လံာ်ယံးရမံယၤ INTRO1 - Sgaw Karen Common Bibleတၢ်ကတိၤဆှၢနုာ် ဝံယံးရမံယၤအိၣ်မူတ့ၢ်ဝဲဖဲချခနနွံကယၤအကတၢၢ်အကတီၢ် ဒီးချ.ခ.န. ဃုကယၤအခီၣ်ထံးအကတီၢ်အပူၤအတ့ၤန့ၣ်လီၤ. ဖဲအဝဲမၤတၢ်လၢကစၢ်ယွၤအဂီၢ်ယံာ်မးအပူၤ, အဝဲဟ့ၣ်ပလီၢ်ကစၢ်ယွၤအပှၤဂီၢ်မုၢ်လၢတၢ်နးတၢ်ဖှီၣ်ဖးဒိၣ် ကလီၤဘၣ်ပှၤကလုာ်အဂ့ၢ်မ့ၢ်လၢအဝဲသ့ၣ်အတၢ်ဘါတၢ်ဂီၤတၢ်ဖီၣ် ဒီးအတၢ်ဒဲးဘးအဃိလီၤ. အဝဲအိၣ်မူဘၣ်ဝဲတုၤအထံၣ်ဘၣ်တၢ်တဲဆိတဖၣ်အံၤလၢထီၣ်ပှဲၤ ထီၣ်ဖဲဝ့ၢ်ယရူၤၡလ့ၣ်လီၤဆူကီၢ်ဘၤဘူၤလိၣ်အစီၤပၤနဘူးကး န့စၢ်အစုပူၤ, တၢ်မၤဟးဂီၤကွံာ်ဝ့ၢ်ဒီးယွၤအတၢ်လုၢ်ဟံၣ်, ဒီးစိာ်မၢကဲကုၢ်ကီၢ်ယူဒၤအစီၤပၤဒီးအပှၤဂီၢ်မုၢ်အါဂၤ ဆူကီၢ်ဘၤဘူၤလိၣ်န့ၣ်လီၤ. အဝဲကတိၤဆိပာ်စ့ၢ်ကီဲးတၢ်ကမၤအသးအဂ့ၢ်လၢအဘၣ်ထွဲဒီးပှၤ ဂီၢ်မုၢ်ကဟဲက့ၤကဒါက့ၤဘၣ်လၢတၢ်စိာ်မၢကဲကုၢ်အလီၢ်ဒီးသူၣ် ထီၣ်ဘှီထီၣ်က့ၤအထံအကီၢ်ဒီးအပှၤကလုာ်န့ၣ်လီၤ. လံာ်ယံးရမံယၤအံၤတၢ်နီၤဖးလီၤအီၤဒ်လၢလာ်အသိးအံၤသ့ဝဲ လီၤ. (၁) တၢ်ကိးထီၣ်စီၤယံးရမံယၤ (၂) တၢ်ကစီၣ်တဖၣ် လၢအဟဲလၢကစၢ်ယွၤ အအိၣ်ဆူကီၢ်ယူဒၤဒီးအပှၤပၢတၢ်တဖၣ် ဖဲစီၤပၤတဖၣ်လၢအမ့ၢ် ယိၤၡံယၤ, ယဟိယါကံၣ်, ယဟိယါခံၣ်ဒီးစံးဒကံယၤတဖၣ်ပၢတၢ်အစိၤ (၃) တၢ် ဂ့ၢ်ဘၣ်ဃးဝံယံးရမံယၤအပှၤကွဲးလံာ်ဒိၣ်စီၤဘၤရူးအတၢ်သ့ၣ် နီၣ်အတၢ်ကွဲးတိၢ်နီၣ်တဖၣ်, အိၣ်ဃုာ်ဒီးဝံအတၢ်ကတိၤဆိတဖၣ်အကလုာ်ကလုာ်ဒီးတၢ်မၤအသးလၢ အကါဒိၣ်တဖၣ်လၢစီၤယံးရမံယၤအတၢ်အိၣ်မူအပူၤ. (၄) တၢ်ကစီၣ်တဖၣ် လၢအဟဲလၢယွၤအအိၣ်ဘၣ်ဃးတခီဘီမုၢ် အပှၤကလုာ်တဖၣ်အကလုာ်ကလုာ်အဂ့ၢ်. (၅) တၢ်စံၣ်စိၤတဲစိၤ လၢတၢ်ကွဲးအါထီၣ်အီၤတမံၤ လၢအပာ်ဖျါထီၣ်ဝ့ၢ်ယရူၤၡလ့ၣ် အတၢ်လီၤဆူဒုၣ်ဒါအစုပူၤအဂ့ၢ်ဒီးတၢ်စိာ် မၢကဲကုၢ်ဆူကီၢ်ဘၤဘူၤလိၣ်အဂ့ၢ်န့ၣ်လီၤ. စီၤယံးရမံယၤမ့ၢ်ပှၤလၢအသးဘၣ်ဒိဘၣ်ထံးသ့ညီတဂၤဒီးအဲၣ် ဘၣ်တ့ၢ်အပှၤဂီၢ်မုၢ်ဒိၣ်မး, ဒီးတသးအိၣ်ကတိၤဖျါထီၣ်ယွၤအတၢ်စံၣ်ညီၣ်လၢအဝဲသ့ၣ်အဖီခိၣ် ဘၣ်န့ၣ်လီၤ. လၢတၢ်ကွဲးအါတီၤအပူၤန့ၣ်, အဝဲကတိၤတ့ၢ်တၢ်လၢတၢ်သးဂဲၤယိာ် အပူၤလၢတၢ်တဖၣ်လၢအဝဲတူၢ်ဘၣ်တ့ၢ်ဝဲအဂ့ၢ်, မ့ၢ်လၢကစၢ်ယွၤကိးထီၣ်တ့ၢ်အီၤလၢကကဲထီၣ်ဘၣ်ဝံတဂၤအဃိန့ၣ် လီၤ. ယွၤအတၢ်ကတိၤလီၤဂာ်မးဒီးမ့ၣ်အူအီၣ်ဂီၤတၢ်လၢအဝဲအသးကံၢ် ပူၤ, ဒီးအဝဲမ့ၢ်တကတိၤဘၣ်ဝဲဒီးအိၣ်ဝဲတသ့ဘၣ်န့ၣ်လီၤ. လၢလံာ်အံၤအပူၤ, တၢ်ကတိၤဖးဒိၣ်တနီၤညိၣ်ဃီၤပှၤ, ပျံကွံာ်စီၤယံးရမံယၤအကစၢ်ဒၣ်ဝဲအတၢ်ကီတၢ်ခဲကတီၢ်ဆူမုၢ် နံၤတနံၤဖဲတၢ်အၢၣ်လီၤအီလီၤအသီတမံၤကအိၣ်ထီၣ်ဝဲ, ဒီးတၢ်အၢၣ်လီၤအီလီၤတမံၤလၢကစၢ်ယွၤအပှၤဂီၢ်မုၢ်ကတိၢ်နီၣ် ဖံးဃာ်ဝဲ, ကအိၣ်ဘၣ်ဒီးသရၣ်တဂၤလၢကဒုးသ့ၣ်နီၣ်အဝဲသ့ၣ်ဒၣ်လဲာ်, မ့ၢ်လၢတၢ်အံၤကဘၣ်တၢ်ကွဲးနီၣ်အီၤလၢအဝဲသ့ၣ်အသးကံၢ်ပူၤ အဃိန့ၣ်လီၤ (၃၁:၃၁-၃၄). လံာ်အတကွီၣ် တၢ်ကိးထီၣ်စီၤယံးရမံယၤ ၁:၁-၁၉ ဝံအတၢ်တဲဆိပာ်စၢၤတၢ်ဖဲစီၤယိၤၡံယၤ, စီၤယဟိယါကံၣ်, စီၤယဟိယါခံၣ်ဒီးစီၤစံးဒကံယၤပၢတၢ်အကတီၢ် ၂:၁-၂၅:၃၈ တၢ်မၤအသးတဖၣ်လၢစီၤယံးရမံယၤအတၢ်အိၣ်မူအပူၤ ၂၆:၁-၄၅:၅ ဝံအတၢ်တဲဆိပာ်စၢၤတၢ်တဖၣ်ထီဒါပှၤကလုာ်တဖၣ် ၄၆:၁-၅၁:၆၄ ဝ့ၢ်ယရူၤၡလ့ၣ်လီၤကွံာ်ဆူဒုၣ်ဒါအစုပူၤ ၅၂:၁-၃၄ |
Sgaw Karen Common Bible © Bible Society of Myanmar, 1992.
Bible Society of Myanmar