پھیلیپیپا INTRO1 - New Testament in Ladakhi Langageفِلپّی عبادت خانہ لا حضرت پولُسی چھاگڈیسّی سکور۔ ای چھاگڈیس تانگ سنگانمے شریعت لابکھان گون گیُودتے نگاتانّگا ای چھاگڈیسپو حضرت عیسیٰ مسیح رسُول حضرت پولُسی فِلپّی عبادت خانہ لا ڈِیا زادکھانبو گیُوس چھانوگ۔ شریعتی کھاسپاگونّی، ای چھاگڈیسپو حضرت عیسیٰ سی ڈونگستے سونتیا جانگستے ستینگنے لو 28 نیکھورلا نام حضرت پولُس رومی نانّگا تانگپورانگ تسونّی نانّگا یودتوس ڈِیا زادکیاگ زیرّانوگ۔ حضرت پولُسی فِلپّی عبادت خانہ لا ای چھاگڈیس ڈیچیسّی گیونتشانگون نی۔ ٹانگپو، تے عبادت خانہ لا حضرت پولُس تسونّی نانّگا یودکھانبو گیوسیودپا، گاموےناتسُول کھیابسشوگچیسّی چھاگلاسپوا چی چھین سامتے کھونگونلا تشیرکھا یود پاسانگ، حضرت پولُسی ای چھاگڈیسپو ڈِیا زادس۔ نگوسپوبو نی کھونگ تسونّی نانّگا یودکھانّی گیونتشانبوے، گاموےناتسُول کھیابسشیسّی نانّگا روگس زادکھانبو کھونگونلا شادّا زادس۔ نیسپا، عبادت خانہے نانّگا پو مانگپو بودتے یودپین، یانگ حضرت پولُسی کھونگونلا پاسمو گیورتے چیگڈیل چھاچیسلا سپوسپا سالس۔ سومپا، اِپفردِتُسلا زُومو یودتوس یانگ گیالتے ستینگنے جونگکھان تشانگما ہاگوچوگچیس۔ جیپا، کھونگونلا ایمان چانّی یہُودی پا ٹھیمسلا ستینکھانّی لابجاگون مینیانچیسلا سپانگپودچیس۔ ثناپا، کھونگی تادپاچانگونلا نگاتانگی سنینگ تانگ سامبا گُونلا جیدے سالکھانّی خُدے دینبیکا ستینتے دوگچیسلا سپوسپا سالس۔ ڈوگپا، کھونّگا تانگکھانّی پینے روگسّی پھیا کھونگونلا شُکر جوچیس ۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation