पिलिपी INTRO1 - Korwa Bible

नाःआ चिठी बदीरे

नाःआ चिठी पउलूस मकिदुनिया देसराः पिलिपी सहररिकुःआ बिसवासी होड़कू लगाय ओजाःतेरा। नाःआ कलसिया पउलूस अनँयग परसार बुता मेलाय बुँहड़ीतेरा हना मड़ंगाः कलसिया हवे (मूक चेला 16:6-40)। नाःआ चिठी ओजाः मेला पउलूस जेहेलरेय दोहोना। पिलिपीरिकुःआ बिसवासी होड़कू ढिबुवा एमेवाडखन पउलूसकू संघरावातेरा। हनालगा हाँय हँकू धनियाबादगे लगा नाःआ चिठीय ओजाःतेरा (पिलि 1:5, 4:10-19)। ईसू मसी कटसियाय सहावतेरा अरू पउलूस हों नुँहू जेहेलरे कटसियाय सहावतना। हनन इया पिलिपी सहररिकुःआ बिसवासी होड़कू हों कटसिया ससाहाव पराःता माःआने सेतावकूतना। नाःआ इया होयाः दो बिसवासी होड़कू हना कटसिया भगवान अगीतेकू पवाःता हना दहिन इया ओंगोलवाडखन डीड़तेकू दोहोन लगा इदा।

पिलिपी सहररिकुःआ बिसवासी होड़कू अते अदोम होड़कूकू चेडतेडकुःआ, मोसेसराः नियम मेरकू मनाः दो होड़कू ओरोकू सडावनेना। मनदो पउलूस नँकुःआ लबरा चेडदार होड़कू अते सवासितीकू दोहोन लगाय सेतावतेडकुःआ। नाःआ चिठीरे बिसवासी होड़कू अहाल-बहालतेकू दोहोन लगा पउलूस घड़ी घड़ीने कताकेरा। हाँयग पउलूस जेहेलरेय दोनोहोन मेला हों मुरुक बहालतेय दोहोना। बिसवासी होड़कू बड़वार होड़कू अहाकू होयाः लगा अरू ईसू मसीराः सुधा ओंगोल इयाकू जियाः लगा पउलूस हँकूय उहियारकूतना; ईसू मसी जमालेःआते भनगवाने दोहोना, हनते हों हाँय भगवान बरोबइर दोहोन लगा, मेरेय ओंगोल दोहोगाड। मनदो हाँय जमालेःआ अड़ाःतेडखन, मनुवाराः सुरइत मुरइतरेय जनमावनेना, अरू बेगारी होड़ इयाय बड़ाँवनेना।

(2:6,7)

बिसय सूची

पउलूसराः धनियाबाद अरू अरजी 1:1-11

हुडिंग ओंगलुः घड़ीन मसी लगा जियाः1:12–2:18

पउलूस अगीते कता बहाल अरू सलाह 2:19–4:9

पउलूसराः टुटीग धनियाबाद अरू सलाम 4:10-23

« Previous

Wycliffe Bible Translators, Inc.