Zabbuli 4 - Luganda Bible 2003

Okwesiga Mukama

¹ Ayi Katonda, ggwe onnyamba, bwe nkukoowoola onziramu. Kati nkwatirwa ekisa, owulire kye nsaba.

² Mmwe abantu mulituusa wa okumpeebuula? Mulituusa wa okwagala ebitaliimu, n'okukolera ku by'obulimba?

³ Mumanye nti Mukama abamwagala abalonze okuba ababe. Mukama bwe mmukoowoola, ampulira.

⁴ Mmwe mutye, mulekere awo okwonoona. Musiriikirire mulowooze nga mwebase mu bitanda byammwe.

⁵ Muweeyo ebitambiro ebisaanira, era mwesige Mukama.

⁶ Bangi abagamba nti: “Ani alitulaga ebirungi? Tutunuulize ekisa, ayi Mukama.”

⁷ Ompadde essanyu eritafunibwa balala mu kyengera ky'emmere n'omwenge.

⁸ Ngalamira ne neebaka mirembe, kubanga, ayi Mukama, ggwe onkuuma ne sitya.