၂ တံၤမသ့း INTRO1 - Sgaw Karen Common Bibleတၢ်ကတိၤဆှၢနုာ် စီၤပီလူးအလံာ်ပရၢခံဘ့ၣ်တဘ့ၣ်ဆူစီၤတံၤမသ့းအအိၣ်အံၤ, အါတက့ၢ်မ့ၢ်ဒၣ်အတၢ်ဟ့ၣ်ကူၣ်ဟ့ၣ်ဖးအီၤဒ်အမ့ၢ်ပှၤသးစၢ်လၢ အမၤသကိးတၢ်ဒီးမၤစၢၤအီၤတဂၤအသိးန့ၣ်လီၤ. လံာ်အံၤ အတၢ်ဂ့ၢ်မိၢ်ပှၢ်မ့ၢ်ဝဲတၢ်သ့တူၢ်တၢ်န့ၣ်လီၤ. စီၤတံၤမသ့းဘၣ်တၢ်ဟ့ၣ်ကူၣ်အီၤဒီးဟ့ၣ်ဂံၢ်ဟ့ၣ်ဘါအီၤဒ်သိး အကအုၣ်အသးလၢယ့ၣ်ၡူးခရံာ်အဂ့ၢ်လၢတၢ်သူၣ်တီသးရၤ အပူၤထီဘိတထံၣ်ဃီ, လၢအကဂုာ်ကျဲးစၢးဟံးဃာ်တၢ်သးခုအကစီၣ်ဒီးလံာ်စီဆှံ အလီၢ်လံၤတကတြူၢ်အတၢ်သိၣ်လိအတီအလိၤတဖၣ်, ဒီးလၢအကမၤအမူအဒါဒ်သရၣ်သိၣ်လိတၢ်ဒီးပှၤစိာ်တၢ်သးခု ကစီၣ်တဂၤအသိး, လၢတၢ်ကွၢ်ဆၢၣ်မဲာ်တၢ်နးတၢ်ဖှီၣ်ဒီး တၢ်ထီဒုၣ်ထီဒါအပူၤဒၣ်လဲာ်န့ၣ်လီၤ. စီၤတံၤမသ့းဘၣ်တၢ်ဟ့ၣ်ပလီၢ်လီၤဆီအီၤဒ်သိးအသုတမၤ သဘံၣ်ဘုၣ်အသးလၢတၢ်ကတိၤတရီတပါဒီးတၢ်ဂ့ၢ်လိာ်ဘှီလိာ် ကလီကလီတဖၣ်လၢအတမၤဂ့ၤဒီးတမၤထီၣ်မၤထီတၢ်နီတမံၤ ဘၣ်, အခိၣ်တလိာ်မၤဟးဂီၤဒၣ်ပှၤလၢအဒိကနၣ်တၢ်သ့ၣ်တဖၣ်အံၤ တခီန့ၣ်တဂ့ၤအဂီၢ်န့ၣ်လီၤ. လၢတၢ်ခဲလၢာ်အံၤအပူၤ, စီၤတံၤမသ့းဘၣ်တၢ်ဒုးသ့ၣ်နီၣ်ထီၣ်အီၤလၢပှၤကွဲးလံာ်အံၤ အတၢ်အိၣ်မူဒီးအတၢ်တိာ်, အတၢ်စူၢ်တၢ်နာ်, အတၢ်သးစူၤ, အတၢ်အဲၣ်တၢ်ကွံ, အတၢ်သ့တူၢ်တၢ်, ဒီးအတၢ်နးတၢ်ဖှီၣ်လၢတၢ်မၤအၢမၤသီအီၤအပူၤန့ၣ်လီၤ. လံာ်အတကွီၣ် တၢ်ကတိၤလၢညါ ၁:၁-၂ တၢ်စံးထီၣ်ပတြၢၤဒီးတၢ်ဟ့ၣ်သဆၣ်ထီၣ်ခံ ၁:၃-၂:၁၃ တၢ်ဟ့ၣ်ကူၣ်ဒီးတၢ်ဟ့ၣ်ပလီၢ် ၂:၁၄-၄:၅ စီၤပီလူးအကစၢ်ဒၣ်ဝဲအတၢ်လဲၤခီဖျိ ၄:၆-၁၈ တၢ်ကတိၤလၢခံကတၢၢ် ၄:၁၉-၂၂ |
Sgaw Karen Common Bible © Bible Society of Myanmar, 1992.
Bible Society of Myanmar