀᤡᤛᤪᤠᤀᤡᤗᤀᤥ ᤏᤡᤒᤥᤱ ᤋᤱᤒᤣ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤌᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ ᤜᤠᤖᤢᤏᤧᤴ ᤏᤢ ᤂᤧᤏᤧ᤹ ᤁᤢᤗᤢᤵ ᤁᤢᤗᤢᤵ ᤆᤥᤃᤧ᤹ᤛᤧ᤹ᤀᤠᤱ ᤏᤡᤖᤧᤛᤧ᤹॥ 4 ᤁᤧᤖᤧᤰ ᤌᤠ᤺ᤰᤗᤠᤶᤒᤠ ᤗᤳᤇᤠ ᤗᤳᤇᤠ ᤔᤏᤠ. ᤁᤧᤖᤧᤰᤗᤧ ᤀᤠᤒᤠᤅᤣ ᤂᤢᤴᤇᤡ᤹ ᤜᤡᤶᤛᤕᤱᤒᤠ ᤗᤠᤶᤗᤥᤒᤧᤸᤗᤧ ᤂᤧᤏᤡ᤹ ᤁᤧᤓᤠ᤹ᤖᤡᤖ॥ 5 ᤂᤧᤏᤡ᤹ ᤑᤠ᤹ᤒᤠᤱᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤜᤠ᤹ ᤜᤠᤒᤠ ᤁᤴᤜᤠ᤹ᤀᤣᤖᤥ— “ᤖᤢᤒᤣᤏᤖᤧ ᤁᤢᤎᤠ᤺ᤰᤗᤠᤶ ᤛᤍᤣᤀᤢᤖᤖᤧ ᤁᤢᤛ᤻ᤛᤠ ᤀᤣᤗᤡᤛᤢᤖ. 6 ᤛᤡᤔᤡᤕᤥᤏᤖᤧ ᤁᤢᤎᤠ᤺ᤰᤗᤠᤶ ᤛᤢᤖᤡᤛᤍ᤻ᤍᤤᤖᤧ ᤁᤢᤛ᤻ᤛᤠ ᤛᤗᤢᤔᤡᤀᤣᤗ॥ 7 ᤕᤜᤢᤍᤠᤖᤧ ᤁᤢᤎᤠ᤺ᤰᤗᤠᤶ ᤀᤶᤔᤡᤏᤠᤍᤠᤒᤖᤧ ᤁᤢᤛ᤻ᤛᤠ ᤏᤜᤛᤥᤏ. 8 ᤀᤡᤛ᤻ᤛᤠᤂᤠᤖᤖᤧ ᤁᤢᤎᤠ᤺ᤰᤗᤠᤶ ᤛᤢᤀᤠᤖᤖᤧ ᤁᤢᤛ᤻ᤛᤠ ᤏᤋᤏᤣᤗ. 9 ᤈᤒᤗᤢᤏᤖᤧ ᤁᤢᤎᤠ᤺ᤰᤗᤠᤶ ᤜᤣᤗᤥᤏᤖᤧ ᤁᤢᤛ᤻ᤛᤠ ᤀᤣᤗᤡᤀᤠᤒ. 10 ᤕᤢᤛᤢᤑᤖᤧ ᤁᤢᤛ᤻ᤛᤠᤜᤠ᤹ᤗᤠᤶ— ᤀᤡᤑᤪᤠᤀᤡᤔᤖᤧ ᤁᤢᤎᤠ᤺ᤰᤗᤠᤶ ᤀᤶᤔᤡᤜᤢᤍᤖᤧ ᤁᤢᤛ᤻ᤛᤠ ᤀᤣᤗᤡᤛᤠᤔᤠ. ᤔᤏᤛ᤻ᤛᤣᤖᤧ ᤁᤢᤎᤠ᤺ᤰᤗᤠᤶ ᤐᤍᤠᤛᤢᤖᤖᤧ ᤁᤢᤛ᤻ᤛᤠ ᤃᤔᤗᤡᤀᤣᤗ. 11 ᤒᤣᤏᤩᤠᤔᤡᤏᤖᤧ ᤁᤢᤎᤠ᤺ᤰᤗᤠᤶ ᤃᤡᤍᤣᤀᤥᤏᤡᤖᤧ ᤁᤢᤛ᤻ᤛᤠ ᤀᤒᤡᤍᤠᤏ. 12 ᤍᤠᤏᤖᤧ ᤁᤢᤎᤠ᤺ᤰᤗᤠᤶ ᤀᤶᤔᤡᤛᤍ᤻ᤍᤤᤖᤧ ᤁᤢᤛ᤻ᤛᤠ ᤀᤜᤡᤀᤣᤈᤣᤖ. 13 ᤀᤠᤛᤣᤖᤖᤧ ᤁᤢᤎᤠ᤺ᤰᤗᤠᤶ ᤀᤥᤁᤪᤠᤏᤖᤧ ᤁᤢᤛ᤻ᤛᤠ ᤐᤃᤡᤀᤣᤗ. 14 ᤃᤠᤍᤖᤧ ᤁᤢᤎᤠ᤺ᤰᤗᤠᤶ ᤍᤢᤀᤣᤗᤖᤧ ᤁᤢᤛ᤻ᤛᤠ ᤀᤣᤗᤩᤠᤛᤠᤐ. 15 ᤏᤵᤋᤠᤗᤡᤖᤧ ᤁᤢᤎᤠ᤺ᤰᤗᤠᤶ ᤀᤣᤏᤠᤏᤖᤧ ᤁᤢᤛ᤻ᤛᤠ ᤀᤜᤡᤖ॥” 16 ᤀᤡᤛᤪᤠᤀᤡᤗᤡ ᤛᤱᤈᤢᤶᤓᤥᤗᤠᤶ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤐᤠᤎᤠ᤺ᤰ ᤗᤠᤶᤒᤠᤒᤠ ᤗᤠᤶᤗᤥᤒᤠᤜᤠ᤹ ᤁᤴᤜᤠ᤹ᤀᤣ ᤔᤧᤘᤕᤧ॥ 17 ᤁᤴ ᤌᤠ᤺ᤱ ᤂᤢᤴᤇᤡ᤹ ᤔᤡᤱ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤔᤏᤠᤜᤠ᤹ ᤔᤥᤛᤠᤴ ᤏᤢ ᤜᤠᤖᤢᤏᤧᤸᤗᤧ ᤕᤠᤱᤏᤧᤛᤡ. 18 ᤜᤧᤰᤁᤩᤠᤱ ᤏᤡᤛᤡᤃᤣᤰᤐᤠ ᤗᤠ᤺ᤸᤗᤧ ᤌᤡᤰᤛᤡᤃᤣᤰᤐᤠ ᤕᤧᤴᤏᤥ ᤁᤧᤖᤧᤰ ᤛᤱᤈᤢᤶᤓᤥ᤺ᤴ ᤂᤧᤱᤜᤠ᤹ᤖᤧ ᤛᤥᤖᤡᤰ ᤔᤧᤓᤢᤰᤂᤢᤛᤡ॥ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤌᤠ᤺ᤰᤌᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱᤜᤠ᤹ ᤔᤧᤍᤥᤴᤍᤢᤛᤡ. ᤜᤧᤰᤁᤩᤠᤱ ᤏᤡᤒᤥᤱ ᤋᤱᤒᤣ ᤁᤧᤃᤧᤵᤐᤠ ᤏᤢ ᤂᤧᤴᤏᤢ᤺ᤸᤗᤧᤀᤠᤱ ᤌᤥᤒᤠ ᤁᤧᤖᤧᤰᤗᤧ ᤂᤢᤴᤇᤡ᤹ ᤔᤡᤱᤜᤠ᤹ ᤔᤧᤛᤠᤵᤋᤢ॥ 19 ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤀᤡᤱᤈᤠᤱ ᤐᤡᤖᤢᤛᤡᤒᤠ ᤁᤢᤀᤡᤛᤡᤰ ᤔᤥᤛᤠ᤺ᤸᤗᤧ ᤛᤡᤏᤤᤒᤠ ᤔᤢᤖᤧᤰ ᤂᤠᤖᤧᤰ ᤌᤣᤀᤠᤱ ᤁᤧᤜᤥᤵᤐᤠᤍᤧᤴᤏᤥ ᤂᤧᤱᤜᤠ᤹ ᤏᤡᤖᤢᤛᤡ॥ 20 ᤀᤡᤛᤪᤠᤀᤡᤗᤖᤧ ᤁᤢᤛ᤻ᤛᤠ ᤋᤢᤶᤒᤠ ᤖᤢᤒᤣᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤏᤡᤒᤥᤱ ᤁᤧᤃᤧᤵᤐᤠ ᤏᤢ ᤂᤧᤴᤏᤢ᤺ᤸᤗᤧᤀᤠᤱ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 21 ᤁᤢᤒᤧᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤂᤢᤴᤇᤡ᤹ ᤂᤠᤏᤡ᤺ᤳᤋᤡᤴ ᥊᥌. ᥋᥆᥆ ᤔᤧᤘᤕᤧ॥ 22 ᤛᤡᤔᤡᤕᤥᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤏᤡᤒᤥᤱ ᤋᤱᤒᤣ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 23 ᤛᤡᤔᤡᤕᤥᤏᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤂᤠᤏᤡ᤺ᤳᤋᤡᤴ ᥋᥏.᥉᥆᥆ ᤔᤧᤘᤕᤧ॥ 24 ᤃᤠᤍᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤋᤱᤒᤣ ᤏᤡᤒᤥᤱ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 25 ᤃᤠᤍᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤂᤠᤏᤡ᤺ᤳᤋᤡᤴ ᥊᥋. ᥌᥋᥆ ᤔᤧᤘᤕᤧ॥ 26 ᤕᤜᤢᤍᤠᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤏᤡᤒᤥᤱ ᤋᤱᤒᤣ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 27 ᤕᤜᤢᤍᤠᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤂᤠᤏᤡ᤺ᤳᤋᤡᤴ ᥍᥊. ᥌᥆᥆ ᤔᤧᤘᤕᤧ॥ 28 ᤀᤡᤛ᤻ᤛᤠᤂᤠᤖᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤏᤡᤒᤥᤱ ᤋᤱᤒᤣ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 29 ᤀᤡᤛ᤻ᤛᤠᤂᤠᤖᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤂᤠᤏᤡ᤺ᤳᤋᤡᤴ ᥋᥊. ᥊᥆᥆ ᤔᤧᤘᤕᤧ॥ 30 ᤈᤒᤗᤢᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤏᤡᤒᤥᤱ ᤋᤱᤒᤣ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 31 ᤈᤒᤗᤢᤏᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤂᤠᤏᤡ᤺ᤳᤋᤡᤴ ᥋᥍.᥊᥆᥆ ᤔᤧᤘᤕᤧ॥ 32 ᤕᤢᤛᤢᤑᤖᤧ ᤁᤢᤛ᤻ᤛᤠᤜᤠ᤹ᤗᤠᤶ— ᤀᤣᤑᤪᤠᤀᤡᤔᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤋᤱᤒᤣ ᤏᤡᤒᤥᤱ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 33 ᤀᤡᤑᤪᤠᤀᤡᤔᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤂᤠᤏᤡ᤺ᤳᤋᤡᤴ ᥊᥆.᥋᥆᥆ ᤔᤧᤘᤕᤧ॥ 34 ᤔᤏᤛ᤻ᤛᤣᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤏᤡᤒᤥᤱ ᤋᤱᤒᤣ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤶᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 35 ᤔᤏᤛ᤻ᤛᤣᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤂᤠᤏᤡ᤺ᤳᤋᤡᤴ ᥉᥈. ᥈᥆᥆ ᤔᤧᤘᤕᤧ॥ 36 ᤒᤣᤏᤩᤠᤔᤡᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤏᤡᤒᤥᤱ ᤋᤱᤒᤣ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 37 ᤒᤡᤏᤩᤠᤔᤡᤏᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤂᤠᤏᤡ᤺ᤳᤋᤡᤴ ᥉᥋. ᥊᥆᥆ ᤔᤧᤘᤕᤧ॥ 38 ᤍᤠᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤏᤡᤒᤥᤱ ᤋᤱᤒᤣ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 39 ᤍᤠᤏᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤂᤠᤏᤡ᤺ᤳᤋᤡᤴ ᥌᥈. ᥍᥆᥆ ᤔᤧᤘᤕᤧ॥ 40 ᤀᤠᤛᤣᤖᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤏᤡᤒᤥᤱ ᤋᤱᤒᤣ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 41 ᤀᤠᤛᤣᤖᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤂᤠᤏᤡ᤺ᤳᤋᤡᤴ ᥊᥇. ᥋᥆᥆ ᤔᤧᤘᤕᤧ॥ 42 ᤏᤵᤋᤠᤗᤡᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶ— ᤏᤡᤒᤥᤱ ᤋᤱᤒᤣ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱᤅᤡᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰ ᤏᤢ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤛᤠᤵᤋᤢ॥ 43 ᤏᤵᤋᤠᤗᤡᤖᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶᤒᤠᤒᤠ ᤂᤠᤏᤡ᤺ᤳᤋᤡᤴ ᥋᥉. ᥊᥆᥆ ᤔᤧᤘᤕᤧ॥ 44 ᤀᤠᤵᤑᤣᤰ ᤀᤠᤵᤑᤣᤰ ᤌᤠ᤺ᤰᤁᤥᤒᤠ ᤀᤡᤛᤪᤠᤀᤡᤗᤒᤠ ᤌᤡᤒᤥᤱᤅᤠᤱ ᤏᤧᤳᤇᤡ ᤌᤠ᤺ᤰᤗᤠᤶᤗᤥᤒᤠᤜᤠ᤹ ᤜᤧᤰᤁᤩᤠᤱ ᤔᤥᤛᤠᤴ ᤏᤢ ᤜᤠᤖᤢᤏᤧᤸᤗᤧ ᤏᤡᤖᤧᤛᤢᤒᤠ ᤂᤰᤐᤧᤳ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤂᤠᤏᤡ᤺ᤳᤋᤡᤴ ᤜᤠᤒᤠ ᤁᤴᤜᤠ᤹ᤀᤣ ᤔᤧᤘᤕᤧᤖᤥ॥ 45 ᤏᤡᤒᤥᤱ ᤋᤱᤒᤣ ᤏᤢ ᤂᤧᤴᤏᤢ᤺ᤸᤗᤧ ᤌᤥᤒᤠ ᤋᤧᤴᤎᤱᤅᤥ ᤐᤣ᤺ᤰᤔᤠ ᤁᤧᤛᤢᤰᤐᤠ ᤁᤧᤖᤧᤰ ᤕᤧᤶᤒᤡᤳᤇᤠᤜᤠ᤹ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤜᤡᤶᤛᤕᤱ ᤁᤢᤀᤡᤛᤡᤰ ᤔᤧᤏᤡᤖᤢᤛᤡ॥ 46 ᤂᤧᤱᤜᤠ᤹ᤖᤧ ᤂᤢᤏᤡ᤹ ᤂᤠᤏᤡ᤺ᤳᤋᤡᤴ ᤁᤧᤖᤧᤰᤗᤧ ᥌.᥆᥉.᥋᥋᥆ ᤔᤧᤘᤕᤧ॥ 47 ᤗᤧᤒᤡᤖᤧ ᤁᤢᤎᤠ᤺ᤰᤁᤡᤴ ᤘᤣ᤹ᤜᤠ᤹ᤏᤢ ᤔᤧᤴᤏᤡᤖᤢᤛᤡᤴ॥ 48 ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢᤀᤠᤱ ᤘᤕᤧ. 49 “ᤗᤧᤒᤡᤖᤧ ᤁᤢᤎᤠ᤺ᤰᤁᤡᤴ ᤔᤧᤏᤡᤖᤧᤴᤏᤧ᤹. ᤜᤧᤰᤁᤩᤠᤱ ᤀᤡᤛᤪᤠᤀᤡᤗᤡᤜᤠ᤹ᤏᤢ ᤛᤥᤛᤥᤖᤡᤰ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤂᤠᤏᤡ᤺ᤳ ᤔᤧᤈᤥᤃᤧᤴᤏᤧ᤹॥ 50 ᤁᤖ ᤂᤧᤏᤧ᤹ ᤗᤧᤒᤡᤜᤠ᤹ ᤔᤠᤱᤜᤢᤵ ᤛᤠᤵᤗᤢᤱ ᤁᤧᤕᤠᤰᤐᤠ ᤛᤴᤍᤥᤰ ᤁᤧᤕᤢᤱᤒᤠ ᤛᤠ᤺ᤱᤃᤠᤜᤡᤶᤔᤥ ᤏᤢ ᤂᤧᤵᤔᤥᤒᤠ ᤁᤧᤖᤧᤰ ᤛᤠᤔᤠ ᤆᤡᤃᤰᤘᤠ ᤀᤥᤔᤧᤵᤔᤠ ᤕᤠ᤺ᤶᤒᤰᤁᤥ ᤔᤢᤖᤠᤔᤧᤳᤋᤧᤛᤧ᤹॥ ᤛᤠ᤺ᤱᤃᤠᤜᤡᤶᤔᤡᤴ ᤂᤧᤵᤔᤥᤒᤠ ᤁᤧᤖᤧᤰ ᤛᤠᤔᤠ ᤆᤡᤃᤰᤘᤠᤜᤠ᤹ᤀᤠᤱ ᤂᤧᤱᤜᤠ᤹ᤖᤧᤀᤣ ᤔᤧᤒᤰᤂᤢᤖ॥ ᤂᤧᤱᤜᤠ᤹ᤖᤧ ᤂᤧᤴ ᤛᤠᤔᤠ ᤆᤡᤃᤰᤘᤠᤜᤠ᤹ ᤀᤥᤔᤧᤔᤧᤳᤋᤢᤖ॥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤂᤡᤱᤔᤏᤠᤒᤠ ᤛᤠ᤺ᤱᤃᤠᤜᤡᤶᤜᤠ᤹ ᤂᤧᤴ ᤛᤠ᤺ᤱᤃᤠᤜᤡᤶᤔᤡᤸᤗᤧᤀᤣ ᤁᤒᤪᤡᤱ ᤐᤡᤛᤠᤱ ᤔᤧᤈᤥᤃᤢᤖ॥ 51 ᤛᤠ᤺ᤱᤃᤠᤜᤡᤶᤔᤡᤴ ᤋᤃᤡ ᤔᤧᤍᤣ᤹ᤖᤢᤸᤗᤧ ᤗᤧᤒᤡᤜᤠ᤹ᤖᤧ ᤂᤧᤴ ᤔᤧᤀᤠ᤺ᤰᤂᤢᤖ. ᤜᤧᤰᤁᤩᤠᤱ ᤛᤠ᤺ᤱᤃᤠᤜᤡᤶ ᤑᤥᤱᤔᤠ ᤕᤧᤶᤔᤥ ᤗᤧᤒᤡᤜᤠ᤹ᤖᤧᤀᤣ ᤂᤧᤴ ᤔᤧᤓᤥ᤺ᤰᤂᤢᤖ॥ ᤛᤠ᤺ᤱᤃᤠᤜᤡᤶ ᤐᤡᤛᤠᤱ ᤁᤧᤍᤠᤒᤠ ᤗᤧᤒᤡᤜᤠ᤹ᤏᤢ᤺ᤸᤗᤧ ᤀᤣᤕᤠᤱᤒᤠ ᤔᤏᤠᤴ ᤛᤧᤖᤧᤶᤔᤧ᤹॥ 52 ᤀᤡᤛᤪᤠᤀᤡᤗᤡᤜᤠ᤹ᤖᤧ ᤀᤠᤵᤑᤣᤰ ᤀᤠᤵᤑᤣᤰ ᤂᤢᤴᤇᤡ᤹ ᤔᤏᤠᤛᤢᤶᤔᤥᤒᤠ ᤏᤢ ᤂᤢᤴᤇᤡ᤹ ᤀᤠᤒᤠᤅᤣ ᤏᤡᤛᤠ᤺ᤸᤗᤧ ᤁᤢᤕᤠ ᤁᤢᤕᤠ ᤂᤢᤴᤇᤡ᤹ ᤂᤡᤱᤔᤏᤠᤒᤠ ᤛᤠ᤺ᤱᤃᤠᤜᤡᤶ ᤔᤧᤈᤥᤃᤢᤖ॥ 53 ᤁᤖ ᤗᤧᤒᤡᤜᤠ᤹ᤖᤧ ᤔᤠᤱᤜᤢᤵ ᤛᤠᤵᤗᤢᤱ ᤁᤧᤕᤠᤰᤐᤠ ᤛᤴᤍᤥᤰ ᤁᤧᤕᤢᤱᤒᤠ ᤛᤠ᤺ᤱᤃᤠᤜᤡᤶ ᤁᤒᤪᤡᤱ ᤐᤡᤛᤠᤱ ᤔᤠᤱᤜᤢᤵ ᤛᤠᤵᤗᤢᤱ ᤁᤧᤕᤠᤰᤐᤠ ᤛᤴᤍᤥᤰ ᤁᤧᤕᤢᤱᤒᤠ ᤛᤠ᤺ᤱᤃᤠᤜᤡᤶ ᤂᤢᤴᤇᤡ᤹ ᤂᤡᤱᤔᤏᤠᤒᤠ ᤔᤧᤈᤥᤃᤢᤖ. ᤜᤧᤰᤁᤣᤗ᤹ᤖᤡᤰ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤴᤇᤡ᤹ ᤛᤱᤈᤢᤶᤓᤥ ᤛᤶᤎᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤛᤠᤰᤁᤧᤴᤏᤡᤴ ᤔᤧᤎᤠᤏᤧᤴᤗ॥ ᤗᤧᤒᤡᤜᤠ᤹ᤖᤧᤀᤣ ᤋᤥ᤺ᤴᤍᤡ ᤐᤡᤔᤠ ᤛᤠ᤺ᤱᤃᤠᤜᤡᤶᤔᤡᤴ ᤁᤥᤔᤠ ᤀᤥᤔᤧᤵᤔᤠ ᤕᤠ᤺ᤶᤒᤰ ᤔᤧᤈᤥᤃᤢᤖ॥” 54 ᤂᤧᤸᤗᤧᤆᤥᤃᤢᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤐᤡᤖᤢᤒᤠ ᤁᤧᤖᤧᤰ ᤀᤡᤱᤈᤠᤱᤜᤠ᤹ ᤁᤢᤀᤡᤛᤡ᤺ᤰᤁᤣ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤔᤧᤈᤥᤃᤢᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.