ᐃᑭᓬᐃᓯᔮᐢᑎᐢ 1 - ᑲᓈᒋ ᑭᐦᒋ ᒪᓯᓈᐦᐃᑲᐣ1 ᐅᐟ ᐃᑌᐧᐃᐧᓇ ᐅᑲᑫᐢᑭᒥᐁᐧᐤ, ᐅᑯᓯᓴ ᑌᐱᐟ, ᑭᐦᒋ ᐅᑭᒫᐤ ᒉᕒᐅᓴᓬᐊᒥᕽ. 2 ᐱᑯᓇᑕ ᑖᐯᐧ ᐱᑯᓇᑕ, ᐃᑌᐧᐤ ᐅᑲᑫᐢᑭᒥᐁᐧᐤ; ᐱᑯᓇᑕ ᑖᐯᐧ ᐱᑯᓇᑕ, ᑲᐦᑭᔭᐤ ᐱᑯᓇᑕ. 3 ᑫᑲᐧᐩ ᐁᐧᐦᑎᓯᐟ ᐊᔨᓯᔨᓂᐤ ᑲᐦᑭᔭᐤ ᐅᐟ ᐊᑐᐢᑫᐃᐧᐣ ᑳ ᐊᑐᐢᑳᑕᕽ ᓯᐹ ᐱᓯᒧᕽ? 4 ᐯᔭᑲᐧᔭᐠ ᐅᑖᔮᓂᐢᑫᐱᒫᑎᓴᐠ ᓯᐯᐧᑌᐊᐧᐠ, ᒥᓇ ᑯᑕᑲᐠ ᐅᑖᔮᓂᐢᑫᐱᒫᑎᓴᐠ ᑕᑯᓯᓇᐧᐠ; ᒫᑲ ᐊᐢᑭ ᑳᑭᑫ ᐃᐦᑕᑲᐧᐣ. 5 ᐱᓯᒼ ᒥᓇ ᓵᑯᑌᐤ, ᐁᑯᓯ ᐸᐦᑭᓯᒧ ᒥᓇ ᑭᔨᐸ ᐃᐢᐸᔨᐤ ᐃᑌ ᑳ ᐅᐦᒋ ᓵᑳᐢᑌᐠ. 6 ᐅᐦᑎᐣ ᓵᐊᐧᓄᑖᕽ ᐃᐢᐸᔨᐤ, ᐁᑯᓯ ᑫᐧᐢᑭᔪᐁᐧᐤ ᑭᐁᐧᑎᓄᑖᕽ ᐃᓯ; ᑕᐦᑭᓀ ᑳᑫᐧᐢᑭᑎᐣ, ᐁᑯᓯ ᑳᐃᐧ ᒥᓇ ᑕᑯᑌᐤ ᐅᐦᑎᐣ ᐃᑌ ᑳ ᐃᓯ ᐋᐧᐢᑳᑌᐠ. 7 ᑲᐦᑭᔭᐤ ᓯᐱᔭ ᑭᐦᒋᑲᒥᕽ ᐃᓯᒋᐊᐧᓇᐧ, ᐁᔨᐁᐧᕽ ᑭᐦᒋᑲᒥ ᓇᒪᐃᐧᔭ ᒧᐢᑭᓀᐤ; ᐃᑕ ᓯᐱᔭ ᑳ ᑭ ᐅᐦᒋᐸᔨᑭ ᑳᐃᐧ ᒥᓇ ᐁᑯᑌ ᐃᐢᐸᔨᐊᐧ. 8 ᑲᐦᑭᔭᐤ ᑫᑲᐧᐩ ᐊᔨᐢᑯᐃᐁᐧᐤ; ᐊᔨᓯᔨᓂᐤ ᓇᒪᐃᐧᔭ ᑭᑕ ᑭ ᐃᐧᐦᑕᒼ; ᒥᐢᑭᓯᐠ ᓇᒪᐃᐧᔭ ᑌᐱ ᐋᐧᐸᐦᑕᒧᒪᑲᐣ, ᒥᓇ ᒥᐦᑕᐊᐧᑲᐩ ᓇᒪᐃᐧᔭ ᑌᐱ ᐯᐦᑕᒧᒪᑲᐣ. 9 ᑳ ᑭ ᐯ ᐃᑭᕽ ᐁᐊᐧᑳᐧᓂᒪ ᑫ ᐃᑭᕽ; ᒥᓇ ᐊᓂᒪ ᑳ ᑭ ᐃᑐᒋᑳᑌᐠ ᐁᐊᐧᑳᐧᓂᒪ ᑫ ᐃᑐᒋᑳᑌᐠ; ᓇᒪᑕᑲᐧᐣ ᒫᑲ ᐅᐢᑭ ᑫᑲᐧᐩ ᓯᐹᐱᓯᒧᕽ. 10 ᐃᐦᑕᑲᐧᐣ ᒋ ᑫᑲᐧᐩ ᑭᑕ ᑭ ᐅᐦᒋ ᐃᑌᐧᒋᐠ ᐊᔨᓯᔨᓂᐊᐧᐠ, ᒫᑎᑲ, ᐁᐊᐧᑯᒪ ᐅᐢᑭ ᑫᑲᐧᐩ? ᑲᔭᐦᑌ ᓵᓴᐩ ᑭ ᐊᔮᐤ, ᑳ ᑭ ᐯ ᐊᐢᑭᐊᐧᕽ ᒪᐧᔦᐢ ᐊᔮᔭᕽ. 11 ᓇᒪᐃᐧᔭ ᑲᓄᑭᐢᑭᓯᓈᓂᐊᐧᐣ ᑲᔭᐦᑌ ᑳ ᑭ ᐊᔮᑭ; ᓇᒪᐃᐧᔭ ᒥᓇ ᑭᑕ ᑲᓄᑭᐢᑭᓯᓈᓂᐊᐧᐣ ᒣᐧᐢᑕᐢ ᐊᑎ ᐊᓂᐦᐃ ᑫ ᐊᑎ ᐊᔮᑭ, ᓀᑌ ᓂᑳᐣ ᐊᑎ ᐋᔮᑖᐧᐃᐧ. 12 ᓂᔭ ᐅᑲᑫᐢᑭᒥᐁᐧᐤ ᓂ ᑭ ᑭᐦᒋ ᐅᑭᒫᑲᑕᐋᐧᐊᐧᐠ ᐃᐢᕒᐁᐃᓬ ᒉᕒᐅᓴᓬᐊᒥᕽ. 13 ᐁᑯᓯ ᓂ ᑭ ᐃᑕᐢᑖᐣ ᓂᑌᐦ ᑭᑕ ᓇᑐᓇᒫᐣ ᒥᓇ ᑭᑕ ᑲᑫᐧ ᑭᐢᑫᔨᑕᒫᐣ ᐃᔨᓂᓯᐃᐧᐣ ᐅᐦᒋ ᑲᐦᑭᔭᐤ ᑳ ᐃᑐᒋᑳᑌᐠ ᓯᐹ ᑭᓯᑯᕽ; ᒥᐢᑕᐦᐃ ᐋᔨᒥᓯᐃᐧᐣ ᑭᓭᒪᓂᑐ ᑳ ᑭ ᒥᔮᐟ ᐊᔨᓯᔨᓂᐃᐧᑯᓯᓵᓇ ᑭᑕ ᐊᑐᐢᑫᐃᑯᒋᐠ. 14 ᓂ ᑭ ᐋᐧᐸᐦᑌᐣ ᑲᐦᑭᔭᐤ ᐊᑐᐢᑫᐃᐧᓇ ᑳ ᐃᑐᒋᑳᑌᑭ ᓯᐹ ᐱᓯᒧᕽ; ᐁᑯᓯ ᐳᑎ ᑲᐦᑭᔭᐤ ᐱᑯᓇᑕ ᒥᓇ ᐁ ᐱᒥᑎᓴᐦᐊᒥᕽ ᔪᑎᐣ. 15 ᐊᓂᒪ ᑳ ᐋᐧᑳᐠ ᓇᒪᐃᐧᔭ ᑭᑕ ᑭ ᑲᐧᔭᐢᑯᑖᓂᐊᐧᐣ; ᒥᓇ ᐊᓂᒪ ᑳ ᓄᐦᑌᐸᔨᐠ ᓇᒪᐃᐧᔭ ᑭᑕ ᑭ ᐊᑭᐦᒋᑳᑌᐠ. 16 ᓂ ᑭ ᒫᒥᑐᓀᔨᑌᐣ ᓂᑌᐦᐃᕽ, ᐁ ᐃᑌᐧᔮᐣ, ᒫᑎᑲ, ᒥᐢᑕᐦᐃ ᓂ ᑭ ᑳᐦᒋᑎᓀᐣ ᐃᔨᓂᓯᐃᐧᐣ ᐃᔨᑯᕽ ᑲᐦᑭᔭᐤ ᑳ ᑭ ᓂᑳᓄᑕᐃᐧᒋᐠ ᒉᕒᐅᓴᓬᐊᒥᕽ; ᐁᐦᐁ, ᓂᑌᐦ ᒥᐢᑕᐦᐃ ᑭ ᑯᑌᔨᑕᒧᒪᑲᐣ ᐃᔨᓂᓯᐃᐧᐣ ᒥᓇ ᓂᓯᑐᐦᑕᒧᐃᐧᐣ. 17 ᓂ ᑭ ᐃᑕᐢᑖᐣ ᒫᑲ ᓂᑌᐦ ᑭᑕ ᑭᐢᑫᔨᑕᒫᐣ ᐃᔨᓂᓯᐃᐧᐣ ᒥᓇ ᑭᑕ ᑭᐢᑫᔨᑕᒫᐣ ᑭᐢᑫᐧᐃᐧᐣ ᒥᓇ ᑲᑫᐹᑎᓯᐃᐧᐣ; ᓂ ᓂᓯᑕᐃᐧᓀᐣ ᒫᑲ ᐅᒪ ᒥᓇ ᐁ ᐱᒥᑎᓴᐦᐊᒪᕽ ᔪᑎᐣ. 18 ᒋᑫᒫ ᐁ ᒥᓵᐠ ᐃᔨᓂᓯᐃᐧᐣ ᒥᓵᐤ ᐱᑫᐧᔨᑕᒧᐃᐧᐣ; ᒥᓇ ᐊᓇ ᑳ ᔭᑭᑖᐟ ᑭᐢᑫᔨᑕᒧᐃᐧᐣ ᔭᑭᑖᐤ ᒥᑯᐢᑳᑌᔨᑕᒧᐃᐧᐣ. |
This Bible text is a corrected edition of the 1908 Western Cree Bible; it is in the public domain.
Canadian Bible Society