Mathiu 28 - Nakaran ut te Jesu Kristo 1902

¹ An le naunin nian ausim an netererwowun mahmakak le paupan le nahwakan, an Meri Makdalini neterua mene Meri pusen ker muoma tukuahm nepag kapiel.

² An ahm ru, mig ribor aken mero in ka agelo te Ieremera ratite le neai neterua neterhwinita kapiel mamowata lan.

³ An nakanemrin rolkoma nesiapumelan an nar rakava lan retuan kama sno.

⁴ An le naginan ton nerem kamamarit netakamaisiouh an marol kama nerem kenaremis.

⁵ An agelo ka neteraram menipen to beravin mll, Asuaginan kamilau, mero in ka iakhinatin moma nakamuatkoigen Iesu ierem kameruit.

⁶ In rikok, mero in ka reknermig kama in ka in rameni. Iava muahm iken Ieremera rememel iken.

⁷ An iavan hwaihwai muani to tan ieremim min muoma reknermig le neki nerem kamaremis, an ahm ru, teraupan le kamiar muna i Kalili, iken nepaihm in. Ahm ru, iakneni to kamiar.

⁸ Netakarier ihwe am le nepag kapiel le naginan mene le nagienan asul, an muaetkin muoma tukuausito in to tan ieremim min.

⁹ An ahm ru, Iesu neterail tosigin ilau, moma, Uagien! An netikiava an muehaipatin nelikin mamuohwak kam in.

¹⁰ An Iesu netereni to Ilau, Asuaginan, iavan muani to piak min muoma takaruan i Kalili an tepaihm io iken.

¹¹ An ilau netikiavan, an nevin nerem kamaihmesas lan netakaruan le nauanu, netakani to neremera le nuhwasigenan nar min kamol.

¹² An netakarhwafugen ilar min ilar nerem asul min netakamekar lan, an netakarofen asul moni kam soldier min, mama,

¹³ Ani, mama, Tan ieremim min kamarua lapin maikihla in an kamar iemamaipul.

¹⁴ An takama ieremera rero nar uk kamar tiakaikar kam in an mamarol ut to kamiar.

¹⁵ An ilar netakaros moni mamarol nar kameni to ilar. An nakaran uk kamausito in le Ju min loanian ka mene inuk towe mene.

¹⁶ An tan ieremim min katilum katilum mekarena netakaruan i Kalili le touar ka Iesu rametikun in ilar.

¹⁷ An netakaihm in netakamehwak, mero nevin netakani neiwean lan.

¹⁸ An Iesu neterua mamakar kam ilar, moma, Nesanenan min petum kamofa kam io le neai mene le ten.

¹⁹ Mero in ka aruan matikun neremim petum an marol nebaptisoan le ilar le netigen Remin mene Nerin mene Nanumun Ausim.

²⁰ Matikun ilar mama takarol naremnar min iemeni to kamiar. An ahm ru, io tiakarik to kamiar le nian min mene le nuhiefin ten.