ᤕᤷᤔᤡᤕᤠ 45 - LIFOTNT

ᤒᤠᤖᤢᤁᤖᤧ ᤁᤢᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤢᤵ ᤆᤥᤃᤢ

¹ ᤕᤥᤛᤡᤕᤠᤜᤖᤧ ᤁᤢᤛ᤻ᤛᤠ ᤕᤜᤥᤕᤠᤁᤡᤔᤧᤴ ᤕᤜᤢᤍᤠᤒᤠ ᤜᤠᤱ ᤐᤥ᤺ᤰᤂᤧᤒᤠ ᤋᤱᤒᤣ ᤗᤡᤛᤡᤀᤥ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤠ ᤕᤷᤔᤡᤕᤠ᤺ᤸᤗᤧ ᤏᤣᤖᤡᤕᤠᤜᤖᤧ ᤁᤢᤛ᤻ᤛᤠ ᤒᤠᤖᤢᤁᤧᤴ ᤗᤳᤇᤠ ᤀᤡᤱᤄᤱ ᤔᤧᤳᤋᤢ. ᤂᤧᤴ ᤀᤣᤃᤠᤱ ᤕᤷᤔᤡᤕᤠ᤺ᤸᤗᤧ ᤛᤠᤵᤐᤠᤱᤄᤢᤱᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤒᤠᤖᤢᤁᤧᤸᤗᤧ ᤗᤳᤇᤠ ᤁᤡᤵᤔᤏᤠᤒᤠ ᤛᤠᤵᤗᤠᤌ᤺ᤱᤔᤥ ᤛᤠᤵᤋᤢ॥ ᤂᤢᤏᤧ᤹ ᤔᤧᤳᤋᤢ.

² “ᤒᤠᤖᤢᤰᤁᤣ. ᤕᤜᤘᤣ ᤍᤠᤱᤒᤠ ᤀᤡᤛᤪᤠᤀᤡᤗᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤏᤧ᤹ ᤀᤰᤂᤣ ᤁᤧᤔᤧᤳᤗᤥ—

³ ᤂᤧᤏᤧ᤹ ᤀᤰᤂᤣ ᤁᤧᤒᤠ᤺ᤳᤋᤢᤀᤠᤱ ᤘᤠ᤹. ‘ᤋᤢᤰᤂᤣ᤺ᤸᤗᤧ ᤀᤠᤱᤃᤠ᤹ ᤀᤠᤛᤰᤔᤠ ᤐᤢ᤹ᤖᤧᤀᤠᤱ ᤘᤠ᤹ᤀᤠ᥄ ᤌᤣ ᤀᤠᤱᤃᤠ᤹ ᤋᤢᤰᤂᤣ᤺ᤸᤗᤧ ᤋᤃᤡᤀᤣ ᤀᤠᤕᤠᤶ ᤔᤧᤍᤢᤃᤧᤴᤏᤠᤱ ᤔᤧᤘᤏᤧᤶᤒᤡ᥅ ᤜᤧᤰᤁᤩᤠᤱ ᤀᤠᤸᤗᤥ ᤕᤜᤘᤣ ᤍᤠᤱᤒᤧᤸᤗᤧ ᤕᤠᤶᤔᤥ ᤕᤖᤡᤰ ᤕᤥ᤹ᤖᤠᤱ ᤐᤡᤖᤠᤱᤅᤠᤱ ᤘᤠ᤹᥄ ᤀᤠᤱᤃᤠ᤹ ᤛᤰᤔᤠ ᤐᤢ᤹ᤔᤠᤖᤧ ᤏᤠᤛᤠᤱᤅᤠᤱ ᤘᤠ᤹ᤀᤠ ᤂᤧᤒᤩᤠᤱ ᤏᤠ᤺ᤶᤛᤡᤱᤔᤠᤍᤧᤴ ᤂᤥᤔᤠ ᤔᤧᤛᤢᤰᤁᤠᤴ᥄’

⁴ “ᤒᤠᤖᤢᤰᤁᤣ. ᤕᤜᤘᤣ ᤍᤠᤱᤒᤧᤸᤗᤧ ᤀᤰᤂᤣ ᤐᤠ᤺ᤳᤋᤢ᤹. ‘ᤀᤠᤱᤃᤠ᤹ ᤆᤥᤃᤢᤱᤒᤠ ᤁᤴ ᤛᤢᤘᤠᤱᤅᤡᤴ ᤑᤧᤳᤗᤠ᤺ᤴᤍᤢᤱ᤹॥ ᤀᤠᤱᤃᤠ᤹ ᤗᤣ᤺ᤳᤋᤢᤱᤒᤠᤴ ᤜᤠ᤹ᤕᤠᤰ ᤀᤠ᤺ᤰᤂᤢᤱᤍᤣᤛᤢᤱ᤹. ᤁᤱᤃ ᤗᤠᤈᤣ᤹ ᤁᤧᤖᤧᤰ ᤐᤥᤱ᤹॥

⁵ ᤌᤣ ᤂᤧᤏᤧ᤹ ᤀᤠᤒᤠᤅᤣ ᤁᤧᤗᤠᤃᤡ ᤐᤕᤶ ᤕᤶᤒᤠ ᤐᤠ᤺ᤴᤜᤠ᤹ ᤁᤧᤃᤥ᤺ᤳᤋᤢᤖ ᤁᤧᤘᤠ᤹ᤒᤡ᥅ ᤂᤧᤏᤧ᤹ ᤜᤧᤰᤁᤣ ᤔᤧᤈᤥᤃᤧᤴᤏᤧ᤹᥄ ᤀᤠᤱᤃᤠ᤹ ᤁᤧᤖᤧᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤂᤢᤏᤡ᤹ ᤛᤶᤎᤠᤱ ᤔᤧᤰᤔᤠᤛᤡᤔᤧᤴ ᤋᤠᤖᤢᤱ᤹. ᤁᤖ ᤂᤧᤏᤧ᤹ᤃ ᤀᤠᤳᤋᤠᤴ ᤁᤧᤒᤣ᤺ᤰᤛᤠᤱ ᤌᤢᤶᤄᤥ ᤁᤢᤀᤡᤛᤡᤰ ᤂᤧᤏᤧ᤹ ᤁᤧᤜᤡᤱᤗ ᤕᤠ᤺ᤴᤏᤧ᤹॥ ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤐᤠ᤺ᤳᤋᤢᤱᤅᤠᤱ ᤘᤠ᤹ᤖᤥ॥’”