Salmoù 126 - Bibl Koad 21: Ar Bibl e Brezhoneg evit ar Vretoned

Salm 126

¹ Kanaouenn ar "Maalod". Pa zegasas en-dro an AOTROU sklaved Sion, e oamp evel ar re a ra un huñvre.

² Neuze hor genoù a oa leun a griadennoù a levenez, hag hon teod a ganoù a drec'h. Neuze e veze lavaret e-touez ar broadoù: An AOTROU en deus graet traoù bras d'ar re-mañ.

³ An AOTROU en deus graet traoù bras deomp, ha laouen omp bet.

⁴ AOTROU, degas hor sklaved en-dro, evel ar gwazhioù e bro ar c'hreisteiz!

⁵ Ar re a had gant daeroù, a vedo gant kanoù a drec'h.

⁶ An hini a zoug an had evit e skuilhañ, a gerzh en ur ouelañ, met dont a raio en-dro o kanañ gant levenez, pa zougo e feskennoù.