Zekaria 2 - E’yo Siza Alatararu Munguniri BIBLIA

’Ba drole ndra ati’baru ’diyi omvezu

¹ Te ma nga ma mile enga uru, ma lu, te mi ndre, ’ba alu ovupi baka afa o’bizuri be i ma driari!

² Ma ’yo tinia, Mi mu ngoa ya? Eri nga ’yo ma tia, Yerusalemuni o’bizu, ndrezu kani walani pi oconi be ngopi yani.

³ Te mi lu, malaika te e’yo ’yopi ma beri fu ra, malaika azini fu mu dri fuzu eri be,

⁴ nga: ’yo tinia, Mi nzu ’yo karilau ’di ma tia kini, ’Ba nga ovu Yerusalemua ekile aku kali kokoruri ma aliarile, ’bani ovule alenia karakarau anyapa pierisi.

⁵ Mani ngale ovule abi i aciniriru eri ma ageia kuru, azini dizaniru eri ma aliarisi, Yehova ’yo ra.

⁶ ’Ba ’diyi la! emi apa engazu angu andraleruasi, Yehova ’yo ra; mani emi erele ’bo angu ndu ndu ma alia kite oli su ’bua ’diyilerisi, Yehova ’yo ra.

⁷ Mi Zioni la! mi pa mi, mi’i ovupi Babuloni ezopi pieri.

⁸ Te Yehova asikari ongulumuruni ’yo ’dini: Eri pe ma ti suru nde emi ezapiri vu diza isuzu; a’disiku ’ba emi elopiri elo eri ma mile efi ra.

⁹ Te mi lu, ma nga ma dri oya oya yi ma dria, te yi nga ovu afa opale ombaarile ’ba azi ngapi yi dri ’diyi dri; azini emi nga ni ani kini Yehova asikari ongulumuruni epe ma tini.

¹⁰ Mi ngo ongo, mi ovu ayikosi, mi Zioni zi la; te mi ne, ma emu, ma nga adri mi eselia, Yehova ’yo ra.

¹¹ Suru kakau nga yi eci Yehova vu o’du nde ’dasi, yi nga ovu suru mani; ma nga adri mi eselia, te mi nga ni ani kini Yehova asikari ongulumuruni epe ma ti mi vuni.

¹² Yehovani nga Yudani ’du i ma yilaru angu ala­tararu ma alia, te eri nga kiri ’ Yerusalemuni pe ra.

¹³ Emi ’ba rua be ’diyi dria, emi; adri ciri Yehova ma milia; erini engale uru angu ini alatararuri ma alia ’borisi.