Salmo 3 - Kalin Diyos

Kararag Sin Agsapa

¹ Sik-a ay Diyos, ilaem kod di kaad-adon di komonkontra, din kaibaw ko et ad-ado da.

² Lomaslasoy da pay ay kankanan da, “Ilaen yo et adi man badangan Diyos sisya.”

³ Ngem kaman kan kasay ay salaknib ko, isonga laton ay abakek din kaibaw ko. Idawat mo kasin din dayaw ko, et papigsaem nan nemnem ko.

⁴ Mo man-adawagak ay mankedaw si badang mo, songbatam sak-en sin nasantoan ay dontog mo.

⁵ Ed labi, inbaktad ko ta maseyepak, et laton ay maga di nandanagak enggana sin kasinak binmangonan, tan wada ka ay mangay-ayowan.

⁶ Olay mo linmilikob di kalibolibo ay kagobat ko, adiak emegyat tan sik-a di salaknib ko.

⁷ Diyos ay Apok, dalasem ta omisalakan ka. Tan din kagobat ko et kanayon ay dinosdosam daida et kinakaan mo san kabaelan da.

⁸ Sik-a anggoy di makaisalakan, sapay koma ta din ipogaw mo et bindisyonam.