Buk a Muca me aŋwen ame Olwoŋo Wel 1 - BUK OBAŊA ACIL AME OLWOŊO NI BAIBUL AME OGEO LOKO I LEB LAŊO

Kwano wel jo Icrael i tim me Cinai

¹ I nino me agege me dwe me aryo, i mwaka me aryo ame jo Icrael oya kede i Miciri, Rwot rik okobo i Muca i kema me rwatte, i tim me Cinai, kun kobbe ni,

² “Kwan wel jo Icrael luŋ kun ilubo i doggola a kwarigi, dok daŋ co nyiŋ co luŋ acel acel,

³ cakere i kom jo ame mwaka me ditogi oromo pyeraryo dok kede malo, jo Icrael luŋ a romo lweny. Ibino kwanogi wunu kede Aron kun ikwano wunugi eryoŋet eryoŋet.

⁴ Dano acel ame oya iyi atekere acel acel bino konyowu, kun dano-nono bedo acalo adwoŋ a loo doggola a kwarogi.

⁵ Nyiŋ jo ame bino konyowunono ene: Jo a Reuben, Elijur wot a Edeur;

⁶ jo a Cimeon, Celumiel wot a Juricadai;

⁷ jo a Juda, Nacon wot a Aminadab;

⁸ jo Icakar, Netanel wot a Juar;

⁹ jo a Jabulon, Eliab wot a Kelon;

¹⁰ eka iyi awobe a Yucepu te bedo Elicama wot a Amikud pi jo Epraim, kede Gamaliel wot a Pedajur pi jo Manace;

¹¹ jo a Benjamin, Abidan wot a Gideon;

¹² jo a Dan, Akiejer wot Amicadai;

¹³ jo Acer, Pagiel wot Okaran;

¹⁴ jo a Gad, Eliacap wot a Deuel;

¹⁵ jo a Naputali, Akira wot Enan.”

¹⁶ Magi-nono gin jo ame oyero i akina lwak, gin obedo otel ame loo atekere a kwarogi kede odoŋe atekere me a jo Icrael.

¹⁷ Muca kede Aron te kwanyo jo ame otuco nyiŋgi-nono,

¹⁸ eka i nino me agege me dwe me aryo, gin te coko jo luŋ karacel; gin te bedo coye kengi kun olubo doggola a kwarigi dok daŋ olubo kite ame nyiŋ co luŋ ocoye kede acel acel, cakere i kom jo ame mwaka me ditogi oromo pyeraryo, dok kede malo,

¹⁹ kite a Rwot rik ociko kede Muca. En okwanogi kittono i tim Cinai.

²⁰ Jo a Reuben, atin kao Icrael, ikwae mere ikokome kun lubere i doggola a kwarigi kite ame nyiŋ co ocoye kede acel acel, cakere i kom jo ame mwaka me ditogi oromo pyeraryo wot kede malo, jo luŋ ame romo wot i lweny,

²¹ wel jo me atekere a Reuben oromo tutumia pyeraŋwen wie abicel kede mia abic nono.

²² Jo a Cimeon, ikwae mere ikokome ame lubere i doggola a kwarigi kite ame nyiŋ co ocoye kede acel acel, cakere i kom jo ame mwaka me ditogi oromo pyeraryo wot kede malo, jo luŋ ame romo wot i lweny,

²³ wel jo me atekere a Cimeon oromo tutumia pyerabic wie aboŋwen kede mia adek nono.

²⁴ Jo a Gad, ikwae mere ikokome kun lubere i doggola a kwarigi kite ame nyiŋ co ocoye kede acel acel, cakere i kom jo ame mwaka me ditogi oromo pyeraryo wot kede malo, jo luŋ ame romo wot i lweny,

²⁵ wel jo me atekere a Gad oromo tutumia pyeraŋwen wie abic kede pyerabic nono.

²⁶ Jo a Juda, ikwae mere ikokome kun lubere i doggola a kwarigi kite ame nyiŋ co ocoye kede acel acel, cakere i kom jo ame mwaka me ditogi oromo pyeraryo wot kede malo, jo luŋ ame romo wot i lweny,

²⁷ wei jo me atekere a Juda oromo tutumia pyerabiro wie aŋwen kede mia abicel nono.

²⁸ Jo Icakar, ikwae mere ikokome kun lubere i doggola a kwarigi, kite ame nyiŋ ocoye kede acel acel, cakere i kom jo ame mwaka me ditogi oromo pyeraryo wot kede malo jo luŋ ame romo wot i lweny;

²⁹ wel jo me atekere Icakar oromo tutumia pyerabic wie aŋwen kede mia aŋwen nono.

³⁰ Jo a Jabulon, ikwae mere ikokome kun lubere i doggola a kwarigi kite ame nyiŋ co ocoye kede acel acel, cakere i kom jo ame mwaka me ditogi oromo pyeraryo wot kede malo, jo luŋ ame romo wot i lweny,

³¹ wel jo me atekere a Jabulon oromo tutumia pyerabic wie abiro kede mia aŋwen nono.

³² Jo a Yeeepu, ame obedo jo Epraim, ikwae mere ikokome kun lubere i doggola a kwarigi kile ame nyiŋ co ocoye kede, acel acel, cakere i komjo ame mwaka me ditogi oromo pyeraryo wot kede malo, jo luŋ ame romo wot i lweny,

³³ wel jo me atekere Epraim oromo tutumia pyeraŋwen nono kede mia abic nono.

³⁴ Jo a Manace, ikwae mere ikokome kun lubere i doggola a kwarigi kite ame nyiŋ co ocoye kede acel acel, cakere i kom jo ame mwaka me ditogi oromo pyeraryo wot kede malo, jo luŋ ame romo wot i lweny,

³⁵ wei jo me atekere a Manace oromo tutumia pyeradek wie aryo kede mia aryo nono.

³⁶ Jo a Benjamin, ikwae mere ikokome kun lubere i doggola a kwarigi kite ame nyiŋ ocoye kede acel acel, cakere i kom jo ame mwaka me ditogi oromo pyeraryo wot kede malo, jo luŋ ame romo wot i lweny,

³⁷ wei jo me atekere a Benjamin oromo tutumia pyeradek wie abic kede mia aŋwen nono.

³⁸ Jo a Dan, ikwae mere ikokome kun lubere i doggola a kwarigi kite ame nyiŋ co ocoye kede acel acel, cakere i kom jo ame mwaka me ditogi oromo pyeraryo wot kede malo, jo luŋ ame romo wot i lweny,

³⁹ wel jo me atekere a Dan oromo tutumia pyerabicel wie aryo kede mia abiro.

⁴⁰ Jo Acer, ikwae mere ikokome kun lubere i doggola a kwarigi, kite ame nyiŋ co ocoye kede acel acel, cakere i kom jo ame mwaka me ditogi oromo pyeraryo wot kede malo, jo luŋ ame romo wot i lweny,

⁴¹ wel jo me atekere Acer oromo tutumia pyeraŋwen wie acel kede mia abic nono.

⁴² Jo a Naputali, ikwae mere ikokome kun lubere i doggola a kwarigi, kite ame nyiŋ co ocoye kede acel acel, cakere i kom jo ame mwaka me ditogi oromo pyeraryo wot kede malo, jo luŋ ame romo wot i lweny,

⁴³ wel jo me atekere a Naputali oromo tutumia pyerabic wie adek kede mia aŋwen nono.

⁴⁴ Magi gin jo ame okwano welgi, ame rik Muca kede Aron okwano, kun otel a jo Icrael konyogi, jo apar wie aryo ame ŋat acel acel ocuŋ pi doggola a kwarogi.

⁴⁵ Mannono omio wei jo Icrael luŋ ame okwano kun lubere i doggola a kwarigi, cakere i kom jo ame mwaka me ditogi oromo pyeraryo wot kede malo, jo Icrael luŋ ame romo wot i lweny,

⁴⁶ welgi luŋ oromo tutumia mia abicel kede adek, kede mia abic pyerabic nono.

Oketo jo a Levi i tic me loyo kema

⁴⁷ Ento jo a Levi mom ibino kwano wunu welgi karacel kedgi kun lubere atekere a kwarigi.

⁴⁸ Pien Rwot onwoŋo okobbi Muca ni,

⁴⁹ “Atekere a Levi keken en a mom ibino kwano welgi i akina jo ocele ca.

⁵⁰ Ento myero iketgi obedo olo kema me kop me caden; gin lo jami mere luŋ anaka ginnoro luŋ ame tye iye. Gin en ame bino tiŋo kema kede jami ame tye iye luŋ, gin bino tic iye; gonygi bino guro ke ma dyere.

⁵¹ Kare ame kema me kop caden mito cako wot, gin jo a Levi en ame bino puto; dok ka omito guro kema, jo a Levi daŋ en ame bino guro. Ka ce ŋattoro ocele ata onoko ke ma aceggi, dano-nono obino neko oko.

⁵² Jo Icrael bino guro kemagi eryoŋet eryoŋet, kun dano acel acel i gonnyere, dok ŋat acel acel bedo ite bendera atekere mere.

⁵³ Ento jo a Levi bino guro megi guro kema me kop caden dyere, me wek akemo moro kur pot i kom jo Icrael.” Jo Levi bino gwoko kema me kop caden,

⁵⁴ Jo Icrael rik daŋ te timo kittono; gin otio ginnoro luŋ ame Rwot ociko kede Muca.