လံာ်စီၤယိၤၡူ INTRO1 - Sgaw Karen Common Bibleတၢ်ကတိၤဆှၢနုာ် လံာ်စီၤယိၤၡူန့ၣ်မ့ၢ်ဝဲတၢ်ဃဲၤပူဘၣ်ဃးပှၤအံၣ်စရ့လးဖိအတၢ်ဟဲနုာ်လီၤဒုးပှၤကနၤဧၣ်ဖိတဖၣ်, လၢစီၤယိၤၡူပှၤထီၣ်စီၤမိၤၡ့ အလီၢ်အတၢ်ကဲခိၣ်ကဲနၢ်အပူၤန့ၣ်လီၤ. တၢ်မၤအသးလီၤဆီတဖၣ်လၢအဘၣ်တၢ်တိၢ်န့ၢ်အီၤ, လၢဘၣ်တၢ်ကွဲးနီၣ်ကွဲးဃါအီၤလၢလံာ်အံၤအပူၤန့ၣ်ပၣ်ဃုာ်ဒီး တၢ်လဲၤခီဂာ်ထံကျိယၢ်ဒ့ၣ်, ဝ့ၢ်ယရံၤဃိအတၢ်လီၤပှီၢ်, တၢ်ဒုးတၢ်ယၤဖဲဝ့ၢ်ဂဲ, ဒီးတၢ်မၤသီထီၣ်က့ၤတၢ်အၢၣ်လီၤအီလီၤလၢကစၢ်ယွၤဒီးအပှၤဂီၢ်မုၢ်အဘၢၣ်စၢၤန့ၣ်လီၤ. လံာ်တဆၢလၢအဘၣ်တၢ်သ့ၣ်ညါအီၤအဂ့ၤကတၢၢ်လၢလံာ်အံၤအပူၤန့ၣ်မ့ၢ်ဝဲ, “ဃုထၢလၢမုၢ်မဆါတနံၤအံၤပှၤလၢသုကမၤအတၢ်န့ၣ်တက့ၢ်. မ့မ့ၢ်ယဲဒၣ်အံၤ, ဒီးယပှၤဟံၣ်ဖိ, ပကမၤယွၤအတၢ်လီၤ” (၂၄:၁၅). လံာ်အတကွီၣ် တၢ်မၤနၢၤကီၢ်ကနၤဧၣ် ၁:၁-၁၂း၂၄ တၢ်နီၤဖးလီၤထံကီၢ် ၁၃း၁-၂၁း၄၅ က. ထံကီၢ်လၢထံကျိယၢ်ဒ့ၣ်အမုၢ်ထီၣ် ၁၃:၁-၃၃ ခ. ထံကီၢ်လၢထံကျိယၢ်ဒ့ၣ်အမုၢ်နုာ် ၁၄:၁-၁၉:၅၁ ဂ. တၢ်ပူၤဖျဲးအဝ့ၢ်တဖၣ် ၂၀:၁-၉ ဃ. ပှၤလ့ၤဝံဖိအဝ့ၢ်တဖၣ် ၂၁:၁-၄၅ ပှၤအဒူၣ်လၢမုၢ်ထီၣ်တဖၣ်အတၢ်ဟဲက့ၤဆူ အကီၢ် ၂၂:၁-၃၄ စီၤယိၤၡူအတၢ်ကတိၤဆၢ ဂ့ၤလၢတၢ်လီၤဖးအကတီၢ် ၂၃:၁-၁၆ တၢ်အၢၣ်လီၤအီလီၤဘၣ်တၢ် မၤသီထီၣ်က့ၤအီၤဖဲဝ့ၢ်ၡက့ၣ် ၂၄:၁-၃၃ |
Sgaw Karen Common Bible © Bible Society of Myanmar, 1992.
Bible Society of Myanmar