Mark 2 - Nakaran ut te Jesu Kristo 1902

¹ An nian nevin neterua muan neterua mun Kaperneam, an kamerou moma in imwa.

² An neremim ribor kamarhwafugen, moma nihmawa remuka to ilar resolan moma le nausilua mene, an neterameni nakaran to ilar.

³ An netakaros marua ton iremim rakamis le palsi, neremim kuer karos.

⁴ An riakis to ilar moma takaros marua iwaket ton, mero in ka le nahuto, netakarpigita nar le hnage nimwa, ierem ramarik lan, netakahipu, maruatevata le nihmawa ka ierem rakamis le palsi rakamel lan.

⁵ An Iesu neterahm nuparhienan tenilar, netereni to ierem rakamis le palsi, Neruk, tehwaga tat taham kenosita.

⁶ Mero nerem kamatikun nevin kamaiwata iken, an netakani le nekin ilar.

⁷ Retol wus uk rameni mok lan? Ramaker tat kam Wuhgin. Pehe resanen to nositean tehwaga tat, mero in am karena, Wuhgin.

⁸ An ihwe am Iesu neterhinatin le nanumun moma ilar kamani mok lan le nekin ilar, netereni to ilar, Retol nakamani nar uk le nekimiar?

⁹ Irmeruk takani to ierem rakamis le palsi, Tehwaga tat taham kenosita, wa takani, Armig mosit nihmawa taham maliwak?

¹⁰ Mero moma tenakarhinatin mama Neri Ieremim ramos nesanenan le ten to nositean tehwaga tat,

¹¹ Rameni to ierem rakamis le palsi, Tiakani tonik armig mosit nihmawa taham, muan le taham nimwa.

¹² An neterermig, an ihwe am neterosit nihmawa, neterier le nemrin ilar min. An ilar muka nanumun ilar neterakamuka ton netakamani vivi Wuhgin, mamani, Iesaihman nar ker rol mok.

¹³ An neterier mun le nikali tehe; an nahuto min petum netakarua ton, an neterametikun ilar.

¹⁴ An neterakavan neterahm Livai neri Alfias ramowata le nimwa kamos atin nar iken, an netereni ton, Aroupa io. An neterermig meroupen in.

¹⁵ An neteramowata to nauganan le nimwa tahan, na nerem kamaros atin nar nevin mene nerem kamarol tehwaga tat kamaiwata ilar Iesu mene tan ieremim min, mero in ka ilar rapus, an kamairoupen in.

¹⁶ An nerem kamatikun taha Farisi min netakaihm mama in ramaugan ilar nerem kamarol tehwaga tat mene nerem kamaros atin nar, netakani to tan ieremim min, In rakamaugan mamamnum ilar nerem kamaros atin nar mene nerem kamarol tehwaga tat.

¹⁷ An Iesu netererou netereni to ilar, moma, Nerem kaisanen kasarolkeikeian iosmiuh, mero nerem kamaremis. Iemesuean moma tiakaunin neremim ut mero nerem kamarol tehwaga tat.

¹⁸ An neremim te Jon mene Farisi min kamimek. An netakarua mamani ton, Retol neremim te Jon mene neremim te Farisi min kamaimek, mero neremim taham kasaimekan?

¹⁹ An Iesu netereni to ilar, Remeruk to nerem kamaros niel to ieroe moma takaimek takama ieroe ramarik ilar min? Nian min ieroe ramarik to ilar riakis to ilar moma takaimek.

²⁰ Mero nian terepua ieroe taposita to ilar, an tepaimek le nian ka.

²¹ Ieremim ker restilpenan nowanveri nar ituga vi le niuh oas; mero takama terol, nar kamtilpen terefhapu in, ierem vi terefhapu ierem oas, an terefhapu puk aken.

²² An ieremim ker teresuipenan wain vi le nevigenar oas; mero takama terol, wain terefhapu nevigenar oas, an wain tepetaken mene nevigenar. Mero takaruipen wain vi le nevigenar vi.

²³ An nteramavan le nian ausim le neki korn, an tan ieremim min netakamahl akmakam nowa korn mamaruan.

²⁴ An Farisi min netakani ton, Ahm ru, retol kamarol le nian ausim nar resmatuan?

²⁵ An netereni to ilar, Nemesaihwinan le nawowa nar Devid ramol? Loanian remesosan nar mamemek, in mene nerem kamairoupen in?

²⁶ Mora ravan le nimwa te Wuhgin loanian ka Abaiathar reremera le nuhwasigenan, an neterkin bred te nehlauan ierem resmatuan to ieremim moma terkin, mero ilar am nerem le nuhwasigenan, an neterofen kam nerem kamairoupen in.

²⁷ An netereni to ilar, Nian ausim kamol to ieremim, an resolan moma ieremim kamol to nian ausim.

²⁸ Rol mok lan Neri Ieremim reremera mun le nian ausim.