Amoc 2 - BUK OBAŊA ACIL AME OLWOŊO NI BAIBUL AME OGEO LOKO I LEB LAŊO

¹ Rwot okobo ni, “Pien jo Moab otimo bai apol, mom doŋ abino kwanyo kop ame aŋolo i komgi; pien gin owaŋo cogo kom abaka me Edom, omio odoko buru.

² Abino bolo mac i kom Moab, maccono bino waŋo udi adoŋo me Keriot oko; jo Moab bi no to i dye lweny a doŋ obaŋere oko, i akina woo kede koko me apel;

³ abino kwanyo aloc oko i akinagi, abino nekogi karacel kede rwodegi ducu”, man kop a Rwot.

⁴ Rwot okobo ni, “Pien jo Juda otimo bal apol, mom doŋ abino kwanyo kop ame aŋolo i komgi; pien gin okwero cik a Rwot, mom ogwoko icwillere, jogi ame yam kwarigi oworo, orwenyogi oko i yo a Rwot.

⁵ “Abino bolo mac i Juda, maccono bino waŋo udi adoŋo me Jerucalem oko.”

Kop ame Rwot oŋolo i kom jo Icrael

⁶ Rwot oko bo ni, “Pien jo Icrael otimo bal apol, mom doŋ abino kwanyo kop ame aŋolo i komgi; pien gin ocato dano a kite atira pi lim, kede dano a can orido atek pi amuk me tyen;

⁷ gin onyono wi ocan piny iyi apua, ogeno jo a tye i can oko i yorgi; awobi kede pappere donyo baŋ nyako acel, me balo nyiŋa acil.

⁸ Gin obuto i ŋet keno ducu me lam, kom boŋŋi ame jo ojeŋo baŋgi; gin omato koŋo olok a jo ame otaŋo, i ot Obaŋagi.

⁹ “Aco koŋo an rik ajwero jo Amor oko i nyimgi, jo a rik odoŋo abocoboco bala yat cedar, jo a rik komgi tek bala opok; an rik ajwero nyiŋgi oko i malo, kede lwitgi a tye piny.

¹⁰ Dok rik akelowu ya i lobo me Miciri, atelowu i tim pi mwakki pyeraŋwen, me ile wunu lobo a jo Amor.

¹¹ Rik daŋ amio jo oya i akina itinowu me bedo odwarpiny, jo akwera daŋ oya i akina awobewu. Mom tye amannono, wun jo Icrael?” Man kop a Rwotikokome.

¹² “Ento wun imio wunu jo akwera omato koŋo, iciko wunu odwarpiny ni, ‘Kur rab kop Obaŋa.’

¹³ Nen ba, abino diyowu piny i kabedowu, bala kite ame kal awidi dio kede gadigadi piny,

¹⁴ Ŋwec bino loyo lon adwir oko, lon atek, te ko mere bi no rwenyo oko i kome, twon lon atek, mom bi no laro kwo mere.

¹⁵ Amak akud atero mom bi na cun, lon a tyene dwir mom bino larre, kadi lon ariŋo aguragura daŋ mom bino laro kwo mere.

¹⁶ Lon a cunye nwaŋ i akina jo atek, bi no riŋo oko onoro i ninonaca”, man kop a Rwot ikokome.