Zabbuli 3 - Luganda Bible 2003

Okwesiga Mukama mu buzibu

¹ Ayi Mukama, abalabe bange nga beeyongedde obungi! Bangi abasituka okunnumba.

² Bangi abanjogerako nti: “Katonda taamuyambe.”

³ Naye ayi Mukama, ggwe ngabo enkuuma. Ggwe nneenyumiririzaamu, ggwe ompanirira.

⁴ Nkoowoola Mukama, n'anziramu ng'asinziira ku lusozi lwe olutukuvu.

⁵ Ngalamira ne neebaka, ne nzuukuka, kubanga Mukama ankuuma.

⁶ Sitya nkumi na nkumi z'abalabe abanneetooloola okunnumba.

⁷ Ayi Mukama, jjangu ondokole, ayi Katonda wange! Ggwe okuba abalabe bange empi ku ttama, n'omenya amannyo g'aboonoonyi.

⁸ Mukama, era ggwe olokola, n'owa abantu bo omukisa.