निङ्वाॽफु साम्लोसुम् 129 - लिम्बुनिङ्मिहाॽ नाःम्मासि पेलि लाम्दिक् चोःक्मा साम्लो 1 इस्राइलए, खे़ने़ॽ थाङ्बे़न् के़वये़आङ्धो आल्लो थारिक् खे़ने़ॽ के़निङ्मिहाॽरे़ खे़ने़ॽ तुक्खे के़म्जाःत्ते़रो, खे़न् पाःन्निन् चे़क्खे़ पाःत्ते़ॽओ॥ 2 “आङ्गाॽ थाङ्बे़न् वयाङ्ङाङ्धोए आनिङ्मिहाॽरे़ चबे़ःत्छिक्काङ् लुङ्माॽ स्याःत् मे़ल्लॽए तुक्खे मे़जाःत्ताङ्लो, कर खे़ङ्हाॽरे़ आप्फाल्ले़आङ् आङ्गाॽ नाःम्मा मे़न्छुक्ताङ्ङिल्लो॥ 3 खे़ङ्हाॽरे़ आङ्गाॽ आएःक्थाःक्मो साॽरिक् यम्बा मे़घाःन्दाङ्लो॥ हे़क्क्याङ् आएःक्किन् कुयोःक्के कुयोक् के़गाःम्बा मे़जोगुरो॥ 4 कर यहवे दाङ्बाङ्ग साम्योबा चोक्लो, हे़क्क्याङ् आङ्गाॽ कुइगे़भे़म्बा नु योःक्लाम्बा चोःक्युम्भो पिराङ्ङाङ् वाॽरो॥” 5 सियोने़न् के़जिःप्पा के़रे़क् मनाहाॽ हारि मे़दाररो, हे़क्क्याङ् खे़ङ्हाॽ मे़घे़त्छिङ्ङाङ् मे़बेःक्लरो॥ 6 खे़ङ्हाॽग हिम् खाम्बुओ के़लिङ्बा याःन्सुङ् कुइसिक् मे़बोङ्लरो, खे़ङ्हाॽ पोमाधाङ्मानुःल्ले़ तगिए इमे़ले़म्लो॥ 7 खे़ॽयो यान् के़हे़क्पाल्ले़ हुक्पक्धिक् हे़क्मा मे़सुक्तुल्लो, हे़क्क्याङ् कक् के़घेःङ्बाल्ले़ फक्ताङ्धिक्काङ् फुङ्मा मे़सुक्तुन्लो॥ 8 खे़प्मोनु लाङ्गे़घेःक्पाआङ् के़बेःक्पा आत्तिन्हाॽरे़आङ् अक्खे मे़म्बाःत्तुल्लरो, “यहवे दाङ्बे़ल्ले़ खिनिॽ हाङ्वामुॽइ के़बिरिररो, यहवे दाङ्बे़ल्ले़ कुमिङ्ङो खिनिॽ हाङ्वामुॽइ पिआसिगे़रो॥” |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.